إعتذار, ولكن...

[الطبيب الجريح]

نصف عمري صار جبل من الهموم
ونصفه الباقي سما سودا من الغيوم
حتى عيوني صار يجفّيها النوم
حبيبتي حرام بعذابي تسّلين


عيوني من عنى البعد اسهدت
وشفاتي من طول هجرك إمحلت
وروحي إذا ما رجعتيلي اطلعت
حالتي ما تسر ربع ولا عدوين


لو تدرين بلوعتي وكثرة دموعي
وحرة النار لي تسكن ضلوعي
حبيبتي ندمت واعلن لك خضوعي
وقلبي نزعته لك بين كفين



أنا أعترف إني أخطيت بالمرة
وأوعدك أبد ما عودها مرة
حبيبتي زمان آدم خطى مرة
ربي غفر له ليش ما تغفرين


أشتقت لكلمة حبيبي من لسانك
ودفا حضنك وجنة حنانك
ورشفة أشفاتك وغمزة أعيانك
حبيبتي لين متى عني تصدين


حبيبتي ياما تعذبيني وأسامح
وتبدين الخصام وأرجع أصالح
وأسقيك الزلال وتقولين مالح
حبيبتي بس عاد كثير تغلّين


أرجوك حبيبتي أرجوك تتسامحين
ونرجع مثل أول وعذري تقبلين
ونطوى اللي مضى وأنسى وتنسين
ونبقى أنا وأنت أبد أحلى حبيبين

[تحـ الثـرىـــت]

عزيزي

صح لسانك و خواطر جميلة في معانيها .
مع تحياتي لك

[مسعد المدلج]

قصيده رائعه



الطبيب الجريح



ارجوا ان اقراء الجديد الافضل



تقبل تحياتي

[آخرة العنقود]

سلمت يمينك اخي واهلاً بك

بهذه الرائعه

التي اتحف القراء بها

الف صح لسانك

يعطيك العافيه

آخرة العنقود

[دوسريه]

تسلم على هالقصيده الرائعه .....
ننتظر جديدك...
دوسريه