[poet font="Simplified Arabic,5,darkblue,bold,normal" bkcolor="transparent" bkimage="backgrounds/17.gif" border="none,4,gray" type=0 line=200% align=center use=ex length=0 char="" num="0,black" filter=""]
بسم الله الرحمن الرحيم
بعض العرب له لون مضمون مضمون = ما يختلف لونه على السرمديه
وبعض العرب مجنون مجنون مجنون = يصدّق الكلمه ويشتم خويه
وبعض العرب بالعقل والحكم موزون = عقله يميّز به كلام الأذيه
والناس منظر والظواهر يخبون = الجلد ناعم لكن الناب حيه
يا كثر منهو جالس اليوم مغبون = يقلب الأفكار روحه وجيه
تجيه كلمه تطعنه حد مسنون = والسم فالكلمه يجيب المنيه
يا سعود واقلبي من الهم مشطون = يا سعود ضاق الصدر ويش القضيه
العين تدمع والسبب قول مفتون = يا راعي الفتنه علومك رديه
والله لو إن الحق يشرى بمليون = من بعض ناسٍ ما تعرف الزريه
لابيع مادوني وما املك وما امون = واظهر احقوق الناس غصب ورضيه
الشرع واضح لكن الناس يلغون = والحق ضاع وكل نفسٍ زكيه
ما احد يقول العيب فيني وتدرون = أنا الشجاع اللي وصلت العليه
ما يدري أن الناس بالفعل ينشون = والفعل يظهر والليالي جديه
والناس فيها الشر والخير مدفون = لكن ما ظلم راعي المقدريه
عسى الليالي تدّب اللي يسبون = وعسى الليالي تظهر الحق ليه
معروف ( ابو ابراهيم )
[/poet]
العرض العادي
