راح تعــــــــرف..؟

ريمية نجد · 23-04-2003, 03:47 PM

اتمنى ان تعجبكم...

راح تعرف أن حبي مع مرور الوقت صايب .
.. راح تعرف في النهاية ما حد يعوض مكاني

راح يكشف لك زمانك من هو اللي كان طايب ..
. ومن هو اللي لجل خله عاند ضروف الزماني

هذي الدنيا غــربيه .. صعب تلقى لك حبايب
... قلتها لك مالبداية صعــب يوفي لك أناني

من يضيع وقت غيره ولا يضحي في الصعايب
... كيف يثبت لك وجوده كيف تعطيه الأماني

إختلاف الرأي يحصل كل شي وله سبايب ...
والمحبة درب واضح من عشق لازم يعاني

وطبعها لحباب تبقى عالوفا وقت النوايب ..
. والمحب يصون خله ما رضى فيه الهواني

شفت عشرة غرامك يا هوى غيري عجايب
... تنفعل لحظة وجودي وتغير في ثواني

إنت في طبعك مزاجي تعصف بقلبك هبايب .
.. منشغل قصدك تلاقي من هو يعوض مكاني

وسلامتكم

تحياتي للجميع

ريمية نجد....

عابرة سبيل · 23-04-2003, 04:21 PM

ريمية نجد ,,,,,, رائع جدا

شفت عشرة غرامك يا هوى غيري عجايب
... تنفعل لحظة وجودي وتغير في ثواني

إنت في طبعك مزاجي تعصف بقلبك هبايب .
.. منشغل قصدك تلاقي من هو يعوض مكاني

اختي الغاليه ارجو كتابة اسم الشاعر

واذا كانت تخصك ارجو كتابة ذلك وصح لسانك اذا من كلماتك

ريمية نجد · 23-04-2003, 04:47 PM

اشكرك حبيبتي عابرة سبيل على ردك بس والله ما ادري من الي كتبها بس انها اعجبتني ونقلنها....لكــم...

تحياتي لك...

حسين الحربي · 24-04-2003, 04:02 AM

يابعدي حظورك هو الرائع

حظورك دائماً يبهجني

لاهنت لاهنت لاهنت

وصح لسانك

وربي لايحرمني منك

والف شكر لقلبك الطاهر النقي

alhanoof · 24-04-2003, 10:56 PM

مشكورة ريمية الود.........

اختياراتك تدل على شاعريتك

سلمتي اختي على حسن الاختيار

ريمية نجد · 26-04-2003, 10:42 PM

اشكرك اخوي حسين الحربي على مرورك الكثر من رائع ...تسلم..

هلا والله اختي هنوف تسلمين وعيونك الحلوه ...

تحياتي لكم...
ريمية نجد...

بندر العجمي · 27-04-2003, 11:41 AM

ريميه نجد 000000000
بكل بساطه قمه في الاحساس والمشاعر 0
كل كتباتك رائعه وانا اشوف ان الطريق قدامك في عالم الشعر والابداع ما زال في بدايته 0
رغم ان بدايتك قويه اذا لم تكن بدايه ممتازة جدا00

واذا لم تكوني شاعره فانتي انسانه قادرة على توصيل ما تحس به عن طريق ما تكتبينه وهذا بحد ذاته موهبه 000

ولابد ان توصلي الى القمه 000000 لانو في العمر يوم يبلغ العز ذروته000

أسجل اعاجبي الشديد في كتاباتك 000000

وتقبلي خالص تحياتي
بنـــــــدر