!!
سما ياحرفي الراهي تشوف ان القصيد سباق
سما يالله... نبى ناخذ انا وياك ...تحليقه
الى حضرة جناب اللي مع درب الهوى منساق
نصيحه كان تسمعني طريق الحب توهيقه !!
انا اللي ذاق مر الحب . مرارالحب ما ينذاق
انا اللي من ردى حظه سطى الجرح بمعاليقه
تعبت اراوغ جروحي وعذاب الحب ما ينطاق
تعبت اضغط على قلبِ يموت بشوف عشيقه
تعبت امطر هماليلي على غصنِ بدون اوراق
تعبت اسقي زماليقه ....ولا تزهر زماليقه
وصلت اخر مداهيل القصايد باخر الآفاق ...
درست اجمل تفاصيله وعرفت شلون تطبيقه
بخيالي ماطرى رجعه خيالِ للقصيد رواق ...
طموحي يابسِ راسه واكيد البعد ما يعيقه
لو اكتب ما تيسر دفتري باصغر حروفي ضاق ..
لو اقرا ماتيسرلي.... تعبت بكثر تدقيقه..!
على طاري القصيد اللي يجي من داخل الاعماق
كثير احلام نحلمها ..ولكن صعب تحقيقه...
انا وحلمي توادعنا وداعِ ما وراه عناق ...
تركني مع ردى حظي ومشى مع قل توفيقه
وانا وقلبي تعاندنا انا صابر وهو مشتاق ...
يمين الله وهو قلبي تمر احيان ما طيقه!!
افا ياسيد ضلوعي تفز لطاري البواق!! ...
افا (ياعيبة العيبه!) تبي خاين مواثيقه ؟
افا يا مضغة ضلوعي بعد ما يطعنك تشتاق ؟!...
افا تشتاق ؟ لعيونِ تخلت عنك بالضيقه ؟
افا ياقلبي الصامل واخبرك ما تهاب فراق ...
واذا يعني مزاياه .. مزايا صعب تصديقه؟
بغيته صادقِ مخلص ولا طاعني ..العواق
واذا يعني العسل ريقه؟ واذا يعني العسل ريقه !!
!!
العرض الشجري
