سلام الله ياعظامي عساكي سالمه لي دوم=علامك ليه مثنيّه علامك ليه تعقلتي
عقب راحت الشباب اللي قضيته يوم فوق اليوم=جاكِ اليوم ياعظامي زمان(ن)به تحرولتي
بديت امشي على المشعاب واقضي في عصاي لزوم=احد الوقت يرجع بي شباب إليا تنكرتي
حدتني للعصا الايام هذا هو ترى المقسوم=هذي حالة الدنيا وحالك لا تعذرتي
صبرتي عمري اللي راح يوم إن العلوم علوم=يوم إن الطريق إليا تشكل لك تشكلتي
زمان (ن) فيه لامني نويت اشرت لك ونقوم=نركب فيه فوق الحزم وإن زدتك تقبلتي
مشينا فالطريق وكم قطعنا في مداه حزوم=اذكرك الجبال اللي طلعنا لا تذكرتي
اذكركي غدير الما ونبعه يوم فيه نعوم=اذكركي حمول(ن)شلتها غصب وتصبرتي
انا ياعظامي( الشايب )ولكنّي رقيت نجوم=وانتي اجلسي فالقاع دام إنك تكبرتي
انا لي نفس ماترضى عن افعال الرجال تصوم=ليه اليوم لامني طلبتك ماتصدرتي
العرض العادي
