أنا لاغبت لي أسباب=وسباب الجفا هيّه
فقدت الصدق فالأصحاب=ماشفت الوفا ليّه
وبت وخاطري منصاب=وجوف القلب جا كيّه
وجرح(ن) مابعد قد طاب=له يابنت ماريّه
وليت الجرح من أجناب=كان اوفيت فالديّه
بلايه صاحبي قد غاب=زاد الهم جا فيّه
حسبت الشّوف فالاهداب=وأثر الشّوف في حيّه
عنيت ورحت للأنساب=ولا له فالوفا نيّه
وعقب أفراح وكتب كتاب=وقصة حب شرعيّه
رجعنا نقفل الأبواب=لا روحه ولا جيّه
| !! |نايف الشريف| !! | مأروع قلمك حين يصول ويجول بين الكلمات تختار الحروف بكل أتقان .. تصيغ لنا من الأبداع سطور تُبهر كل من ينظر إليها .. دمت بخير ..
شمس القوايل
مدري كيف يابو سعود تدس بين ابياتك
مايبهر الروح !
ويهيض المشاعر !
وتخليه يصيب الوتر الحساس من اقصاه !!
صح منطوقك يالامير
والله يحفظك كل حزّه وحين
احترامي وتقديري ,,,
انا ماصبت روح اللي تغنت بالجفا والصد=يوم(ن)جيت اشوف الحال ليني فبيت بلحالي
عشت العمر مثل البحر يوم(ن)جزر يوم(ن)مد=ويوم(ن)شلت وسط الليل رغم الجرح موالي
انا وش حيلتي باللي خطاها مايجي بالعد=لامن قلت جات بشوق اشوف الجرح قد جالي