ابيات متواضعه أحيان أحس الحــزن .. لـ أجلي وأحيان أقــول هـذا الحــزن ماهـو عشانـي يــالـيـتـهــا غــربـه وادوّر لــي أوطـــــــان ياليتهــا دمعـــه وتنـسـى زمـانـي يــالــيـتـهـا كـلمـه وادوّر لـي إنســـــــان يـاليتهـا سـاعـــه واعــدّ الثــوانــي كــل الـعمـــر وأنـا مـع الــهــم خــويــان لاضــــاق صــدره زارنــــي وابتلانــي أكــذب عليك إن قلت عايش وفرحــــان واكذب عليك ان قلت موتي كفانــي من ياخـذ همومــي ويعطيني إنســـان ماجــاه مثل اللي من الحزن جانـي الــمشكلـه مـاهــي بـغـلـطــه وندمــان الــمشكلـــه ليه الوفــاء دوم فـانــي صوره وملّــتهـــا مــن الـشيل جـــــدران ورده وذبلت ومــن قطفنــي رمانــي كــل آدمــــي يفرح وتنســــاه الأحـــزان .. اللا .. انـــا .. عمــر الحزن مانسانــي مــاعــاد بــاقــي بـالعمـر كـثـر ماكــــان والـصمـــت يـــقــتل فــرحتـي والأمانــي هات الحـزن مادامها احـــزان بـ أحـــزان هــات الحــزن دام الــفـرح مـــــالقانــي يـاليــل وين الصـبـح كـل يـوم سهـــران أسـهــر وحزنـي يحتوي كـل مكانــي يـابــلاد عمري مـابقــا فـيــك سكــــان ويــادمــع عيني مــن بقــا مابـكانــي وياقســوة الأيـــام حنّي بـ انســـان لـو راح مــاتلـقيــن انســـان ثانــي وسلامتكم
عيد الكسر صح السانك واعتلي شانك مبدع كما عهدناك يحفظك المولي نرقب الزود من هالابداع دوماا تحياتي وتقديري شمس القوايل
تبي الصراحه يالعتيبي ! ليتني ماقريت قصيدتك ! واللي خلقني ظيّمت علي ظيّمت علي ظيّمت علي ! دايم تجيبها على الوتر الحسّاس ياعيد لو اقول صح لسانك ماتكفيك ! الله عليك من شاعر !!!! الله يحفظك ويكفيك شر خلقه فائق احترامي وتقديري ,,, المـــدى ,,,
صح السانك على الابيات الرائعه روعه القصيده ومعانيها يسلموووو نتمنى المزيد من ابداعاتك الكريمه سجل ذروة اعجابي في رائعتك لك جل تقديري واحترامي