بنت تسألني سؤاااال!!!!!

[محروم*^*الود]

لماذا اذا نضرنا الي فتاة اصابتنا حالة هستيريه؟؟
كنت قبل كم يوم داخل بالماسنجر ووجدت رساله طلب اضافه من شخص فوافقت على الرساله ويوم دخلت امس بالماسنجر وجدت ان صاحب الأيميل فتاة المهم ما اطول عليكم طلبت مني اني اعرفها بنفسي وكانت شابه مؤدبه وصاحبة اخلاق بعد ما تعرفنا ((للمعلوميه هي من الكويت)) طلبت مني انها تسألني فقلت لها ماعندي مانع فقالت: ليه انتو يالسعوديين اذا شفتوا بنت رحتوا معاها وانهبلتوا عليها ولو كانت يهوديه؟؟!! انا لو هاذي زعلتني كثير ورديت عليه بعقل من دون تعصب ولاشي لأنه البنت تسأل من حقها الجواب بعدين العتاب قلت لها مو لهدرجه ، الي يسوي كذا شاذ عقلانياً وانا اعتبره غير متحضر لاكن فيه شي انو الشاب لاما يشوف مناضر تخجل اكيد بيتحررك فيه غريزة الشهوه وهذا للأسف كثير من الشباب كذا او اغلبهم الى من هداه الله واحنا ناس من الله علينا بنعمة الحجاب واذا شفت بنت غير محتشمه ولاهي متحجبه وبلأحرى مستتره اكيد رح يستحوذ عليك الشيطان لأنك مو متعود على هل مناضر مو كثير تشوفها يعني وتندرج على كذا التربيه وغيرها من الأسباب. ((وهذا ردي عليها))
وللمعلوميه ازعلت من الرد وسوت حظر بعدين انا حذفتها يمكن زعلت لأني قلت لها انا ناس من الله علينا بنعمة الحجاب!! الله اعلم.



الي ابغاه منكم يا شباب شيين:
1- ايش رايكم في ردي وفي كلامي غلط او يزعل .
2- ابي ردووود للمشكله هذي ولسؤالي الي بأول كلامي

وتحياتي،،

[دبه تسوي رجيم]

هلا اخوي محروم كلامك صحيح وما غلطت بشيئ فعلا البنت هي اللي تخلي الشباب يبتعدون عنها ولا انهم يتحرشون فيها

هلا اخوي المحروم بصراحه اعجبني ردك عليها فالحقيقه قاسيه دائماً مهما كانت ولكن هذه الحقيقه فى ردك اما بقولك اخي انها من اهل الكويت صدقني اخوي بأن هذي البنت لا تمثل إلا نفسها بعيده عن اهل الكويت فأهل الكويت غنين عن التعريف فيكفى ما شاهدناه عبر شاشات التلفاز عام ( 1391م ) من حملهن لتلك المدافع والرشاشات تحريراً لوطنهم .
اما المشكلة فلا ارى ان هناك مشكلة ابداً فهي استضافتك مجرد لسؤالك او لسؤال استفزازي ولكنك اصبت بذلك الرد .
تحياتي وتقديري لشخصك ،،،

[محروم*^*الود]

الف شكر على ردودكم واتمنى ان يكون الموضوع وقفه لكل شاب حتى يراجع حساباته






اما انت ياخوي عاشق الذكريات فلم تفهمني جيدا عندما اشرت انها من الكويت انا لم اقل هذا الى معلوميه فقط لا غير لأن القارئ لما يقرأ بيقول هذي صاحيه ولا مجنونه تتكلم على بلدها كذا وبالعكس الكويت دوله شقشه وشعبها احبابنا واخوانا والله يشهد على كلامي واصلا هذي ماتمثل الكويت وعن اخلاق شعب الكويت ، وارجو انك تكون فهمت المقصد من كلامي هذا والف شكر على ردك الرائع.

هلا اخوي مرحوم ولا حرمتك انشاء الله
اخوي كنت مستقصد بتلك الكلمة انا عندما وضحت لك اهل الكويت وايضاً اعجبني ردك لي ولكن تمنيت ان تذكر ذلك النقاش من دون تحديد تلك البلده فهل حقاً صدقتها عندما قالت لك انها من الكويت وانا عندما استضيفك من غير ما تعرف عني اي شئ واقول لك انني من الدولة الفلانيه هل تصدقني .
اخي شكراً على هذه الروحه الطيبه وياهلا فيك .

[قـ15ـر]

هلا اخوي اعجبني شي واحد فيك اللي هو ردك واللي احسن يوم قلت لها احنا ناس انعم علينا الله بنعمه الحجاااب تعجبني اخوي على الرد



(((قـ15ـر)))

[نوفو]

بصراحه ردك كان تمام
واحسن شي انك ماعصبت
بس بصراحه هي بعد معها حق
لان اغلب شبابنا هداهم الله مايصدقون يشوفون بنت
لا ويسافرون للخارج بحثا عن الفساد
هذي حقيقه والحقيقه قاسيه
بس بصراحه شبابنا كذا انا مااقول كلهم بس فيه منهم
والدليل روح اي سوق او مجمع وشوف حالهم هذا وهم هنا اجل اذا طلعوا برا وش يسوون
اتمنى انه محد يزعل لان هذي الحقيقه
تحياتي

[محروم*^*الود]

الف شكر لردك الهادف والجميل اخوي قمر 15

[محروم*^*الود]

يسلموووووو على ردك وجة نظرك ونحترم وجة نظرك هذي لاكن لها اسباب كبيره وكثيره اكبر مما نتصور ومنها الفراغ ومنها سوء التربيه ،وكلامك لامى تقولي برا المملكه ((لا)) انا اسافر بأستمرار ولا اجد ناس كذا منا بالعكس اناضر عكس كذا اشوفهم في حالهم يمكن لأنهم غريبين او مافيه برا المملكه الى الشده ما ادري وحتى الشباب الي مو كويسين تعرفين وين اماكنهم يكونوا في البار والمراقص وغيره الله يبعدنا عنها .
ونتمنى مزيد من الردووود،،

[سارا]

مرحبا اخوي

ردك سلييييييم ورائع
وبعدين من قالك ان شبابنا مثل كذا لا مو لهالدرجه هيه مزودتها حبتين
وانا هالسؤال جاني ومن وحده من منطقة الكويت وانا صراحه استغربت اقولها لا شبابنا مو كذا واحنا نعرفهم اكثر منكم بس كانت هيه مصره على رايها....

تحياتي لك