[[[SIZE=5]للشاعر مجهول الهوية إلى اليوم :
[غابت ثمان سنين حلٍ وترحال ** غابت ثمانٍ كلها مدلهمة
قضيتها بالحب والشوق رحال ** وحبٍ تحدى كل يأسه وهمه
سألت عنها سنين وشهور وليال ** ولافيه فجٍ غير وجهت يمه
وعقب الثمان اللي تعبها برا الحال ** جاب الزمان الكارثة والمطمة
جاني ولدها مبتسم بين الاطفال ** ومن بسمته ذكرت انا بسمة امه
شفته وصاحت داخلي كل الآ مال ** بصوتٍ عجزت بكتم الانفاس المه
وركضت له دمعي على الخد همال **ومن كثرشوقي قمت بالحيل اضمه
ولحظة حضنته والطفل في يدي مال ** شميت ريحتها على اطراف كمه
واستلهمت نفسي مقادير الاهوال** وتم الضياع واكدت لي متمه
واليوم بنت الناس في بيت رجال** وحبٍ على غير الشرف لي مذمه
ليت الغياب اللي شغل غربتي طال ** ولا دور العاشق على حرق دمه
مجبور اعود واشتكي كل الاميال ** بنفـسٍ حزينه كآئبه مستهـمه
برجع غريبٍ مسكنه بر ورمال ** يموت يحيى يندفن ما يهمه