في بحر جده قلتها قبل عامين
على غروب الشمس يالا لا لالي
*************
موج البحر يشكي عزوف المحبين
هايج بموجه بين الارياح عالي
*************
يشكي هجر من كان للقلب غالين
الله يسامحهم نسو عن سؤالي
**************
مدري زعل وإلا مع الناس لاهين
جالس أهوجس في هوايه لحالي
***************
بهذلتني في صحتي آآه يازين
ومن زود حبي صابر(ن)ياحلالي
**************
في عيني أنتي فوق كل المزايين
الفرق واضح دون أدنى مجالي
*************
سلمتك أمري وسوي اللي تودين
مادام أشوفك كل وقت بخيالي
*************
وبهمس صوتك لازمتني نياشين
هي صوبتني وجذبت للوصالي
*************
وكلماتك العذبه واسلوب مع لين
صبح الضحى يومه تبشرت فالي
*************
الفال زين اللي جمع حب شخصين
في صفحة الاقدار أصبح مثالي
**************
الحب الاول نظرة العين للعين
من يوم ناظرتك وصرتي قبالي
**************
أخترت شخصك بين ناس كثيرين
وعبرت من شعري وهذا مقالي
**************
ياللي ف بالي ياعساكم سعيدين
لو ماحصل شوفه ولو مااعتنالي
*************
أناغريب الدار مالي عناوين
تايه ف بحر الشوق واعزتالي
**************
الهم زايد سجلوا ف الدواوين
حاله فريده من يعيد إنتشالي
**************
مدري أنا أشكي همومي على مين
أحباب قلبي قصروا في وصالي
**************
قلبي تفطر واشتكى حرقة البين
والصقر مدهاله ف روس الجبالي
**************
أسألك ياربي ب(طه وياسين)
إنك تحقق لي مطالب ف بالي