االخنزير رقم (1)
شو شايفك لابس ومطقم,لوين رايح؟.
الخنزير رقم(2)
والله رايح أعمل مقابلة تلفزيونية على قناة h1n1
الخنزير رقم (1)
نيالك يا محظوظ,شو المناسبة؟.
الخنزير رقم(2)
ليش مالك خبر صاير معي أنفلونزا.
الخنزير رقم (1)
له له له له ..عليك العافية.
الخنزير رقم(2)
الله يعافيك ..ها اّ اّ اّتشو.بعد عني أحسن ما أعديك.
الخنزير رقم (1)
ليكون نمت بلا غطى,وأخدك برد.
الخنزير رقم(2)
أنا طول عمري بنام بلا غطى,اشمعنى اليوم.
الخنزير رقم (1)
أصبح منين أجتك هل المرضى؟.
الخنزير رقم(2)
واضحة مابدها تنين يحكو فيا,من البني أدميين.
الخنزير رقم (1)
والله هل بني الادميين بعملو من الحبة ابة,من شان عطستين بدن يطالعوك على التلفزيون.
الخنزير رقم(2)
لا كان بدي هل العطسة ولا كان بدي هل الطلعة.والله هل بني أدميين منين طلعونا ماعم أعرف!؟
كل ما بمرضوا مرضى بزتوا على الحيوانات,مرة بزتوها على الجيج,ومرة على البقر وهلق اجا دورنا
الخنزير رقم (1)
آه ولله هل البني أدميين طغوا وبغوا ومافي مين يردهم أو يسألهم شو عم تعملوا.
الخنزير رقم(2)
الله يخلصنا منهم ونرتاح,دجنونا وسكتنالهم,ودبحونا وسكتنالهم وعبونا في علب التنك وسكتنالهم وأكلونا وسكتنالهم.
وهلق لما عطسنا كم عطسة بدهم يشرشحونا هي مارح أسكت لهم عليها أبداً.
الخنزير رقم (1)
يعني شو طالع بأيدك تساوي يا عنتر زمانك.
الخنزير رقم(2)
هلق بالمقابلة رح تشوف شو بدي أعمل فيهم,والله لأشرحهم.
الخنزير رقم (1)
حاجتك منفخة وأحكي كلام على قدك,هدول البني ادمين ماحدا بقدر عليهم,هنن على بعضهم باقدروا على بعضهم.
ومن امت ما جيتهم نازلين دبح ببعضهم
الخنزير رقم(2)
هي معك حق فيها البني أدميين محسبين أنو الله خلق الدنيا بس مشانهم,وما شايفين حدا غيرهم.
الله وكيلك مافي حدا خليان من شرهم,وكل الحيوانات بياكلوها.وكل الطيور وحتى الحشرات,والصراصير والدود ماخلي من تمن.
ولمى بمرضوا بزتوها على الحيوانات والحشرات
الخنزير رقم (1)
أيه نعم نحن طول عمرنا ماعرفنا غير مرض أو مرضين,يا أمساك يا أسهال.
وهنن عندهم الأمراض كوميات كوميات,مادام نحن سبب أمراضهم ليش عميتحارشونا وياكلونا!؟.
الخنزير رقم(2)
والله حرّم لحمنا عليهم ومع هيك بياكلونا.
خليا بالقلب تجرح ولا تطلع لبرى وتفضح .
البني أدميين مابيعرفوا الله ولا بالأشارة ونازلين أكل ودبح بمخاليقه.
الخنزير رقم (1)
يعني قولك هل الأمراض كلا من عندهم.
الخنزير رقم(2)
معلوم:مو بس الأمراض شو في بلى في هذه الدينا بيطلع من عندهم.
أطعوا الشجر وخربوا الغابات ووقفوا المطر ونشفوا الأرض.
ماعدنا نلاقي شويت طين نعمل فيه حمام مرتب.
الخنزير رقم (1)
أييييييه الله يرحم أيام زمان كنت أتحمم بالنهار خمس مرات.
الخنزير رقم(2)
يازلمه جربنا والقمل أكلنا وأصت نلاقي جورة مليانة طين ...عبث.
الخنزير رقم (1)\
الشغله بدها صبر,مابعد الصبر إلا الفرج,والله يخلصنا منهم على أهون سبب.
الخنزير رقم(2)
نشاء الله هل اليوم قريب,والله عم يرحمنا من عنده ودعوات أمي جابت مفعولها مالك ملاحظ شلون الله عم ينزل من السما طين.
الخنزير رقم (1)
أي لاحظت هل شي,من يومين نزل طين كبس,فركضنا أنا ومرتي وولادي صرنا نتدعكل في هل الأراضي,الله وكيلك كيفنا.
الخنزير رقم(2)
حمام الهنا يللا خاطرك خايف أتأخر,قالولي إذا تأخرت رح ناكلك على العشا
الخنزير رقم (1)
على أساس أنت مرضان؟
الخنزير رقم(2)
حط بالخرج هدول البني أدميين معدتهم أكبر من عقلهم
الخنزير رقم (1)
الله معك القلب داعيلك بس دير بالك لياكلوك بعد المقابلة
الخنزير رقم(2)
سيدي كلو محصل بعضو أولتها وأسخرتها رح ياكلوني خاطرك
الكاتبه كلوديا بشور
العرض العادي
