السلام عليكم ورحمة الله وبركاته ..
مصـآفحـه أولى بقلمـي من الارشيـف .. أتمنـى أن تنـآل على اعجـآبكـم وترتقـي لمستـوى ذائقتكـم ,,
من بعد ذيك الليالي انتهـى حلـم الوصـال=وانولد حزن المفارق وابتدى نزف القصيـد
وانتهت كل الحكايه وانطـرح ذاك السـؤال=ليه يبعد عن عيوني وليه عن قلبـي يحيـد
ما دريت ان الهوى في وقتنا صعب المنـال=ومادريت ان المفارق يصهر قلـوب ٍ حديـد
ومادريت ان الفراق يعـذب قلـوب الرجـال=لين ما شفتـه بعينـي يبتعـد عنـي بعيـد
ماقدرت احبس دموعي ونادته عينـي تعـال=وانتثر دمع الوداع وصرت اضرب ايـد بيـد
صرت اشوف ان السعاده في بعاده شي محال=ولين هذا اليوم فيني ماطرى شـي ٍ جديـد
تنتثر دمعات عيني لا طـرت ذيـك الليـال=ولا ذكرتـه لا إرادي قلبـي دقاتـه تـزيـد
ومن بعد ذيك الليالي مابقى لفرحي مجـال=وانتهت اعظم حكايه وابتدى نزف القصيـد
عـبدالله الهـآملـي