هلا يا لغز حله كلنا نعرفه بالاجماع=ومن ركز بأبياتي اظنه قادر يحِله
معي دايم بتفكيري ولو جارت علي اوضاع=اشوفه يضمني حتى ولو ما كنت في حِله
سعدت بصحبته وابصم على اقوالي وله انصاع=ومهما صار لا يمكن لشخصي انه يمِله
احس انه يقاسمني همومي وخافي الاوجاع=ولا يبخل اذا يقدر يداوي الجرح و العِله
لعينه صدر قيفاني تشكِل حوله الاضلاع=تتابع من بدايتها الى الآخِر مثل ظِله
قريته بخط عامودي من القمة الين القاع=ورتبته لمن حاول بفكره انه يدِله
وجدته من رسى حرفي يعانق للظلام شعاع=كريم(ن) فاتح(ن) بابه وعزمه محدن يكِله
اواني بعز مشواري بوقفة راعي الابداع=على درب النقا ماهو على التزييف والخِله
فرايد حازها يدوي صداها في روبى الاسماع=تبرهن عن وفا صاحب تفانى في رضا خِله
يلوح بكل ابياتي بنبض العاشق الملتاع=وسيف العز يتجلى , يدور فارس يسِله
العرض الشجري
