معانات البنات ( دبه , ريووف , وجدان الدوحه ) بالله نبي قطيه ,,, هات لو نص ريال
زي كل بداية سنه تمر علينا نبداها بحماس ونشاط ونحلف اننا بنسوي انجازات وخطط وخرابيط ونغير من الوضع الي عشناها في السنه الي قبلها ونصير متشققين من الحماس ماندري وش نسوي نبي بس احد يقولنا سوو تسذا ونمشي ورا كلامه .. لو تشوفونا تقولون ذولي بيحررون فلسطين من الحماس الي مقطعهم
هذول البنات تحت المجهر تعال شوف ايش يقولن عن حظهن
اول السنه اتفقنا بما ان فيه كم بنت مننا متخرجات والباقين مابعد خلصوا دراسه .. اتفقت انا ( دبه تسوي رجيم *3 ) و ( ريووف #c ) و (وجدان الدوحه #z ) <<<---- يكفيكم الخشش بس
بما اننا متخرجات وملحطات في البيت لا شغله ولا مشغله اننا ناخذ ملفاتنا العلاقيه الخضر ونسري للمدارس الاهليه ندور عليها وحده ورا الثانيه لين نلقا لنا وظايف ولازم نصير بمدرسه وحده عشان الوناسه ( هذا اولها ) تشققت رجلينا وتمصعت يدينا من كثر الدوران وطق طقت بيبان هالمدارس على هالوظايف محد عطانا وجه ... وكل من شاف معدلاتنا وخششنا قالوا اقبضوا الباب حتى الدبلوماسيه معدومه عند ربعنا ويجي يوم بالصدفه ونسمع عن مدرسه اهليه في شارع اللي بين البطحه ومنفوحـــــــــه توها جديده وعندهم وظايف ، طبعن مايحتاج حنا ماصدقنا نشم خبر عشان نركض لهم والله لو تشوفون الي شفناه كان رحمتونا وقتها
لو تلمح ذا المدرسه والله ماتدري هي مدرسه ولا شقق سودانيين من شكلها والحوش حقهم انواع التحفيرات تقولون البلديه متسلطه عليهم ولا المراجيح حقت البزران الي حاطينها ذيك ام ريالين الي لعبه وتنخرع من كثر ماهي خايبه ...
تحسبونا رجعنا بيوتنا .. كلا والف كلا قلنا معليش كلش يهون ولا اننا نرجع املنا خايب ( قويه ) وندخل على المديره حقتهم وانوااااااع التميلح عليها والتنغيز والتنكيت قالت لنا ترى الراتب الف وميتين قلنا مااااااهيب مشكله نتنازل ولو انها مهيب زينه في حقنا .. قالت مير عنادن فيكم مافيه الا الف تبونها ولا انطقو ... لحوووووول ورا نفسها خايسه ذي قلنا امرنا لله مايخالف ولا طلعنا من عندها الا وحنا متأكدين انهم بيكلمونا ندوام ، ومن يوم رجعنا وحنا مرتكزين عند هالتليفون نحتريهم يدقون علينا ماااااش ، اسأل البنات دق عليكم احد ولا به احدن مجيب ( ماخذتها من اغنيه مصريه ترا )
الله ياااااااااادنيا حنااااااااا بنات اليوم الي اول يركضون علينا المدارس يبونا ندرس عندهم اول ماصارت السعوده والتليفون مايسكت والمملكه بكبرها تكلمنا وكلن يكلمنا والراتب ثلاث الاف وفوق وحنا مغير نتدلع لا مانبي لا بعيده لا تعب لا مدري وشو واخرتهاااااا يوم بغينا نتوظف نتنازل لهالمدارس المقربعه يقومون يجحدونا هالجحده من زين مدرستهم الحين ذا الشينه <<<---- الحين صارت شينه
ههههههههههههههههه
مايحتاج شهاده انا اصلا اي شي
ادخله يتبارك
يعني موضوعك بكرااا فيه اكثر من ثلاثين رد
يالدب
اخص ابك والله شكلك منسم تبي ارقعك خخخخخخخخخخخااااي <= ركز عليها
يالله بس صلح واحد شاورما
بدون كتشب
ok
سلملم
يجيب الله مطر <=
تولم الخلا مافيه تبديل ابك حفيت لين جبت ذا الرقم
ابادل فيه معلم شاورما
والله والله زمان
كش طش يالله هناك نهي بدل بابا
ححححححااي اخت خخخخخخخخخخخاااااااااااي
سلملم