السلام عليكم ورحمة الله وبركاته
اهداء هالابيات لختي انتظر ضمة غلااك
والرجااء مجاراتهاااا
ادعكم مع الابيات عسى ان تنال القليل من الرضاا
.
.
.
يالغاليه عاونيني ترى وضعـي خطيـر
الدمع في عيني غدى يقـدح شـرار
وااحزني اللي صار شـره مستطيـر
قلّط بوسط القلب واشّعـم فيـه نـار
مدائن الخاطـر ....تثـار وتستثيـر
يثيرهـاا همـااا يطالبهـاا بـثـاار
ضاق الفضا واصبح كما فرش الحصير
ودنيا العنا فيني لها افـلاك ومـدار
بنيت لي امـال مـن قلـب وضميـر
وطارت بها الارياح في كـل الديـاار
مثل الذي يزرع نخـل حـول الغديـر
ومرت سنه مير البلا مابـه ثمـاار
دنيا البشر وحده وانـا دنيـاي غيـر
فيها الكآبه والحزن سـوى حصـار
مدام موتي قـد دنـا والمـوت خيـر
بقوول يـلا ياعسـا الدنيـا دمـااار
انـا بخربهـا يصيـر اللـي يصيـر
وش عاد باقي كل شياَ فينـي صـار
قولي للفرزدق جاك من حضـرة جرير
ابيـات مدفونـه ويعلنهـا جـهـار
ماكل سالـم بالعـرب يعـرف بزيـر
وماكل طيرا يملـك الجنحـان طـار
وماكل من يلبس بشوت اصبح اميـر
وماكل صنم تسمع من جنوبه (خوار)
ايوووه يالعشى لو انك لـه شويـر
ماكان تاه وضاع في وضح النهـار
يابيـه/ ياباشـا/ يامنتـج/ يامديـر
ابسالك جاوب سؤالـي فـي وقـار
وش علم الخنساء تصـوم وتستخيـر
من بعد ماذبت عن الوجـه الخمـار
قالوا النعامه تضرب الجمـع الغفيـر
ونعامتـك ياهيـه توّهـا الغـبـااار
رحى الزمـن دايـم تـدار وتستديـر
وحنا نتحول من صغـار اليـا كبـار
وفلّيت ذاكرتي علـى سلـك الحريـر
ولمحت انا حلو النبـا والقلـب ثـار
يالغاليه روحي للي ذبحنـي مـن مطيـر
وقرّيه السلام وقوولي تكفاا باختصـاار
( ياهيه ياللي في يدك حكم المصيـر
قرر مصيري طال وقـت الانتظـار )
وسلامتكم ...
العبيوي
العرض العادي
