؛؛؛ ليت الجــــــــروح الداميه متســـــــاويه ؛؛؛

[( ســــارب )]

كله يهون إلا الخطا = وأوجاعنا..؛ وكلك نظر.. !
لا تجزل بمدك عطا = ما دام كفينك قبـــــر ..!
ما شفتني ستر وغطا = ولا شفتني عالي قدر
يا خوي لا جرحك وطا = وجه الحيا وش لك عذر ؟!

هي قديمة لا أجد ما يسد عن الغياب إلاها ؛
أتمنى إن لم ترتقي لذائقتكم أن لا تبور بين الأعيان

ليـت الجـروح الداميـه متسـاويـه=وليت النصيب اللي إنكتب لي ما انكتب
سـف الكـلام اللـي رواه الراويـه=ولم الكلام اللـي بعمـره مـا كـذب
شاعر..يعـز مـن الليالـي مخـاويـه=يسد حبره ليـن ينـزف مـن ذهـب
شاعر..يشوم مـن اللمـم والغاويـه=من خوف ربه ثم مـن امـه تنتحـب
شاعـر..ولا لـه فالـردى والهاويـه=إليا رقى يرقـى علـى متنـه غصـب
شاعر..عـزاه إن البنـادق خـاويـه=وإلا يمينه كم بها [ هـد ‘ وكسـب ]
شاعر..غـدره مـن الزوايـا زاويـه=يوم المكان انسب سكينـه للتعـب
شاعـر لقالـه فـي البسيطـه هاويـه=يـن البرايـا تحـوم حمالـة حطـب
لو قيس ذنبـه مـع ذنـوب معاويـه=ما ظنتي تصفى علـى نـار ولهـب *
قلته وانا اللـي مـا نظـرت الحاويـه=كني رميت إبهـا شياطيـن الغضـب
قلتـه وانـا حـس البشـر متقاويـه=إحساس نابع من صدى قلب ‘ وهدب
إحساس شاعـر والنجـوم الضاويـه=ترسل لـه اشـواق الثريـا لا نضـب
يـوم القلـوب اللـي وزانـه ثاويـه=طاحت ‘ ولا شالت عناقيد العتـب !
ماعـاد فيهـا يالصـدور الـراويـه=صغير سن وشبت من شوف العجـب
إلويـش يـا دنيـا العجايـب ناويـه=حتى يتعـرى مـن ملابِسْـهْ الأدب
..شفت الذيـاب المشرفـات العاويـه=ويا دون منهو في حياته ما احتسـب!

صــالح العتيــــــــــــــــيبي







*معاوية رجل صالح وما بين الفرقتين واضح وإن أخطأ فحسناته تمحو سيئاته ولكن هو
أقل من أن يجني حسنة ..وفاقد الشي لا يعطيه .

[*+* مـهــآآآآجــرة *+*]

الشآآآعر العذب الرآآآقي "

)) صآآآلح العتيبــي ((

للشموخ منآآبر تعتليه وللبوح حرف

عذب يميزه ... ولكلمآآآتك جمال يرتقي

بالمعنى ....يسعدني أن أكون أول من يعآآآنق

شموخ حرفك وينهل من فيض نهرك ....


صح لسآآآنك وربي لا هآآآآنك

تعودنا منك على كل ما يسد رمق الشوق

لجديدك المميز ....

ننتظر جديدك فلا تحرمنا تدفق نهرك الصآآآفي


الله يسلمك ويحفظك


دمت بخير "

[شيطون 606]

شكرا على الكلامات



يسلمووووووووووووووو



تقبل مروري




شيطون 606

[~ أسمحـ خطآكـ ~]

شاعـر..عـزاه إن البـنـادق خـاويـه

وإلا يمينه كم بهـا [ هـد ‘ وكسـب ]

صح لسانكـ
رسالة واضحه
وكأني إلتمست بعض
من جوانب حياة قائل القصيده
وقد يكون إستيعابي على قدر فهمي
أخي صالح دمت غنيا بعلمكـ
ودام بوحكـ

تحياتي
أختكـ بقاااياااا جروووح

تقبل مداخلتي

[العـ راعي ـليا]

اقتباس المشاركة الأصلية كتبت بواسطة سماوي كله يهون إلا الخطا = وأوجاعنا..؛ وكلك نظر.. ! لا تجزل بمدك عطا = ما دام كفينك قبـــــر ..! ما شفتني ستر وغطا = ولا شفتني عالي قدر يا خوي لا جرحك وطا = وجه الحيا وش لك عذر ؟! هي قديمة لا أجد ما يسد عن الغياب إلاها ؛ أتمنى إن لم ترتقي لذائقتكم أن لا تبور بين الأعيان ليـت الجـروح الداميـه متسـاويـه=وليت النصيب اللي إنكتب لي ما انكتب سـف الكـلام اللـي رواه الراويـه=ولم الكلام اللـي بعمـره مـا كـذب شاعر..يعـز مـن الليالـي مخـاويـه=يسد حبره ليـن ينـزف مـن ذهـب شاعر..يشوم مـن اللمـم والغاويـه=من خوف ربه ثم مـن امـه تنتحـب شاعـر..ولا لـه فالـردى والهاويـه=إليا رقى يرقـى علـى متنـه غصـب شاعر..عـزاه إن البنـادق خـاويـه=وإلا يمينه كم بها [ هـد ‘ وكسـب ] شاعر..غـدره مـن الزوايـا زاويـه=يوم المكان انسب سكينـه للتعـب شاعـر لقالـه فـي البسيطـه هاويـه=يـن البرايـا تحـوم حمالـة حطـب لو قيس ذنبـه مـع ذنـوب معاويـه=ما ظنتي تصفى علـى نـار ولهـب * قلته وانا اللـي مـا نظـرت الحاويـه=كني رميت إبهـا شياطيـن الغضـب قلتـه وانـا حـس البشـر متقاويـه=إحساس نابع من صدى قلب ‘ وهدب إحساس شاعـر والنجـوم الضاويـه=ترسل لـه اشـواق الثريـا لا نضـب يـوم القلـوب اللـي وزانـه ثاويـه=طاحت ‘ ولا شالت عناقيد العتـب ! ماعـاد فيهـا يالصـدور الـراويـه=صغير سن وشبت من شوف العجـب إلويـش يـا دنيـا العجايـب ناويـه=حتى يتعـرى مـن ملابِسْـهْ الأدب ..شفت الذيـاب المشرفـات العاويـه=ويا دون منهو في حياته ما احتسـب! صــالح العتيــــــــــــــــيبي *معاوية رجل صالح وما بين الفرقتين واضح وإن أخطأ فحسناته تمحو سيئاته ولكن هو أقل من أن يجني حسنة ..وفاقد الشي لا يعطيه .

اخي العزيز / صاالح العتيبي ..


أولاً / كل عام وأنت بألف خير


ثانياً / صح لسااااااانك لييين ترضى


و شهااادتي فيك مجرووحه يااغالي ..

وأنت تعرف رأيي فيك وبشااعريتك ..

فمهماا كتبت أجزم بأنني لم أوفيك حقك ..

لذا تقبل تواااضع مرور ي

اخوك / راعي العليا

[الجليـــــــــد]

هلاوالله بصالح

هجيـــر الشتاء
صاحب القلم الناطق

قلم يرن بالابداع
السحر أم الشعر
أم الشعر والسحر
ام كلاهما في
صالح العتيبي




وإلا يمينه كم بهـا [ هـد ‘ وكسـب ]
شاعر..غـدره مـن الـزوايـا زاويــه
يـوم المكـان انسـب سكينـه للتعـب

كفو والله ياصالح
بيت بحجم فيضانات الالم وبراكينها
حتى المكان اللي اللي سكنته غدرني
الله عليك ياصالح







قلتـه وانـا حـس البـشـر متقـاويـه
إحساس نابع من صدى قلـب ‘ وهـدب


حتى الهدب ينبع بالاحساس
وأي إحساس









يـوم القلـوب اللـي وزانــه ثـاويـه
طاحـت ‘ ولا شالـت عناقيـد العتـب !
ماعـاد فيـهـا يالـصـدور الـراويـه
صغير سن وشبـت مـن شـوف العجـب
إلويـش يـا دنيـا العجـايـب نـاويـه
حتـى يتعـرى مــن ملابِـسْـهْ الأدب
..شفـت الذيـاب المشرفـات العاويـه
ويا دون منهو في حياته مـا احتسـب!



صالح لن أضيف مهما أضفت
أنت هرمٌ
ومرئي من الارض بكاملها






نعطشك فلا تطيل الغياب






أخوك


رائد النايف

[( ســــارب )]

تستاهلون الخير مع مطلع الخيــــــــــــــــــــــر
وتستاهلون الحب كله قصيــــــــــــــــــــــــايــد


لي عوده ..

( إن الله أحيانا .. .. )

وشاكر لكم

[%فزولها%]

شاعـر..عـزاه إن البـنـادق خـاويـه
وإلا يمينه كم بهـا [ هـد ‘ وكسـب ]


لاهنت يمال العافيه شاعر ومتميز ...
مودتي

[أمير الضحكه]

يعطيك العافيه ..............


تقبل مروري...

[( ســــارب )]

قد تعودون ولا قد لا ..

ولكن يا عيب الشوم ..هوه واجب ..

اجمعكم .. لأنكم اخوه .. تحاببتم في الله
وأجتمعتم من أجلهِ - بإذنه -

ليظلكم تحت ظله ..يوم لا ظل إلا ظله ..

ودي ..

مهـــــــــــــــــــآآآجره //

صايمه عن زاد وانا عن حياة ! = ليت شعري من شبوع بلا أمل ؟!
باهته هالدار ؛ واجمل ذكريات = يوم اعيشك شوق والرحله خجل !

لا أريد ان استزيد معك ِ بالتحديد .. لأنني اكن لك كل ( رسميه)
و انا براء ٌ من هذين البيتين براءة الذئب من دم ابن يعقوب ..

الله انه يوفقك يا بنتي .. دنيا وآخره ..
ويا جعل يوم باريس هليتون قبل يومك .. ؛

هو ودي.. لو
لو يكفي ..

شيطون 606 //

وأنت ..نعم أنت يا شيطون !!
<< يقولون اني من فصيلة 511 ؟ !
بس كرشتهم ..؟ ما اتوقع .. هالسفاسف
استشرت في ادمغة الشعب السعودي ..
لهالدرجه .. !؟ بس ..
شكلها جهاز مستقل عن الداخليه

شوق وعنبر ...

بقا

يا جروح //

اقربي مني ترى قلبي رصيف = هو ملاذ الهاربين التايهين
كان تغريك المواني والمصيف = والله اني من بلاد المترفين
انتي اجمل حلم حسيته لطيف = حول خده خصلتين وياسمين

هو انتي عرفتي .؟!
اجل استري ما واجهتي ..!!
جزاك الله خير ..

يا بعــــــــــــــــدهم //

انت ما انت براعي عليا ..انت بعدهم بموجب القرار السامي من لدني ..

لو أقول اني هنا ..واشتقت لك = ما تصدق ؟! بس هذا واقعي
ياخي شف نبضات قلبي تسألك = ليه يظلم في غيابك شارعي
ما خذيت العز من منة ملك = لو يموت ألفين مره طالعي ..
انت وحدك يا عيوني منزلك = فوق هام السحب هذا شايعي
ارفضك جايز ..؟! وغيري يقبلك ؟! = مذهب الأحناف ..غير الشافعي !؟

سألت عنك رويلي .. وقال ما يعرفك .. معذور لو منك اسمين

الــــــــــــــراقي اللي أخجل منه //

أنت لا رايد ولا ريّس خفـــر = ولا انت وحدك في خميلة شاعرك
انت ما انت انسان من صنف البشر = انت مدري كيف ربي خالقك ؟!
انت اصل الذوق يا نفحة عطر = انت كن المسك ذاته ..حارقك
لو شموخ انسان من إحدى الكبر = كان قلت _ الله وحده _ عاذرك .
احترمك كثيـــر وآحبك كثــــر = ..كثر ما اشوفك ولا اقوى افارقك

ياااااااااااا
رائد لا الشعر يوفيك حقك فأصمت ..
ولا مزيدا من السرد سيوفيك ..
أحمد الله أنك هنا ... وأشكره أنك تقرأني ..

أيـــها الممتلئ طُهـــرا وعفاف ..

كـــُلي لك ..

فـــــــــــــــزولهااا //

ليت أزفك من حرم ربي لمنى = ليت ترجع من ذنوبك في أمان
صاحبك صايم ولا عنك غنــى = ليتني رديت من قبل رمضـــــان !
والله إن قلبي يا فزو ما جنى = من حروفك غير نشوه وافتنان !
آآآه من قلبي ..إذا شافك هنا = صرت احسه ينتثر شوق وحنان
كل ما اشوفك احس انك انا ! = غاليه يعني ... على مـر الزمـان

فيه ناس يدورون عني لو عثره بالمنقاش ..؟!
اربني جبت العيد
والله اني صافي نيه ..وسلامتك يا أوخيه ..

ودي ..