حسبت الوقت من شوقي يقدر حالتي وياه
طلبته بس يتركني اقضّي يوم بيدينه
لقيت عقارب الساعه تزيد الهم بي والآه
وضاع الوقت واشواقي تقلّب في عناوينه
احبه يوم يحظنّي يطفي نار من فرقاه
وأقول اشلون بأتهنى بعيد عن خطاوينه
وأحبه يوم يتدلع على قلب(ن) أهو يفداه
واحب اوصافه الترفه وحورٍ وشّم بعينه
جميلٍ... ما أنوجد مثله ولا مثل البشر شرواه
على فخر الأدب رابي وينهل من قوانيــــــــــــنه
أخذني من بحر ياسي ورساني على مرساه
وبدلني هموم الوقت بعطرٍ من رياحيـــنـــــه
عفيف النفس محبوبي كريمٍ لا عطت يمناه
صدوقٍ لا قطع وعده وكمــل بالحيا زينه
لأجل عينه كتبت الشعر . وراح الشعر في فرقاه
وصار الشعر متبعثر يدور عن دوواينه
عسى ربي يديمه لي حبيبٍ خافقي يهواه
واعيش بعزّ احضــانٍ تنسي الهم .... وسنينه
*
وسلامتـــــكم^^