مجلــــة (( اخــتـيـــــــارااتـــــــ ))

[سهرتني ياحب برتاح]

بسم اللــــه الرحمن الرحيـــم

السلام عليكم ورحمة اللــه وبركاتـــــه

مســـاكم الله بالخير جميـــعاً


مــــووضـــووعــي هـــو بيســـط للغـــايــه


هـــي مجلـــــه تجمـــع ماترراه اعيـــنكم


وتختــــارره اذوواقكم من قصائــد شعــريــه او ابيـــات او خـــوواطــر

فلاتبخلــــووا عليـــنا بمشاركاتكم


وان كان لكل مجلةٍ رئيــس تحريــر



فيســرني ان اعلـــن ان رئيس تحرير هذه المجلـــــه هــو انتم يا (( اعضـــاء منتدى الـــوود ))




وانـــا سأبـــدأ بأول مشـــاركــــه وهي قصيده جميلـــه للشـــاعـــر سعــــود بن مهــدي

بعنـــووان (( الصـــووره ))

اضحـك واداري عـبـاد الله واجاملـهـا
والله علـى نعمـة الكتـمـان قـاردنـي

دورت بالخلـق ؟ ضايعـهـا وعاقلـهـا
ولا لقيت اللـي لامـن تهـت يرشدنـي

حتى اللي ! بديته امـن النـاس بأكملهـا
راح وغدربـي ؟ ولاكـنـه معاهـدنـي

مافيـه احـد يحفـظ العشـره ويبجلهـا ؟
هـذي الحقيقـه .. وشكـي مايراودنـي

ان مت .. كل ٍ نسـى ذكـراي واهملهـا
وان رحت .. محدٍ مـن العالـم بفاقدنـي

عزاااااه ,, يا ( ضيقة ٍ ) بالصدر شايلهـا
وين اللي يبكي علي .. وان طحت يسندنـي

لاجيـت أقـرب لخلانـي و أواصلهـا
لقيت حتى ( طريق القرب ) .. يبعدنـي ؟

ياللي جروحك .. عرفت شلـون اعاملهـا
انـا تعـودت .. لاداعــي تعـودنـي

يا أول سنيني .. و آخرها .. ويا أجملهـا
الله معاك ومعي ؟ .. وأبيـك توعدنـي

لاجات ذكـراي فـي بالـك ؟ .. تأملهـا
شف وش كثر كنت .. بالتعذيب تجهدني

ليتـك مـثـل ماتخيلـهـا ,, تخيلـهـا
وتعرف الأحزان .. ياللي كنت مسعدني

اليوم ؟ .. سلم على (( الصوره )) وقابلهـا
ماعاد فينـي شعـور ٍ .. لـك يجودنـي

والله .. مدري انا مـن ويـن احصلهـا ؟
من ظيم الايام ؟ .. أو .. حظ ٍ معاندنـي؟

جتك ( الرساله ) .. وانا ماكنت برسلهـا
لكن ؟ .. هـذي علومـي يـوم تنشدنـي

[تبوك الورد]

يعيطك العافية أخوي (( سهرتني ))

دائماً تتحفنا بكل ما هو جديد ورائع ،،

أتمنى أن تكون المجلة شاملة وعامة اي بمعنى تكون القصائد مقروءة ومسموعة ..


ولي عودة لوضع إحدى القصائد الرائعة .

دمت بخير ،،

[سهرتني ياحب برتاح]

هلاا وغلاا بتبـــووك الـــوورد حيـــهم


توواجــدك مميـــز في اي شــي

والاكيـــد ان كــل مشــاركــه لك ستكــون اضـــافــه للمجلـــه


الله لايحرمنــا تواجدك يالغالـــي


انا بنتظارك وانت خلك بانتظــاري ^_*

[سهرتني ياحب برتاح]

صبـــحكم اللــه بالخيـــر

عــــووده مجـــدده لكـــم

وهــذي احــدى روائـــع محمد بن فطيــس


اتمنى ان تنــال اعجابـــكم

بعنـــوان

(( ليتنـــي طيـــر ))


ليتني طير إلى من ضاق رفرف بـه جناحـه
لا تضايق حرّك الجنحـان لحـدود السحابـه

يرتفع حتى يبدل ضيقـة الصـدر انشراحـه
يعتلي النسناس ويعانق بـه النـوّ وضبابـه

لو يروح بعيد ما أحد يسألـه سبـة مراحـه
ما هو بمثلي يفجّـر ضيقتـه دمـع وكتابـه

لا نوى ما هو يحسّب فرق بعد ولا مساحـه
ولا يحاتي لا لفى بـأرض بعيـد ولا قرابـه

ما يفكّر غير فـي لمـة جناحـه وانفتاحـه
لا بغى ينزل بنهـر وان بغـى ينـزل بغابـه

لأجل قلب لا طرى له صاحبه داعب جراحـه
عانده وجه الزمان وزاد وقته مـن مصابـه

صاحبي والحظ الأ قشر قلّد أيامـي وشاحـه
يسقي أيامي دموع ويطعـم الظلمـى كآبـه

في رجاء لقياك دارت غربتي في كل ساحـه
وعين قلبي في غيابك صدّقت كذب السّرابـه

لا أرتسم بعدك هجير ترتسـم لقيـاك واحـه
ولا أرتسم حبك قريب تصبح اللقيـا مهابـه

لا جنت فرقاك فرح ولا أثمرت جمعاك راحـه
بين حرّ القرب وأحزان الفراق أوجه تشابـه

من مساء هاجس لقاك اللي يماطل في صباحه
لين هاجوس الفراق اللي تمادى فـي عذابـه

ليت قلبي طير لا من ضاق رفرف به جناحـه
لا تضايق حرّك الشريـان لحـدود السحابـه



.

[سهرتني ياحب برتاح]

عووده مجدده لقرراء المجلـــه

هذه احدى الروائع اتمنى ان تحوز على رضاكم

أبد .. ما جيت ابارك ولكن جيـت اباوصّيـك
.......................على الله ناوي ٍ تدخل بهـا الليلـه .. مُعذّبْتـي

ترى لولا الظروف اللي عطتْك وحدّت محاكيك
…......................قسم بالله ما تدخل عليهـا لـو علـى رْقبْتـي

ولكنّ النصيب اقوى ولا ادري ويش اسوّي فيك
........................نعم .. صارت معزّبتك .. ولا صارت معزّبْتي

كذا شاءت بنا الأقدار تحرمني لجـل تعطيـك
…......................كذا لازم عشان تفوز إنت .. أخسر بتجربْتـي

تراها غاليه جـداً .. وتكفـى .. والله يخليـك
….......................تـدللها .. تدلعهـا ... تنسّيـهـا مصاحبْـتـي

أنا من كثر ما اغليها أحس اني بديـت اغليـك
….......................ولا تسـأل بأيّـة حـق ولا ّ وش مناسبْـتـي

لإنك لو بتسألني بتسمع شـيء مـا يرضيـك
…........................لذا ياخـوي لا تسـأل ولا تسمـع لأجوبْتـي

أبيك تحطها في داخل عيونـك وبيـن ايديـك
…........................وهي دلوعه اعتـادت علـى كثـرة مداعبْتـي

فداعبها شوي شـوي حتـى تشتهـي طاريـك
….........................وشاغبها إلين تقـول لـك: بطّـل مشاغبْتـي

واذا هي مالها خلقك..ولا تضحك ولا تسلّيـك
….........................تحمّلها وإسألهـا: يـا عمـري ليـه عصّبْتـي

وبالك اسمع انّك يوم تضربها وهـي تشكيـك
….........................ما يحتاج اورّي لك بفـن الضـرب موهبْتـي

صحيح انك بتملكها ومعـك الصـك بالتمليـك
….........................وانا عارف حدود الله ومـن حقـك معاقبْتـي

ولكن قلّها المجنـون وصّانـي وهـو يعنيـك
…..........................يقول انّـه بينتظـرك ولـو شيّـب وشيّبْتـي

وانا مجنونها اللي ما نساها وانت مـا يمديـك
…..........................تغطّي ذكرياتي في هواها.. وربْـع تجربْتـي

أحس اني تماديت بكلامي.. والغضب حاديـك
…...........................ولو انّك في مكاني ما تفكّـر فـي محاسبْتـي

كفاك اني تركت الليله اشغالي عشـان اجيـك
…...........................دخلت القاعه برجلي ولا ادري ويش عاقبْتـي

وانا ما جيت اخرّب عرسك الليلـه ولا أذّيـك
…..........................أنا جيتك عشان اخاطبـك واسمـع مخاطبْتـي

توصّى..وانتبه..واحرص عليهـا والله يهنّيـك
…..........................ترى كل الكلام اللي طلَع من ضيقـيَ وكبْتـي

ولكن ما قدرت انّي أقوله وانـت مـا يخفيـك
….........................أخاف انّـي إذا قلتـه تقـوم وتقطـع رْقبْتـي

[سهرتني ياحب برتاح]

مســـاكم اللـــه بالخيــــــرر



قصيـــده رائــعه للشــاعـــر

((( خالــد السوويكــت)))

اتمنى ان تنــال اعجابــكم



قولو للي ناشـدن عنـي انـا... انـا
شخص عادي لا يدور مظاهر مـن وراي

كان يبغاني انـا بـس انـا عنـده هنـا
وكانه يدور مظاهر يـدور لـه سـواي

لني آخر شخص يسعى لمظاهـر ولغنـا
والتواضع و القناعه تمثـل لـي غنـاي

واللي ماجنا (النعم) في حياتـه وش جنـا
وش يفيد الجاه والمال وقولة هاي هـاي

مـال قـارون بثوانـي بامـر الله فنـا
وكل مخلوقن مصيره لحدر القـاع جـاي

كل شيـن فانـي مـاراح يبقـى عقبنـا
كود فعل الخير و ذكرن ينومس من معاي

و بسببها راسـي لغيـر ربـي ماانحنـا
لي طموحن تسبق افعالـه البيظـا نبـاي

ماقهرني عـن مرامـي شقـا و لا عنـا
والله اني اشقى و اسعى الين القى منـاي

مااقول انا بطل عزمي ابـدان مـا انثنـا
ينثني و انخاه ويشوش ويرقى لمستـواي

ليه اكابر والكبر نقص مـن عينـي دنـا
ليه دام اني انـا حايـزن علـى رضاي

يكفي اني افتخـر لا ذكـرت انـي انـا
شخص عادي تسبق افعالي البيظ ا نباي...

[أسيرة السآمر..~]

يعطيك العاافيه

فكره حلووه


وهذي ابياات من عندي

لا شــــــــــــــفت اســـــــــــــمك


لا شــــفت اسمك على الـشاشة حـــــضت بلــهفه جوالي
نـــــسيت أن الـــرقـــم يــفـــــصل أذا مــــارد طـــــوالـــي
نـــسيت الــــناس من حـــولي حـــسبت أني أنا الــحــالي
وغـــصت بــفــــكري في بــــــحرك بـحر بمواجه خـــيالي
وصــــرت أجــمع من أعـــماقه صدف وأحــجـار تـحلالي
وقـــلـــبي مــن الــفرح يرقـص على نـــــغمــتك ياغــالي
وصــــــرت أتــــــــخـــيل عيــــــونك كـــأنك واقـــف قبالي
وصــــــــرت اردد بــــــــنــفسي هــــــلا والله بـــعد حــالي
هــلا بحـــــــــــبي هــــــــلا بعــمري هلا ياكــــل أمـــالي





خساااااااااااااااااااااااااااااره


خــسارة كل ذي الفرحة خســارة نــــبض وجداني
رســـالة جتني بـــــلحظه صدمــني ما كتـــب فيها
فتـــحت الوارد بـــــلهفه ياليت المــــسج ما جاني
ولــكن صارت الغــلطة وجروحي من يـــــدويــها
وأنا مــدري شــنو قــصده مــزح ولا يتــــحــداني
وقــــلت أشــوف وش عـــنده أذا مـزحه أعديــها
رجـــع أرســل وفي رده يــــقول ارحل تــــنـساني
كــرهت الحب من حبـه ودروبه صــــرت مابيــها
نــزف جرحي وهو الـسبة قــسم مااحـب من ثاني
رســمت بوجهي البسمه ودموعي صرت اداريـها
تــركت العـــــشق ومن عده طـــريق صار ندماني
الا ياقـــــــلب لا تحــــبه ســـــواته من يــــسويــها






بس للاسف مدري من كاتبها

[سهرتني ياحب برتاح]

صبحكم الله بالخيـــر

عووده مجدده

ولكن قبل العوده


احب ان ارحب بالاخت اسيرره

واشكررها على هالاطلاله الحلـــوه

والقصـــائد الجميلـــــــه ((نتمنى ان تكون الاولى ليست الاخيـــره ))

الان اتررككم مع قصيـــده جميلـــه للشــــاعر ((سلطان النواف ))


اتمنى ان تنال على اعجابكم


((رســــــــايـــل واتصـــــال))



اجمل ليالي بالعمر ليلة بَهـا الفرقـى وصال
ليلة حبايب صافيه ( لا للزعل ) تمثالها

بسمة رضا دمعة فرح والكـل يبـدأ بالسؤال
والليله اللـي فرّقتهـم مايبـون وْصالها

دايم وانا من ازمة الفرقـى يسافربـي خيال
وآسافر بذكرى معاهـا من قديـم اقوالها

ودي بلحظة باللقى لو كان لي فيهـا مجال :
. .مشتاق اعرف اخبارها وآشوف كيف احوالها

واقول ياللي غيبتك طالت وحال القلب حال
دنيا الحزن في غيبتك ماغاب عنّي بالها


بيني وبين الحزن بغيابـك رسايل واتصال
.والفرحه اللي مـن فقدتـك مغلقـه جوالها


يالغايبه والشوق من غبتي بحالة .. إشتعال
.وانتي السبب بالنار في قلبي وفي إشعالها

القلب من غبتي يسولف وينها .. بنت الحلال
.ويقول لاتكتـب غـزل الا بزيـن خصالها

واصحى من احلامي .. واردد آه ياطول الليال
.مادامها قد هاجرتني مال قلبي ومالها

وارمي من اوراق الورود وترمى بروحي ظلال
هي هاجرت ماهاجرتني ؟ طيب الله فالها

مادامت الفرقا نهايتنـا وليـل الوصل طال
.بافارق اللي كانت لقلبي وغيري نالها

خلاص يادرب العنى مادام مافيهـا .. وصال
.بسلك دروبك لو اضيع بدنيتـي واهوالها


وسلامتـــــكم

[₪بنـ شقية ـوتة₪]

وعليكم السلام ورحمة الله وبركاته

مساك الله بالنور والسرور

ويعطيكم العافية جميعاً وهذي مشاركتي معكم .. قصائد صوتية للشاعر حامد زيد


الــحلـــــم


التمثــــال


ان شاء الله تكون لي عودة

تقبلوا مروري .. بنوته

[موت الاماني]

السلام عليكم ورحمة الله وبركاته
مساء الخير
اولا اقدم شكري لسهرتني ياحب على هالموضوع الرائع
ثانيا ابشارك رغم اني من زمان مادخلت اي قسم للشعر .
سوف اشارك بقصيده للشاعر عبدالرزاق خلف بعنوان العيون الضاميه وسوف اضع رابط تسجيل القصيده بصوتي اهداء لك .

العيون الضاميه
للشاعر / عبدالرزاق خلف

وهذا رابط القصيده بصوت موت الاماني
http://up.9q9q.net/up/index.php?f=792Z1XDca

العيون الضاميه

لـو الـعـيون الضـاميه ترتـوي شوف
كان ارتوت مـن زود حـسـنه عـيوني
بـس البـعيـد مشـاهـده يحرق الجوف
دام الـظـروف تـحـول دونـه ودوني
مـشــتاق له ودًي اضـمـه وملهوف
اضـم صــدره لابـكـافي امـتـوني
مشتاق اسولف له عن احـلام وطـيوف
لـه طـول فـتـرة غيـبته مـاتركوني
ودي اشتكي له من قسى الوقت وظروف
زادت مـع كـثـر البـعـاد بجـنـوني
ودي اطـرًز بالـشـعر اجـمـل حروف
واقـول هـذي نـابـعه مـن شـجوني
ودي وودي لـكـن الـمـوت والـخوف
انـي امـوت ولادرى عـن طـعـونـي