تخيل : نسيبك باكستاني .. أو .. تخيل : بنقالي جاكم يخطب !!

[PENC!L]

تخيل ماتدري في أحد الأيام .. إلا وباب بيتكم يطق ..

طق طق طق

تقول : مين عند الباب ..

يقول : أفتخ باب .. انا كمار

تفتح الباب .. وتحصله العامل .. اللي يغسل السياره ..

وهو فاك الضحكه على وجهه ..



وش تبغى ياكمار في هالوقت جاي عندي ..

يقولك : بابا .. مافيه أقلط ..

بعد ما تدخله لبيتك .. وتضيفه ..

وتصب له فنجال القهوه .... يقولك :

فنجال حق انته مافيه أنا اشرب هوه .. انت اول يقول (( تم )) على طلب مال أنا ..

<<< ينعل ام اللغه اللي تعرفها ..

المووووووهم ..

وتنزل عليك الصاعقه .. لما تسمع طلبه ..

أنا طالب القرب منكم ..

ابو هنود حاط عينه على البنت .. يبغى يتزوجها ..



في هالموقف وش راح تسوي .. وش بتقوله .. كيف تكون ردت فعلك !!

\
/
\
/
( جميع ما سبق .. مجرد مقدمه .. لموضوعي )
.
.
.

أستغربت أنا من الاحداث الاخيره . وتسليط الانظار على الفتاة السعوديه .

( عاد ما شافو إلا هي من زين الخشه )

كل ما أفتح قناة ولا أناظر جريده ولا أتصفح منتدى أحصل أنواع المواضيع اللي تخص السعوديات .

قيادة المرأه السعوديه .. زواج المرأه .. عنوسة المرأه .. دراسة المرأه .. ذهاب المرأه ..

وقبل مده وأنا فاك خشتي عند الستلايت ..

<< موصل السلك من عند الجيران .. والوالد مايدري ..

ولفت أنتباهي تقرير على أحد القنوات

وموضوعه هو :

(( السعوديات يؤيدن الزواج من أجنبي ))

قلت في نفسي ياولد خلني أشوف هالتقرير وأعرف من (( بني علمان )) وش عندهم من أفكار جديدة .


لكن طلع تقرير فاشل ولا عنده سالفه ...إلا والله رفع ضغطي وقطعت سلك الدش وتهاوشت أنا وولد جارنا .


وكله بسبب هالموضوع !!


أنا أقول أن هالتقرير (( خطأ في خطأ)) وبنات السعوديه مايرضون أبد .... وخويي يقول لا كلامهم صحيح .

وأغلب بنات هاليومين وخصوصا الجامعيات يؤيدون هالفكره .

لأنهم بنات متعلمات وفاهمات ودلوعات وواصلين لمستوى راقي ..

مو اي واحد يتزجها ... يااااااااااااااااااي


أنا عن نفسي مستغرب . قبل مده كان أحد شروط البنت اللي بتتزوج أن يكون المتقدم لها قبيلي . ومن نفس قريتهم ..

وأنه لم يسبق له السفر الى الخارج وأنه يحب البلوت ويشجع المنتخب السعودي وسيارته كامري جنوط لومينا .. .. ... خذ وخل

هههههههههههههههههههههههه

وفي نفس الوقت أعرف الكثير من الشباب اللي راحو يخطبون عند ناس قبيليين وكان رد البنات :

((ييييععع معد بقي إلا هي أتزوج طرش بحر ))

واليوم .. يقبلون الزواج من أقرب هندي
سبحان مغير الاحوال ...

صارو يوافقون على الزواج من الاجانب بكل بساطه .. وانتشرت هذي الظاهر بشكل ملحوظ ..

صار الاجنبي أفضل من ولد الديره .. ليييييييييييه ؟؟

أنا أقصد بالاجنبي اي شخص تختلف جنسيته عن البنت ..

يمكن يكون أمريكي او بريطاني او حتى أفريقي ..

على كل حال

أنا حبيت أناقش معكم الموضوع وأسأل البنات ..

هل فعلا أنتِ أحد شروطك لزوج أن يكون قبيلي .

أو أنك تقبلين الزواج من أي شخص حتى ولو كان أجنبي .

هل مسألة ( الأصل والفصل ) للعريس تهمك أم أنها صارت موضه قديمه ؟


أترك الموضوع لكم وأتمنى أجد الصراحه والشفافيه ..


ولا أنسى الشباب ...وشرايكم بس نروح لسوريا و نتزوج ونفلها هناك بألف ليره سوريه ..

أم أيمن ... فييين الشيشه ..!!

[$$قاطع طريق$$]

اخي العزيز Penkil شاكر لك على موضوعك الجيد لكن بيني وبينك لكل مجتمع تقاليد وعادات يعني مسألة إنه يجيك بنقالي إزهلها ماراح يوافق الا حالات شاذة ولو تبغى في الأصل إنه مافي شي لو تزوجت من بنقالي لو علم إنه متدين طيب مافيه شي لأن الإسلام يوم أتى أذاب كل الفروق العرقية وقال الرسول صلى الله عليه وسلم كلكم ابن ادم وادم من تراب وأيضاً قال لا فرق بين عربي ولا عجمي إلا بتقوى لذلك موضوعك جيد وانا ان كان عن نفسي راح اتزوج اجنبية اذا وجدتها كفو زواج وتقدر على تحمل مسؤليته وأنا متوقع إنها راح تكون أفضل من السعودية من عدة نواحي مو كل السعوديات طبعاً في سعوديات عالعين والراس وفي الناس وربي تخسر مهر عالفاضي
هههههههههههههههههههه
ولاحق ديونك اللي تدينتها عشان تتزوجها تطلع ماتعرف تسوي حتى بيض بالغلط ههههههههههه يله حبيبي وشووووووكرن عالموضوع ..
تشاااو

[أسطورة الرياض]

أبو أيمن إصبر على الشيشة
قاعدة أزبط الراس


بصراحة أخوي Penc!l

فعلا أشوف بناتنا بدأوا يلتفتوا لغيرنا وش القصة انتي وهي يابت

يابن الحلال عليك في أهلك وأخواتك أحسن لك واحسن لي وخل غيرك بكيفوا

لأني قبلك على ما أسمع من هالمواضيع وأضيق صدري وأتعب نفسياً ولا أحد درا عني وأنا ودي البنت السعودية مكرمة ومعززة وووووو...... لكن مو كل الناس مثلي ولا مثلك

بصراحة لاحظت هذي الأيام البنت السعودية ودها واحد تتحكم فيه والرجل السعودي مو من ذي المواصفات فعشان كذا فكروا بالأجنبي

ولو بتابع مشاكل البنات السعوديات بأتعب

وكل ينام على الجنب اللي يريحوا


وهذااللي أقولو ليس يعم جميع البنات السعوديات ولكن يخص من في الذكر فقط ولكم تحياتي

أسطورة الرياض

[كــــــــــــرز]

موووضوووع في قمة اروعه واتمنى الاقي ردود من بنااااات

نبي نشوووف وجهت نظرر الفتيااات

[:الحزن مملكتي:]

والله موضوعك مستحيل حاليا لكن الزمن القادم يخوف وأنا ما أستغرب هالشئ إنه يصير لأن البنات اليومين هذه تدور التميز عن الآخرين حتى لو كان الشئ هذا على حساب العاداة والتقاليد مو كل البنات كذا لكن الأغلبية

[%فزولها%]

ههههههههههههههههههههههههه بنسل اذا لقيت اجنبي قلي هااااااااااااااا






































من قااااااااااااااااااااااااااااااااااال المعلومه الخاطئه يمال الصحه قلووووووووووو عيالنا الى كثر الدبااااااااااااااااااااااااا ماشاء الله اروح ادور هندي او سوري الله لايقوله

على العموم هذي توافيق من ربي يسلمك ربي على الطرح الى رفع ظغطي وجابلي الحمى

دمت بود............فزوووو

[butter fly girl]

يسلموووو أخي ع الموضوع

أنا رأي من رأي فزوو الله يعطيها العافية

شكرا ع الموضوع الرائع

وتقبل مروووري

[الشاكـــي]

هلا وغلا فيك اخوي بنسل

صراحه موضوع جميل وباسلوب اجمل

معاني قوية بطريقة خفيفه ومرحه

موضوع الزواج من الاجنبي او الزواج من اجنبيه


موضوع شائك وكبير

لكن مرجعنا لحديث الرسول صلى الله عليه وسلم
"" اذا اتاكم من ترضون خلقه ودينه فزوجوه""

ماقال لا نسب ولا حسب .. ولا جنسيه

وغير كذا ان في السعوديه اكثر من 5 ملايين عانس

واكيد ان كل وحده تتمنى تتزوج وتعف نفسها عن الحرام

والشباب الله يخليهم لنا الي عاطل والي شغال بكبينه 3 اشهر ثم سطلع سوريا

يوشيء اخر هو ان المسئلة ماهي خذني جيتك

كل بنت عندها اهل وولي امر يهتم بامرها

ومو اي واحد يدق الباب قلنا له تم

اكيد بيسأل وبيشاور وبيفكر وهي بعد بتفكر وبتستخير

ولا الزواج نص الدين وهو راحة وسعاده لاي شاب وفتتاه

رزقني الله واياكم ببنت الحلال الي تسعدنا وتريحنا بالدنيا

ويرزقكم يالبنات ولد الحلال الي يصونكم ويحفظكم

تقبل مروري

انتظر جديدك

تحياتي

[PENC!L]

اقتباس المشاركة الأصلية كتبت بواسطة $$قاطع طريق$$ اخي العزيز Penkil شاكر لك على موضوعك

Penkil !!

هلا والله بقاطع طريق ..

والله يعافيك .. ويعز غاليك ..

أما من ناحيت مافيها شيء ..

ليه !! مافيه رجال متدينين في السعوديه ... وإلا .. خلصو الشباب الكفو من عندنا .

هو صح ان فيه قليل من الشباب .. وربي البنقالي أشرف و أرجل منه ..

بس يبقى ان الأغلبيه للشباب المتدينين ذو الاخلاق الفاظله .. وهم أولى من غيرهم للزواج من بنات الديره .


على كل حال ..
سعدت جدأ بوجودك .. وتعليقك الرائع .. والله لا يحرمنا من هالطله ياحلوو ..

فوتك بالعافيه ..

[PENC!L]

اقتباس المشاركة الأصلية كتبت بواسطة أسطورة الرياض أبو أيمن إصبر على الشيشة قاعدة أزبط الراس بصراحة أخوي Penc!l فعلا أشوف بناتنا بدأوا يلتفتوا لغيرنا وش القصة انتي وهي يابت يابن الحلال عليك في أهلك وأخواتك أحسن لك واحسن لي وخل غيرك بكيفوا لأني قبلك على ما أسمع من هالمواضيع وأضيق صدري وأتعب نفسياً ولا أحد درا عني وأنا ودي البنت السعودية مكرمة ومعززة وووووو...... لكن مو كل الناس مثلي ولا مثلك بصراحة لاحظت هذي الأيام البنت السعودية ودها واحد تتحكم فيه والرجل السعودي مو من ذي المواصفات فعشان كذا فكروا بالأجنبي ولو بتابع مشاكل البنات السعوديات بأتعب وكل ينام على الجنب اللي يريحوا وهذااللي أقولو ليس يعم جميع البنات السعوديات ولكن يخص من في الذكر فقط ولكم تحياتي أسطورة الرياض

يوووووه .. يا أم ايمن . ترى ماصارت .. وين الشيشه


أسطورة الرياض ...

أنا كذا نايم على الجنب اللي يريحني ..

لازم نتكلم .. ونوضح للناس خطورت الشيء هذا

والله فيه ناس يجهلون عواقب هالشيء ... ويفكرون ان الدعوه مجرد تميز ..

آخر قصه سمعتها .. من جريدة الوطن قبل فترة .

فتاة سعوديه تتزوج من دكتور بريطاني ...... يا حبيبي
وفي الأخر تطلب الطلاق .. لا وبعد تطلب محاكمته .... ليه !!


بعدين , بيني وبينك ..

اذا البنات تزوجو من الأجانب .. أنا بعد بكره مين يتزوجني


أسطورة الرياض ..
فعلا أنت اسطوره .. ومشاركتك جدا رائعه .. الله يعطيك العافيه ..

لك تحياتي ..