أنا البارح سهران والنوم ماجاني=طوتني هموم الروح ولابت محتار
هموم تتل القلب تل دلو السواني=من وسط جم البير وفيه المكر دار
أسج في طيفه وبعده إلي طواني=طي السجل وصمة همه لها أثار
يذكرني به حمام ساجع بللحاني=يسجع حمام الورق ثم أختفى وطار
وأنا قيد هم ماله من الناس ثاني=دائر بقلبي مثل معصم به أسوار
القد ساق الورد راوي ورياني=والخد كوكب يضئ فوق بألفلك دار
كل المحيا بدر وبارقه الثماني= ثمان مثل الول تعكس كل لنوار
لا اليازيه ولا هيفاءومشعلاني=ولا زينب مع السعوديه بنت لحرار
درمكنون عن ألمس و شوف لعياني=أشين سعوديه أطلق من نجمة إستار
إلي يصوت لها البزران بثواني= توهم على الزينات باقي إصغار
ما شافو السعوديه ست الحساني=بنت الدين والحيا أخت وافين لشبار
ماتعزف الارج ولا ترد الحاني=من الله حره عزيزه لها هيبه ومقدار
مهيب مثل الي أتلون بكل للواني=كأسيه عاريه تجرالصوت مع القيثار
إتوجد على مسرح من الناس ملياني=تحيي سهرة فرح بأقل لسعار
يقدمونها سلعه ماهو لسواد لعياني=لجل يزود الريال ودرهم والدينار
تجدها لكل شي أساس وعنواني=ماهو لجل عيونك يابنت لجل لسعار