قصيدة / الجمس
للشاعر / نافع بن خريفيش القباني :
اركب على الجمس واقصد ديرة الغالي= والبعد ماهمني لو حال من دونه
الجمس لامن ركبته يطرب البالي =هو منوت الي يتمنى شوف مضنونه
ابغى آصل الي هواها عندنا غالي = الصاحب الي يحط المسك بقرونه
حبه بقلبي بنى له مسكناُ عالي = وعيني على شوفكم يالقرم مفتونه
مفتون في شوفكم ياسمح الأقبالي = حبك جبرني وروحي فيك مرهونه
لاتعدني يالقضي عن ودكم سالي =القلب لامن ذكرتك باح مكنونه
ابكي واصيح ودمع العين همالي = وجرحك بقلبي خفياً ماتشوفونه
صورتك دايم تأتي على بالي = ومن شان عهدك حشا ما نطري الخونه
وسلامتكم ....