أعرض عليكم مساجله شعريه بين الشاعر إبن الذيب وشاعر إماراتي "جراح" :
مرقص دبي اللي له القلب يرتاح
حتى سلاطين الجزيرة تدله
لا صار ما في شربه البن مصلاح
غرشه من الويسكي بفنجال دله
وإن كان يا إبن الذيب مانته بمزاح
فأنا عقدت الحبل وإنته تحله
هذي بدايه معرفتك بجراح
إما شربت الكأس وإلا فخله
رد عليه إبن الذيب وقــــال :
ما هوب صح لسانك يا جراح
يكفي من العله ثلاثين عله
أنته وحكامك هل الكأس لا لاح
وإلا سلاطين الجزيرة لا بله
حكام نجد اللي وراء هضبه رماح
ضلالهم مثل الجبال المضله
إن مد كف الطيب ماهوب شحاح
والى تعزوا دوله مستقله
مانيب أزكيهم من جا ومن راح
يمكن يجي في صفه القوم خله
وإن كان هرجك لي ولا أنته بمزاح
يما حلا بعض الحكي في محله
ما نشرب إلا لبن الاشقر إلى فاح
وإلا حليب بكار في وسط محله
رجل وطموحي من وراء النجم لا لاح
أكبر من إني أشتهر في مجله
يكفيني من المعرفه والتمداح
إني إلى ضاقت علي قلت:يالله
الوضع ذا مزعجني ولانيب مرتاح
بروح و أخلي لك دبي كله