سلاااااااااااااااام معطر من جيفنينشي و فرساتشي وكرستين ديور
وكل الماركات العالمية والي مزكوم يروح لدكتور .
ومن العايدين ومن الفازين و كل سنه و نتوا طيبين
اكتب هازا الموزوع وانا في غاية القهر والسرور <<<<<<<<<<<<<< كيف تجي ذي
_القهر لاني ثاني مرة اكتب الموزوع من جديد ونص الافكار راحت <<< بس يا نزار قباني .
و السبب يرجع لاني كتبت الموضوع و رحت اغير زيت في بيت الراحه وجيت لقيت واحد ساحب فيش الكهرب
تهي تهي تهي ( اول مررررررة احس اني ودي اسوي حفل جوائز اوسكار في البيت بس كبرت دماغي)
_والسرور لانكم شفتوني يا تماسيحي قلبي الاعزاء ؛؛؛؛؛؛ يلعن ابو الغرور يا شيخ.
و الله لكم وحشه خاصه المشرفين وخاصة ندو(كل سنة ونتي طيبة) <<< ماهي من قلبي بس عشان الموضوع يمشي.
موزوع اليوم يا شباب مكتوب فوق وعن الاستهبال.
جالست مع نفسي قلت يا والد العيد ما عاد له طعم صار ماسخ و دمه ثقيل وش السر , على طول رحت لصراف ذاكرتي وسويت كشف حساب لقيت هناك أسباب لا تعد ولا تحصى وعلى سبيل المثال لا الحصر:
1- زحمة الشوارع قبل العيد: .كيف ؟ طبعاً تعرفون زحمة الاسواق ومواقف السيارات والعالم الغبية الي توقف غلط ........الخ وسبب الزحمة الرئيسي ذا يرجع لأننا شعب تخطيطه وليد اللحظة يعني لو جات المدارس تلقى العالم كلها في المكتبات ولو جاء رمضان تقلى العالم ملت السوبرماركت والقصابين وراعين الخضره واذا جاء عيد الاضحى تلقى العالم كلها في حلقة الغنم وكلها كمان تبي تضحي في نفس الوقت <<<<<<<<<<<خلاص فهمنا وجهت نظرك, يعني ترجع البيت و أنت كرهت العيد وساعته.
2- ملابس العيد: طبعاً بحكم إننا تماسيح فأي شي يمشي الحال بس الواحد وده انه يكشخ على العالم , تجي بتروح للخياط بتستلم ثايبك تلقى تفصيل يجيب الغم الاكمام طويلة وثوب يسحب من قدام وقصير من وراء ولا الياقة مرتفعة شغل ملحجه , تجي بتشتري شماغ أنواع الملحجة و العفن تحس الي صمم اشمغة ذا السنة بنقالي احد شاف بالله بروجية كلها صناعة صيني وكاتبين انجليزي وكاتين عليها كرتون نشاء وخطوط الشماغ تقول مصورين شوارع الرياض ولا جدة من قوقل ايرث, الحين طلعت موضه جديدة للشماغ عند الشباب ساروا يشتروا الاشمغة القديمة من محلات الجمله زي شماغ ملكي الي تحت في الركن ختم ازرق صنع في انجلترا ولا بسام ابو ختم اسود تصدقون لون الشماغ مره فلة, والعطور حدث ولا حرج صارت مالها داعي انا ودي يخلونها عطور فري يعني نسائي ورجالي سوا.
3- ليلة العيد : ما تعرف تنام من الطرطيع والصواريخ تحس انك نايم في بغداد.
4- صلاة العيد : الشايب يقعدنا من بعد الفجر وانواع العسكرية انهض, افطر ,للخلف در, اركب السيارة, شغل الموتر ,كبر, صلي,لا تنام , اجلس حتى يخلص الامام الخطبة ,نزل عينك في الارض لا دوس بطنك, وشفيك ما تعيد ؟ .
5- العاالم الي بتعيد: في عالم فاهمه العيد غلط عنده استعداد يعيد على كل الناس في اليوم الاول وذا رحت بتعيد له ما تلقاه في البيت ولا كمان يخش في عينك ويقول ليش ما عيدتوا علي الا ثالث العيد, وتراني مريت اعيد وما لقيتكم؟؟؟؟؟؟؟؟؟؟؟؟؟؟؟, كمان في عالم تجي تعيد في اوقات مال امها داعي يعيد في الظهر ولا يجيك الساعة واحدة في الليل ( بافي ممسك معه دوام رمضان).
6- بعض الناس يسوي نفسه رومنسي يقوم يسوي زواجة يوم العيد , الحمد لله على العافية , وشلوا يقدر يجلس معى عروستها خاصة اذا كان ما فيه اجازة بعد العيد .
على العموم لو بنجلس نعدد في الاسباب ما نخلص, حتى العيد خارج المملكة ما صار له طعم لان نص السعودية صارت تعيد برا , وكأن يا بو زيت ما غزيت.
لذلك فكرت وش الحل ؟ وش الحل ؟ لقيت الحل اني اسوي عيد للتماسيح على سطح القمر.
بس زي منتوا عارفين الموضوع ذا يبغاله تخطيط و تكتكه.
وتوصلت لبرنامج خطير للرحلة:
1- وسيلة النقل: تبعنا كان اصعب شي في الموضوع هو وسيلة النقل, فتصلت على باريس هلتون عشان تكلم كندليزا رايس تكلم المتخلف بوش ( متهاوش معه مو راضي يسحب الهملط الي معه من العراق) يسلفنا دسكفري 3 ايام, المهم ما قصرت وجابت الموتر <<< وحب اقول الحقوا يا تماسيح ترى المقاعد محدودة والحجز اوكية وما فيه انتظار.
2- جبنا معانا شوية اشجار سدر ونبق وطلح و عتم عشان نصلح دورة الحياة في القمر ويصبح سطح القمر ينعم بالاكسجين.( الي عنده ربوا لا يجي)
3- سويت اتفاقية مع موبايلي والاتصالات يحطون ابراج تغطي الموقع عشان العالم الحبيبه و الي تحب تسولف على الجوال .وبنركب ستلايت يجب كل قنواة العالم و كما نت بسرعة عالية بدون حجب مواقع.
4- سوينا مسرح وتفقنا مع ابو نورة يحي اول ايام العيد وكمان اتفقنا مع نجوى و ديانا واصالة واليسا و نانسي و مادوناو برتني و منى زكي اسماء كثير لمعة<<<<<< ابو شباب منى زكي فنانة
ادري انها فنانة بس عشان مسلسلها البايخ الي مثلت فيه دور شادية.
5- وفرنا ساحات واسع لتفحيط والتجديع والتطعيس بس كل واحد يجيب موتره معه.
6- للهاوين رياضة الجربعة وصيد الضبان جبنا كمية من الضبان والجرابيع والسحالي لسطح القمر وبشرهم ان مستوى الجربعة صعب لكثرة الحفر على سطح القمر مما يزيد في التشويق.
7- بنسوي دوري كرة قدم وفرفر و بلياردوا وتنس ارضي و بيسبول وبلوت.
8- نقبل أي برنامج في حدود الميزانية.
ملحوظات مهمة :
1- ممنوع اصطحاب السحالي ومن يثبت تورطة بنخلية هو وسحليتها على القمر ( ما ساكين المتزوجين ما يقدروا يطلعوا).
2- يكون المتقدم حاصلة على شهادة االثانوية أي قسم بمعدل لا يزيد عن 60%.
3- يكون المتقدم سعودي و مجيد للهجات العامية بطلاقة.
4- انت يا سحلية ...... ايوه انت ؟ وش دخلك تقرين الموضوع؟ اللحين ما قلنا خاص للتماسيح؟
5- عارف ان الموضوع رفع ضغط السحالي ويروحون يصلحوا عيد في المريخ بس بقول لهم لا تصدقون ان فيه حياة ولا حتى فيه موية وبعدين رحلات على دسكفري ما فيه ولا حتى انتظار ولا واسطة.
ولي يبي ينقل الموزوع بليز بليز بليز يكتب منقول ولا ملطوش ولا منقول بعناية فائقة ولا منقول مع التعديل.
وفي الاخير
افتكوا بعفية
ஐ◄████▓▒░Ξ عيد سعيد **للتماسيح فقط**Ξ░░▒▓████►ஐ
العرض العادي
