مسكينة المراه مظلومه مره مره

[ســـــحااب]

انا ضيف جديد عليكم

السلام عليكم ورحمة الله وبركاته
كثير نقرى ونسمع عن حقوق المراه وبصراحه وأنا اقرى في منتدى اعجبني مقال حلو جدا عن الموضوع هذا وهو يتكلم عن الواقع بكتابه ساخره وحبيت انقله لكم 0000000

قال حقوق المرأة .. قال

ما يرفع ضغطي شَي زَي كلمة حقوق المرأة .. وبالذات في السعودية .وهادي المشكلة طلعت متى؟ بعد 11 سبتمبر ... سبحان الله .. يعني كانوا من ألف وأربعمية سنه نايمين .. وفجأة كده صحيوا وقالوا: وه ياندامة .. إيش هادا؟ أتْـرِنُّو إحنا لنا حقوق؟! مادام كده ... الإنتخابات البلدية ليه ما نشارك فيها؟ وليه ما نروح هناك ونرقع بالصوت؟

يا أختي حلال عليكم البلدية كلها .. يعني إيش تبغوا تسووا؟ تحطوا ضوابط إصدار الرخص لمحلات الحلاقة مثلا؟ والا تناقشوا سفلتة الشارع اللي يودي على بيت أم إبتسام؟ والا ليه الشارع الفلاني ما فيه كوفيرة مغربية وكل اللي فيه مصريات؟ يا أختي ريِّحي راسك .. اذا كثير من الرجال ما سوُّوا حاجه ... بالله عليكي حتسيبي بيتك وعيالك وشغلك ... عشان تناقشي مشروع إنتخابي؟ هادا من تمام الفضاوه.

طيب قولوا لوحْدَه زواج أختها الليلة: بلاش تروحي للكوفيره اليوم يا مدام وتعالي نناقش حقوق المرأة أو نحضر المجلس البلدي و نتخذ قرارات مهمة .. وأترك لكم جوابها .. إيش يكون

أما عن حقوق المرأة في السعودية .. فياسيدي الست هنا لها حقوق وواجبات ما تتنازل عنها. مثلا: في بلدان كثير عربيه وأوروبيه تلاقي شحط طويل عريض جالس في الباص ..وقدامه وحده في الشهر التاسع واقفه على رجولها وشايله طفل تاني على كتفها ... إن الشحط يتحرك؟ .. أبدا...إن الثور يحس؟ ....لايمكن. لكن هل يمكن يحصل هادا في السعودية؟ أبدا .. واللي يبغى يجرب ... الطريق قدامو .... يا عمي العملية كلها دلع حريم في دلع حريم .. رايح أعطيكم بعض الأمثلة وقولوا لي مين اللي آخِد حقُّو بالكامل وزياده؟ وهل عندنا المرأة متساوية مع الرجل .. والا هي أحسن مِنُّو؟



قال حقوق المرأة .. قال.



منظر عام

رجال محترمين زي الورد واقفين أمام صراف في بنك .. وتِجي أختنا في الله (اللي يقولو إنها مهضومة الحقوق) تتقدم للصراف مباشرة ولا على بالها من الطراطير اللي واقفين من ساعات .. وبعضهم مستأذنين من عملهم. طيب ليه ما توقِّف تِمسك سِرا ورا عشرين بنغالي... وثلاثين باكستاني... وخمسين سعودي... واثنين معقبين معاهم شوية فواتير مقاس إكس لارج .. وإذا أحد كلمها وقال لها أتفضلي يا أختي ترد عليه وتقول: لا، معليش. المرأة زَيّ الرجال ... خليني في الطابور ... زَيِّي زيكم؟! ... ليش ما تقول كده؟! ... والا هي تماحيك وبَس! ونفس المنظر في الجوازات .. والأحوال .. والتأمينات .. ويقدر أحد ... يقول إنه من ظهر أبوه ... يفتح فمُّه؟ ... على طول يسمع العبارة الشهيرة .. ( عيب عليك .. إنت ما تستحي؟ .. هذه حرمة...إنت ما عندك أهل!)) ..ويضطرالراجل إنُّه ينكتم ويسكت .. بل إن المرأة تشفع للراجل جوزها عشان يتقدم على الرجال الباقين. في المطار .. مثلا .. ما تشوفهم يطلِّعوا العوايل أوَّل .. وبعدين بقية الركاب؟

قال حقوق المرأة ... هه!

اقتصاديا

شوف الراجل... السبع... الغضنفر... المفتري...له ثوبين أو ثلاثة في السنة .. يروح بها العمل، ويحضر بها عزايم وزواجات، ويقابل بها كبار المسؤولين، الخ، الخ، الخ. والمرأة بسلامتها .. بقيمة أدوات مكياجها فقط... تقدر تفتح محل خياطة رجالي محترم. ويا ريت تحط من مكياجها في البيت .. لأ. دا بَس للخروج ... وقيمة صباع روج والا علبة بودره تساوي قيمة جوال جوزها ... وكمان ازيدك من الشعر قصر .. مو بيت ... من حقوقها فستان لكل فرح... و مكياج... و كوفيرة...وجزمة ...وشنطه. وكمان خُدوا هادي .. سابع بنت عمي ... ملكة أخت جارتنا .. ولازم هديه ... واللطخ يدفع .... مو مهم الفلوس جات من فين ... المهم يدفع ... والدنيا ممكن تنقلب على الراجل واللي خَلَّفوه علشان موضوع (مهم وحيوي) زي كده ...



قال إيه! حقوق المرأة.

نفسيا

الزوج مطالب يكون أربعة وعشرين ساعة رومنسي ومبتسم، ولا يبقى جلف وإبن ستين في سبعين. ويعني إيه عنده مشاكل في العمل؟! والا أقساط متأخره؟! والا فواتير؟! والا مقاضي ما يعرف كيف يجيبها؟! مو مهم .. واجب عليه إنه يرجع من العمل للبيت مروِّق ومبسوط وبَس .. كإنه كان في شرم الشيخ مصيف مع نانسي عجرم .. ((مجرد مثل .. تف .. بره وبعيد)) ... والست بسلامتها من ساعة ما يرجع من عملو .. وقبل ما يفصخ حوايجو: شوف بزورتك ( لاحظوا .. بزورتك) طفَّشوني .. إيش رأيك نغير غرفة النوم؟ التلفون ما فيه حراره .. جاتني رساله على الجوال يقولوا الفاتوره طلعت .. أَلحق سّدِّدو قبل ما يوقفوه عن الخدمه ... ... ... ... ومع هادا كُّلو ..لازم يبقى رومانسي.

بينما هي وبكل سهولة تصحى بسلامتها في الضُّهر...وتجد الكارثة الكبرى....يوه ...ما عندنا صلصه...وبكل رقة تتصل...ألو ألو ..أبو خالد موجود؟ ممكن أكلمه لو سمحت؟ ألو .. إيوه... أنا .. حتكون مين يعني؟... المهم .. جيب معاك غدا ... ماهو إنت يا فالح نسيت تجيب صلصه معاك أمس. ولإنه موفاضي.. و قرفان من العمل.. يصدق المسكين إنه هو إللي نسي ويقول بكل شجاعة ..... طيب.

وفوق هذا كله آخر السنه: طفشانه ...فين حتودينا ...والله بنت خالتي راحت أمريكا .. وبنت عمي ما تصيف إلا فْ أوروبا... يا عيني علينا إللي ما نروح غير يا مصر .. يا سوريا ... والسنة اللي غيَّرنا فيها .. رحنا ماليزيا.

وفي رمضان: تعبت ...أوف ....إنت داري عن حاجه؟ أنا أبغى خدامة... أنا خلااااااااص .. ومن ثالث يوم رمضان ...مقاضي العيد من جده ...أختي جابت ملابس لها ولعيالها .. إيش أقولَّك بس ... وخُد مشاوير لليييييييييييل ... والراجل المسكين لما ينزل السوق مع مرته ما يقدر يشتري ولااااا شَي لنفسو، لأنو طول الوقت ماشي وراها من دكان لدكان، وشايل زنابيل إلين ما كتفو يتخلع. وهي تطالع فيه وهو يتطوَّح من ثقل الزنابيل .. ولا تقول لُو فزعه .. حتى لو بالكِدِب. وآخرتها بعد ما يرجع البيت تقول لو إنها لِسَّه ما أشترت ملابس العيد!!!!!! وإذا فكَّر ينزل السوق لحالو عشان يشتري شي لنفسو ... على طول يكون مشبوه .. إيش ينزلك لوحدك وسط الحريم؟ .. طيب إنت مو كنت معايا في السوق .. أحد قال لك لا تشتري؟

قال إيه؟ .. حقوق المرأة.

شرعا

المرأة لها حظ من أبوها .. وحظ من زوجها .. هادا غير أمها .. وأخوانها .. وأبناءها .. والراجل مطالب إنو هو اللي يصرف عليها مهما كان عندها فلوس.

وثانيا: الرجال لازم يروحوا للمسجد خمس مرات في اليوم .. جمع وجماعات .. حر وبرد .. ليل وصبح .. لازم يروحوا ... بينما الست تصلي تحت المكيف .. في غرفتها .. وأجرها زي الرجال تماما ... ياعيني .. يا عيني .. والله الإسلام أعطاكم كتير ... وياريتو يِبان فيكم.



إجتماعيا

الست كل أسبوع تخرج عند صاحباتها وما ترجع إلا متأخره .. وطبعا جوزها هو اللي يوديها ويجيبها .. (يعني تبغاني أروح مع السواق في هادا الليل؟!) .. وسعادتها ما تبدأ تتمكيج وتسرح شعرها إلا بعد العِشا .. وكل شويه تقول :خلَّصت .. وهي ما سوت شي لِسَّه .. والراجل الغلبان جالس على أعصابو يستنيها تخلص .. أخيرا تقول لُو: وي! إنت ما نزلت السياره؟ .. وَي .. هيا عشان لا نتأخر. المسكين يجري في الدرج (عشان ما يأخرها) .. ويشغل السياره .. ويستَنِّي بسلامتها مو أقل من ربع ساعة حتى تشَرِّف .. وطبعا ممنوع يقول لها: (إيش أخَّرِك؟) والا يا ويلو .. وبعد ما يوصلها .. يستحيل يغتنم الفرصه ويروح هوَّ كمان لأصحابو إلين هي تخلص سهرتها .. (وَه! كيف تروح؟! ومين يقعد مع البزوره؟) .. والماكياج اللي حطتو للستات يتمسح نصو من الطريق .. والباقي بعد ما توصل البيت .. يعني الرجَّال ما يلحق يشوف مِنُّو شي.

وإذا بعد شهر أو شهر ونص جات لو عزيمه في زواج ... أو فكر يخرج ليله مع أصحابو .. وبلَّغها من بدري عشان ما ترتبط بموعد مع صاحباتها في نفس الليله وتخرب عليه .. (هو إنت ما تعرف تِقِر في البيت؟ كل ليله معزوم؟ شوفي يختي الراجل .. ما كإنُّو عندو بيت ولا بزوره)





لكن مع دا كُلُّو .. برضهم الستات أحيانا نحس إنهم غلبانين .. يمكن عشان قلبنا طيب!



مع تحيااااااااااااااااااااااتي

[نبـض المشاعــر]

موضوع يناقش واقعنا

أخي الكريم
ان تكلمت من ناحية الحقوق المرأة
والحمدالله في بلادنا فقد كرمها وأعزها بالإسلام
وظوابط الإسلام

لكــــن

هناك من سلب هذه الحقوق
أنا لا اقصد طبعا الحقوق التي يطالبون فيها دعاة الرذيلة
واي شي من هذا القبيل

أنا أتكلم بان
هناك من يهظم حق المراة في الميراث > وهذا حقيقة

وهناك من يهظم حق المرأة في أخذ رأيها عند زواجها > وهذا حقيقة

وهناك من يهظم حق المرأة في العدل بين زوجاته اذا كان متزوج > وهذا حقيقة

وهناك من يهظم حق المرأة في مرتبها الوظيفي وياخذه وكأنها تعمل وتكدح ليأخذه الغير > وهذا حقيقة

والكثير الكثير
من حقوق المرأة التي حفظها لها الإسلام
لكن هناك من جاء وهظمها

وهذه هي الحقوق التي تطالب بها المرأة


وقد يكون كل ماذكرته في موضوعك حقيقه
لكن تقابله حقيقة عكسية عند مجتمعات أخرى في داخل السعودية

يعني
ما في احد مرتاح


واشكرك كل الشكر على موضوع

أختك

ليــــــــــــــان

[الــيزيـــد]

هناك من يهظم حق المراة في الميراث > وهذا حقيقة !!!

تنازلت عن حقها في المحكمه والوكيل الشرعي لها أقرب الناس لها

وهناك من يهظم حق المرأة في أخذ رأيها عند زواجها > وهذا حقيقة !!!

لها رأي ولابوها رأي وبعد الخطبه يسألها زوجها عن رأيها

وهناك من يهظم حق المرأة في العدل بين زوجاته اذا كان متزوج > وهذا حقيقة !!!

العدل صعب خاصة القلب

وهناك من يهظم حق المرأة في مرتبها الوظيفي وياخذه وكأنها تعمل وتكدح ليأخذه الغير > وهذا حقيقة !!!

مافي غير أبوها يأخذ راتبها ( يأخذه الغير ) وبعد الزواج تكتب في العقد شروطها والمرأه هي أكثر من يحسن التصرف بالراتب ولها حق ان لاتعمل والعكس لا








لها رأي ولا يكتب العقد الا بتوقيعها والزوج يسألها

[نبـض المشاعــر]

أخوي اليزيــد

بما انك علقت على ردي أنا أيضا سأعلق على ردك

اقتباس المشاركة الأصلية كتبت بواسطة الــيزيـــد تنازلت عن حقها في المحكمه والوكيل الشرعي لها أقرب الناس لها

لا يا أخي الفاضل هناك من يهظم حقها في الميراث رغما عنها
ولم آتي بهذا المثال من وحي الخيال

اقتباس المشاركة الأصلية كتبت بواسطة الــيزيـــد لها رأي ولابوها رأي وبعد الخطبه يسألها زوجها عن رأيها

نحن نعلم أن لأهلها رأي
لكن من حقها الرفض والقبول
وليس من حق الغير ان يزوجها رغما عنها

وهل ستعترف المراة لذلك الرجل بانها كانت لاتريده! ! !
سيقلب حياتها جحيما بذلك الإعتراف

اقتباس المشاركة الأصلية كتبت بواسطة الــيزيـــد العدل صعب خاصة القلب

العدل في القلب سيكون صعب وأتفق معك في هذا

لكن العدل في المعاملة وفي المصرف
وفي الجلوس معها
فهو حق من حقوقها وكثير من الأزواج تناسوا هذه الحقوق

اقتباس المشاركة الأصلية كتبت بواسطة الــيزيـــد مافي غير أبوها يأخذ راتبها ( يأخذه الغير ) وبعد الزواج تكتب في العقد شروطها والمرأه هي أكثر من يحسن التصرف بالراتب ولها حق ان لاتعمل والعكس لالها رأي ولا يكتب العقد الا بتوقيعها والزوج يسألها

يوجد اخوتها يا أخي الفاضل
وقد تكون يتمية وعمها أوخالها من يرعاها وبذلك يأخذ مرتبها منها

أخي الكريم أنا أتكلم من ناحية أن هذه الحقوق تهظم رغما عن المرأة
وليس برضاها

وكلها حقيقـــــة


وفي النهاية

إختلاف الرأي لايفسد للود قضية

[ROPY]

السلام عليكم ورحمة الله وبركاته،،،،،

يعطيك الف عافيه البادي مع اني اخالفك او اخالف الكاتب في بعض النقاط وهذه وجهة نظر خاصه مع ذلك اقدر لك واهنئك لكتابة هذا الموضوع الذي يحمل بسطوره كلمات رائعه وهي (المرأه) ويعطيك الف الف عافيه،،،

تقبل مروري المتواضع مع خالص تحياتي،،
ودمتم

روبي

[Red line]

الله يعطيك العافية اخي الكريم .. البادي 32

موضوع يناقش واقعنا..

و انا لا انكر ان هذا الوضع هو القاعدة " أو الغالبية " والحمدلله ع هذه النعمة ويارب تدووم
ولكن هذه القاعدة قد يوجد بها بعض الشواذ من انتهاك للحقوق - التي اقرها الإسلام وكرم المرأة بها - من قبل أشخاص لا يخافون الله وهذا ايضا حقيقة وواقع بدأنا للأسف نسمع عنه كثير .. و اتمنى أنها تزول و تختفي ..

تقبل مروري البسيط ..

Red line

[سيـ ـ ـ ـ ـاف]

مشكووووور على الموضوع




تحيـــــاتي ,,,, سيـــــاف

[ســـــحااب]

ليان المملوحه
اليزيد
روبي
خط احمر
سياف

أشكركم على المرور لاكن انا اقصد بالموضوع من تقول أن المرأه بالسعوديه مضلومه وتطالب بحقوق غير ماكتب لاكن ان كان هناك بعض التقصير أو استضعاف للمرأه فهذا ليس بسبب الاسلام بل بسبب تثاليد واعراف وتربية في جزء من المجمتع من الممكن تعديله مع الوقت وليس المطالبه بحقوق غريبه عن ديننا وأنا اعتقد المراه أن المراه في مجتمعنا معززه ومكرمه ومحترمه أكثر من غيرها من الدول التي تدعي انها ديمقراطيه

[الشاكـــي]

يعطيك الف عافية اخوي البادي

موضوع جميل ودايم النقااش

انا ابغى اتكلم من زاوية ثانيه


يعني حقوق المرأه يااامااا سمعنا عنها

وطلعوا ناس وناس يتكلمون ويرغون فيها

لااا ودراسات وابحاث ولقاءات

كللله يبغوا شيء واحد بس


ان المرأه حقوقها مهضومه ومسلوبة وخاصة بالسعودية


واخرها موضوع الحجاب


انا باقول ياجماعة الخير

القافلة تسير والكلاب تنبح( وانتم بكرامه)


يعني خلوهن يتكلكون صبح وليل

حنا معانا دليل ودستور وشرع اسمه القرآن

والسنه النبويه المطهره


ودينا الاسلامي دين كاااامل

وكفل للمرأه كامل حقوقها


يعني خلوني اشرحها نقطه نقطه:

1- عندما تولد البنوته الحلوه وصى القران الوالدين برعايتها طبعا التربية والصرف.

<<< مايقصد انهم يخسرووون.

2- لمن تكبر كذا وتصير فتاه حرررص الاسلام على معاملتهم معامله رقيقه

لانهم يختلفون عن الاولاد.... قال الرسول صلى الله عليه وسلم " رفقا بالقوارير"

<<<<< ياليت كل الرجال الحين يعاملون بناتهم كذا


3- عند ما يصير وقت الزواج امر القران بعدم جبر وغصب البنت, وعدم اخذ شسء من مهرها.


4- ولمن تصير طبعا زوجه(عقبالنا يالعزاب),, وصى الزوج بالمعامله الحسنه والعدل والاحسان

والقران مليان ايات..


5- لمن بسم الله ماشاء الله عليها.. تجيب ولد ولا بنوته حلوه.. وتربيهم وصى الاسلام الاولاد بالر والاحسان..


6- حتى بعد وفاتها وصى بالدعاء لها ..


هذي الحقوق موجودة..بس يمكن الايام هذي الناس من انفسهم نسيوها.


وفيه نقطه ثانهي عن الحجاب... من وجهة نظر رجل غيور...

الحين يوم تلبس زوجتي الحجاب..انا اكون في قمة السعاده,لان مافيه بهالكون رجل غريب غيري يقدر شوفها ولا يشاركني جمالها حتى لو بالنظر...




واخيرا هذول الغرب الي يناهقون بالحريه والحقوق.. والله انهم اخس خلق الله فيها... يكفيك تعرف ان بامريكا واحده من كل اربع نساء تتعرض للاغتصاب... وين الحقوق؟؟ كله من التبرج والانحلال..


اعذروني على الاطاله

<<<<< من زماااان ماكتب خخخخخخخخ


ولاتحرمنا مواضيعك المماثله اخوي


تحياتي ..

[حــنــونــه]

اقتباس المشاركة الأصلية كتبت بواسطة ليــان المملوحه موضوع يناقش واقعنا أخي الكريم ان تكلمت من ناحية الحقوق المرأة والحمدالله في بلادنا فقد كرمها وأعزها بالإسلام وظوابط الإسلام لكــــن هناك من سلب هذه الحقوق أنا لا اقصد طبعا الحقوق التي يطالبون فيها دعاة الرذيلة واي شي من هذا القبيل أنا أتكلم بان هناك من يهظم حق المراة في الميراث > وهذا حقيقة وهناك من يهظم حق المرأة في أخذ رأيها عند زواجها > وهذا حقيقة وهناك من يهظم حق المرأة في العدل بين زوجاته اذا كان متزوج > وهذا حقيقة وهناك من يهظم حق المرأة في مرتبها الوظيفي وياخذه وكأنها تعمل وتكدح ليأخذه الغير > وهذا حقيقة والكثير الكثير من حقوق المرأة التي حفظها لها الإسلام لكن هناك من جاء وهظمها وهذه هي الحقوق التي تطالب بها المرأة وقد يكون كل ماذكرته في موضوعك حقيقه لكن تقابله حقيقة عكسية عند مجتمعات أخرى في داخل السعودية يعني ما في احد مرتاح واشكرك كل الشكر على موضوع أختك حنونه