سيارتي للبيع للمفاهمة الرجاء الأتصال على 050 وباقي الرقم داخل

[أميــ الشوق ــر]

بسم الله الرحمن الرحيم
الحمدالله والصلاة والسلام على نبينا محمد وصحبه
أولاً وشلونكم يا أعضاء الود بعد الغيبه ذي الي غبتها عنكم ان شاءالله تكونون بألف
خير وصحه




حبيت اتكلم عن موضوع انتشر بكثره في الأونه الأخيره او كما يحلو للبعض تسميته ((بالموضه))
وهي منتشره في سياراات الشباب بكثره وهي ان بعض الشباب يضع ورقه او ليستكر
على الزجاج الخلفي لسيارته ومكتوب عليها((السياره للبيع للمفاهمه اتصل على الرقم050....))وعندما تتصل على الرقم إذا كنت رجال يقولك السياره قد حجزها شخص توها الآن وإذا غيرت صوتك إلى بنت واتصلت عليه مره ثانية بس اكيد من رقم مختلف يقولك إيه السياره للبيع وبالسعر الي ودك فيه وإذا سحبت فيه شوي
يقولك قابليني في مكان عام وتتفرجين على السيارة وماراح يكون بينننا إختلاف إن شاءالله

والله إحنا الشباب عندنا تفكير بس ما حصلنا من الي يدعمنا ويحتوينا ومن بيصدق ان عبارة السياره للبيع هي
طريقه جديده للترقيم بذكر لكم قصه قصيرة قبل اسبوع اشترى صديقي سياره اخر موديل بسبب التخرج من الثانويه العامه وما جلس يومين إلا وكتب عليها السياره للبيع وحاط رقمه سئلته ليه بتبيعها توك مشتريها قال
انا مجنون اني ابيعها ماجات إلابعد ما طفشة الوالد عشان يطلعها لي اهاااااا اجل ترقيم ايه هذا الي قصده

تقبلوا فائق إحترامي وتقديري يا اعضاء الود
أميــ الشوق ــر

[اخو هدلا]

هذي اسمها دنائه وانا اخوك اذا كانت الطريقة مثل ماتفضلت

لكن فيه ناس اشوفهم يعرضون سياراتهم اما م كازينو الدانة بتبوك وحاطين عليها ارقام وهذولا حاطين سياراتهم بقيمة خيالية .
وسبق ان تفاوضت انا واحدهم على سيارة وكنت ابي اشتريها من نوع كابرس اس اس 95 وقلت يمكن يطلع لي من وراها قرشين بس كان مطيرها بالخضيرا ولم نتفق .
بعض الناس اللي يصلح هالطريقة يعرف ان فيه ناس مايحبون ينزلون المعارض ويتفاوض من براء لبراء وهذه طريقة مربحة اكثر من نزلة المعارض وهذا رايي بحكم خبرتي بالسوق .

شكرا على الموضوع اخوي

[المحتار-]

يقول المثل من له حيلة فليحتال
وماهو غاصب احد يدق عليه

[متنكـر]

أمير الشوق


كلامكـ صح وحاصل للأسف عند كثير من شبابنــا

صدق شي محرج وشي مؤسـف

لكــن قبـل اللومـ على شبابنـا ما أسألتو أنفسكمـ هـل هذه الطريقـه لقت تجاوب من البنات

طبعاً أكيد بيلاقـون تجاوب من البنات, هنا المؤسف حقــاً

لو كــل بنت تجاهلت تفاهة الشباب لما أزداد وضع الارقام بهذه الطريقــه

أميـر الشــوق


أصفق لكــل بكــل حراره على طرحكـ موضوع كهذا

يعطيكـ العافيــه على طرحكــ




متنكــر

[فـ الأحلام ـارس]

تدرون وش اللي يخلي الشاب يسوي الامور هذي

باختصار هو الفراغ

الفراغ يقتل مايضر وبس

نتيجته قتل للشاب

[أميــ الشوق ــر]

أخو هدلا
اخوي الغالي اولاً مشكووور
على المرور
وثاني شيء
دنائه نعم اوافقك هي دنائه وخساسه
ما يفعله هؤلاء الشباب
والله يوفقك يا الشريطي
تحياتي الحاره
اخوك
أميـــ الشوق ــر

[أميــ الشوق ــر]

المحتار
مسائك عسل يالغالي
صادق محد بيضرب على ايديك
حتى تتصل عليه
ولكن ما أظن هذه الظاهرة إنتشرت بكثره
إلا ما وجدوه من التجاوب الأعمى
تحياتي القلبيه
أميــ الشوق ــر

[أميــ الشوق ــر]

متنكر
مسائك ورد وكاذي يامميز
مشكوووور على مرورك
والتعقيب الأكثر من رائع
وفعلاً قبل ما نلوم الشباب
نلوم هالبنات الطالاحات الذين
لا هم لهم سوى الضحك على الشباب
بكلمات معسوله وهم الشباب((التماسيح))
ما يصدقوا انه دق عليهم بنت
والحق يقال بعض بناتنا فيهم خفه ما يعلمها إلا ربك


وتقبل فائق تقديري
أميــ الشوق ــر

[أميــ الشوق ــر]

فارس ألأحلام
يسعد مسائك اخوي
فعلاً الفراغ قاتل قاتل
ولكن هذا سن الشباب
طاقه كبيره مهدره لم تجد من يحتوي هذي الطاقه


تحياتي الورديه
أميــ الشوق ـر