الطب والهندسه بين رغبة الطالب وآمال الوالدين

[mjnoon-laila]

السلام عليكم ورحمة الله

أنا طالب تخرجت هذي السنه من الثانوية العامة بمعدل مرتفع ولله الحمد وقدمت على جميع الجامعات وقبلوني كلهم وهذا أسااس مشكلتي !!!!!! تخيلوا!!

انا من يوم كنت بالابتدائي كانوا إذا سألوني ايش تبغى تصير يا شاطر لما تكبر؟

كنت أقول ابغى اصير عالِم .. كيف؟؟ ما ادري
ولما صرت بالمتوسط اهلي دايما يقولوا يلا يا شاطر ادرس عشان تصير دكتور قد الدنيا

فصار في بالي ان الطب هو الشي الوحيد اللي يأكل عيش

ومن ناحية قدراتي العقليه .. أحس انو عندي إبداع في الرياضيات والهندسه عن باقي زملائي وأحس بمتعه وانا اتعامل مع الزوايا والاشكال الهندسة والأرقام وهذا ما يشهدلي عليه مدرسيني وزملائي

والمشكله الآن ما أدري أدخل طب ولا هندسة ... والوالده الله يهديها زعلانه إلا تبيني ادخل طب .. مع إن في شي بوسط قلبي مو مريحني من ناحية الطب .. وخصصوووووصا اني ناوي اخطب بعد سنتين وخايف اذا دخلت طب راح تطول السالفه وما يقبوا أهلها لاني بالنسبه لطالب طب في بداية مشواري الدراسي مع العلم اني اقدر اصرف عليها وعندي اللي يزوجني

فأنا الآآآن اشوف بالنسبه لموضوع زواجي الهندسه أنسب وغير كذا اقرب لقدراتي العقليه
والطب إرضاء لغرور الطفل اللي كان يتمنى طب والوالده والمجتمع أولا

ومحتاااااااااار لدرجه اني ما عدت اعرف أدخل أي قسم ؟؟

ساعدوني بلييييييييييز

[mjnoon-laila]

حرام عليكم سهران طول اليوم انتظر احد يرد ويشوفلي حل لهالمشكله لكن ما حولك أحد........ عموما مشكورين وما قصرتوا

[المراهق المحبوب]

هلا اخوي .... أول شي اعتذر عن جميع أعضاء المنتدى لأن مافي احد رد عليك بس ما عليك صدقني بتجيك الردود بس انت اصبر عليها

ولمشكلتك صراااااحه ... اممم لو أنا مكانك يمكن دخلت هندسة كهربائية لأنك حسب ما تقول انك تبدع بالرياضيات والهندسه زي ما انت عارف كلها رياضيات .... بس المشكله كيف ترضي والدتك...... أنا أشوف انك تكلمها بهدووء وتفهمها ان هذا راح يعتمد عليه مستقبلك كله وحياتك ككل وترى قلب الأم طيب وان شاء الله راح ترضى .. هذا إذا انت ما تبي طب

لكن اذا انت شايف نفسك راح تكمل بالطب وتبدع فيه مثل ما راح تبدع بالهندسه انا اشوف تدخل الطب وبعدين مستقبل مضمووون

ومبروك النسبه والله يوفقك واتمنالك كل خير

[mjnoon-laila]

مشكور حبيبي على ردك وما قصرت

بس برضو أساس المشكله الحين اني بتزوج وما ادري كيف راح يكون رد اهلها لو دخلت طب ورحت خطبت بعد سنتين او ثلاث .... تتوقع انهم يقبلوا طالب باقيله كم سنه دراسه؟؟

انا ناس قالولي ان العالم تتمنى واحد يدرس طب لبناتهم

زناس قالولي انهم ما رح يقبوا وانت لسى بنص مشوارك الدراسي

فما ادري والله محتااااار

ومشكور مره ثانيه

السلام عليكم ورحمة الله وبركاته


الله يعطيك الف عافيه وماشاء اله تبارك الله الف مبرووك النجاح وبا التوفيق تبي الصدق انا عندي حل واحد وهو معروووف با الدين الاسلامي

أنك تستخير الله سبحان وتعال وخل نيتك صادقه مع الله وعزم على مووضوع واللي تشوفه بعد ماتستخير الله سبحان وتعالي وتكون نفسك مرتاحه له توكل على الله وادخل بخصوص الزواج بعد استخير الله ولاتنسي قال صلى الله عليه وسلم

(ماخاب من استخار او شاور )



أتنمى اكون وصلت لك شي


أخوك الملتاع

[محتاج حب وحنان]

أخوي الغالي

في البداية أرحب فيك

وأحب أقولك أني مريت بتجربتك

بس أذا تبي نصيحتي


أذا لك في الحفظ وأنت عارف نفسك أنك بتذاكر أول بأول

يعني بالعربي اذا كنت راعي كرف ومذاكره

ادخل الطب لان مسقبلها كويس


واذا أنت والله راعي بزوطه, وتذاكر ليلة الأمتحان
يعني أذا كنت تبي تفلها وتعيش حياتك

أدخل هندسة

وأنصحك انك تدخل جامعة البترول

لانك صدقني لو تخرجت راح تحصل وظيفة

بالطيب بالغصب راح تتوظف

وبالنسبة لسنوات الدراسه في الطب

وانك تقول انها طويله

فاسمحلي هذا كلام يقولونه طلاب الثانويه واللي مايدري وش الطبخه

لأن اغلب الطلاب في الهندسة يجلسون مابين خمسه ونص الى ست سنوات

والطب ست سنوات والسابعه امتياز

يعني تيتي تيتي مثل مارحتي جيتي


يعني انت لا تفكر في مدة الدراسه

فكر في نوعية التخصص

وصدقني كانك جايب في الثانوية من ٩٥ وفوق

راح تمشي في البترول زي الحلاوه

صحيح راح تلاقي صعوبات في البداية

بس تتخرج تتخرج

بالطيب بالغصب راح تتخرج



هذا اللي ابي اقوله


واذا عندك اي استفسار لاتتردد

هذا ايملي رازه في التوقيع


تقبل تحياتي

اخوك محتاج حب وحنان

[صـا الوفاء ــدق]

شوف اخوي مجنون ليلى

وجه نظري وبكل بساطه وان شاء الله تكون هي الحل

اولا بالنسبه للزواج : ما يفرق طب والا هندسه بتقول ليه؟؟

اقولك : الطب سبع سنوات والسابعه امتياز تستلم راتب
اما الهندسه فهي ست سنوات وسنه عاطل

ايش الاحسن............

ثانيا::: تقولي رياضيات وهندسه هي الشي الي تحبه والي مبدع فيه صح؟

هذا في الثانويه , ولا تتصور ان الجامعه شي الثانويه بتحصل ماده او ثنتين والباقي حفظ وكرف

ثالثا: تقول الوالده زعلانه وتقلك لازم تدخل طب

انا اقول لك ارضي امك وادخل الطب بقناعه منك شخصيا وان شاء الله ربي يوفقك

وانا مع امك مهما كان حبك للرياضيات


ادخل طب طب طب طب طب طب طب

لا تتصور ان الهندسه كلها مثلثات وجمع وطرح


اسمع نصيحتي والله بعدين تندم وتقول ليه مادخلت الطب ولو على شان امي
وانت ان شاء الله بتنجح وتعدي وتاخذ الشهاده وما بتاخذها الا بدعوات امك لك


الله يوفقك في دراستك
ويقدرك ترضي امي


ولا تنسى الطب يعني الطب احسن ما تندم بعدين

[البركان]

هلا وغلا

مجنون ليلى

اولا اهنئيك واهنيء منتدانا على وجودك اشخاص مبدعين ومتميزين ومتفوقين مثلك
وعلى البركة ان شاء الله،،

ونصيحتي لك ان تختار ماترتاح له انت شخصيا واللي تحس انك مبدع فيه
وان شاء الله الوالده ماراح توقف في طريق مستقبلك خاصة اذا اقنعتها بالهشئ

وانت جلست سنين طويلة في مجال الدراسة وتعرف الشي اللي يناسبك
فلا تتردد ابدا حتى لاتندم انك دخلت في تخصص بعيد عن مواهبك،،

هذه وجهة نظري والاختيار الاول والاخير لك
ولاتنسى تبلغنا وش اخر التطورات وبالتوفيق لك ان شاء الله،،

[mjnoon-laila]

السلام عليكم

والله يا شباب ردودكم ريحتني شوي لكن ما زالت الحيرة موجوده ومشكورين عالردود الحلوه

وبالنسبه لاخوي صادق الوفا ... انت تقول ان الهندسة 6 سنوات وسنه عاطل!! حسب ما اعرف ان الهندسة 5 سنوات
فتخيل وضع اهل البنت لما تقولهم ان قدامك 5 سنوات طب او 3 سنوات هندسه ... وش تتوقع بيوافقون عليه؟
ومن ناحية ان الطب السنه الاخيره راتب صح كلامك بس انه برضو اسمي طالب
واذا هي على ناحية اني اصرف عليها فهذا الشي مقدور عليه حتى لو الحين ولله الحمد


وبالنسبة لاخوي راعي حب وحنان
انت تقول اذا راعي كرف ومذاكره ادخل طب واذا راعي بزرطه ادخل هندسه
ترى هذي النقطه خايف منها كثير... لاني اشوف اللي دخلوا طب انعزلوا عن العالم وانا الصراحه انسان اذاكر بس موب لدرجة اني انعزل عن العالم .. واذا راح انعزل عن العالم فابعد عنها ازين لان اقاربي واصحابي وزوجتي بالمقام الأول لهم حق مني
فناس يقولوا طب يبيلك مذاكرة اكثر من 5 ساعات يوميا .. وهذا شي مرعب صراحه

عموما انا بستخير واللي الله كاتبه بيصير والواحد ما راح يجيه غير رزقه

وواعيد شكري لكم جميعا ما قصرتوا والله
وعلى فكره بكرى المقابله الشخصيه .. ادعولي