ليه الكلام والعنا والكلافه= ليه الحكي يا حبيبي وانت تدري
يازين حبٍ من العيون اعترافه= ماجا على لسان القلم ولا يطري
الحب مافيه خطوات ومسافه= الحب اللي نعزّه في القلب عذري
وصله محال ونسيانه خرافه = مثل التبني في العرب والتبري
ودي تلفك ذراعي بالتفافه = لكن اخاف اضمك تنقص بصدري
ودي بغرام ماحدٍ قد شافه = اعيشك طفل يحي لك كل عمري
ياقصتي ومناتي وانتي عارفه = ولا ادري عن سبايب الصمت مدري
حنييني لك والشوق مبعد اطرافه= مشتاق لك اصلا انا من صغري
كيف لا وانت اللي احبه واخافه = وازاعله وارضيه في حدود سري
حبيبتي مالي بالسهله الطارفه = حبيبتي مهو بذنبي ولا وزري
لو تيمني جمالك بزين اوصافه = حده واقصى حدوده بحروف شعري
لاهي ضعف ولاهي يالخل جلافه = واسأل عن غلاتك في روحي وفكري
حبك بأقصى ضميري ولا خلافه = حبك كلمةٍ ماصاغها لك حبري
كلام الحب اكذب من ساحر وعرافه = والصمت اصدق صدوق لو كنت تدري