الحمدللة تعيش بلادنا في هذا الوقت بالتحديد طفرة اقتصادية لا تخفا على احد
في ظل ارتفاع اسعار البترول
لكن المصيبة ان نعاني في بلادنا من بطالة لا نعلم ماهي اسبابها
ليش ياوطن كل الي نبي وظايف لابنائنا واخوننا
ليش ياوطن كل الي نبي نحسن اوضاعنا الاقتصادية قبل زوال الطفرة(((كل نعيم لامحالة زائل)))
وهذا حال شبابك
شوفو الشباب والله حرااااااااااااااااام تتكسر مجاديف احلامهم على صخور(((( الواسطة والمحسوبية)))) والاهمال من المسؤولين الي متربعين على الكراسي وتحت المكيفات
ويقولن الشباب مايقبل ب3000
صحيح وش تسوي 3000 والله ولا تكفي حق بانزين
وهاهم يقدمون التحية للمسوؤل عنهم ويقولون له ياويلك من الي ماتنام عينة
حسبنا الله ونعم الوكيل
على فكرة لايطلع لي احد يساومني على الوطنية
ياوطن كلن تنعم بخيراتك iiوعاش
----------------------------- غير انا لاجيت ابي منك قالوا iiماعليش
من ثمان سنين ادور على مصدر iiمعاش
------------------------- ولا سلمت من الكلافه ولا حصلت iiعيش
ولا كسبت من الرخاء لا جلال ولا iiقشاش
---------------------------- يوم بعض الناس لا راجع حسابه iiيطيش
ياوطن مابغى زياده ولا شي بلاش
------------------------- بس ابي لي ياوطن مثل ما لاحمد iiخريش
من هموم الدين عفت المخده iiوالفراش
-------------------------- حازمن بطني وصابر ولا احد قال iiليش
ليش يلحقني ظما فيك والدنيا رشاش
-------------------------- وليش اجوع وكل الاسلام من خيرك يعيش
ياوطن لولا محبتك ماطال iiالنقاش
------------------------- سقت رجلي واستعديت للدرب iiالوحيش
مير اشوف ارضك بساتين وانجومك iiفراش
------------------------- لين صرت امشي على الشوك وكني فوق ريش
ايه احبك والاوادم تحت ستر iiالقماش
------------------------- يوم بان العيب والغش في القلب iiالغشيش
كم ضعيف راح يطرد ورا ضوء الفلاش
--------------------------- واستباح مسامر الخمر واستهوى iiالحشيش
مايبيعك ياوطن غير لاش وابن لاش
----------------------------- والملوك يميزون الاصيل من iiالكديش
دام حكامك هل الدين حدك مايناش
--------------------------- وكلنا لك ياوطن ساعة الشدات جيش
ياوطن ودي بشي يساعد مير ماش
--------------------------- والسنين تمر والعمر يسرقني iiشويش
بجاه من ثبت ركونك عقب ماهي iiهشاش
--------------------------- من سكاكا للحساء للحرم لبو iiعريش
وجاه من والاء مسيره بعزم وربط iiجاش
----------------------------- وجاه ابن حثلين وابن محيا iiوالدويش
حطلي نقطة بدايه وعطني منك iiكاش
------------------------- دلني واظمن لي العيش ولا احياء من iiايش
والختم كل تنعم من خيراتك iiوعاش
---------------------------- غير انا لا جيت ابي منك قالوا iiمعليش