ياليت ان الزمان يرجع ورى والليالي تدور..
ويرجع وقتنا الاول وننعم في بساطتنا.
زمان أول أحس أنه زمان صدق وفيه شعور..
نحب وخلص النية وتجمعنا محبتنا..
زمان ما فيه لا غيبة ولا حتى نفاق وزور..
ياليته بس لو يرجع ونسترجع طفولتنا..
صغار وقلوبنا بيضاء ونعيش في عالم محضور..
ولا نعرف أبد أغراب ما غير عيال حارتنا..
صحيح صغار بالتفكير لكن ما علينا قصور..
نخطط نكسر اللعبه وتسعدنا شقاوتنا..
نروح المدرسة بدري ونضحك داخل الطابور..
نحاول نزعج العالم بروحاتنا وجيتنا..
وعشان نأخر الحصه نخبي علبة الطبشور..
نشاغب بس بالأخر تميزنا براءتنا..
نحب الضحك والحيصه نحب أنط فوق السور..
نفرفش وليه ما نفرفش مادام الضحك عادتنا..
ولكن دارت الأيام وبان الخافي المستور..
وصار الهم متعلي على قمة سعادتنا..
كبرنا وصارت الدنيا تصف احزاننا بالدور..
وتهدينا الالم والهم غصب عن عين رغبتنا..
تعبنا من بلاوينا أحد ضايق وأحد مقهور..
وكلن غارق بهمة وفي الأخر تشتتنا..
وأنا ما أقول غير ألا ياليت أن الزمان يدور..
ويرجع للورى فتره نعدل وضع عيشتنا..
((منقول))
أتمنى تنال أعجابكم وشكرآ
العرض العادي
