آه لو تدرين وش سوى غيابـك فـي غيابـك
وآه لو تدرين وش سويت لاجلك فـي غيابـي
أشهد إني كنت أفكر فيك وأطـرد فـي سرابـك
لين صرت اشوف مشروب الحقيقه في سرابـي
كني أقرا لا ذكرتـك فـي كتابـك فـي كتابـك
وأثرني اقراك في صفحـه ثمينـه مـن كتابـي
أدري إني أعشقـك واهـواك واتمنـى عتابـك
وأدري إني ما اقدر اسمٍِّعك كلمـه مـن عتابـي
صدقيني ما اشتكي منك لو أحيـا فـي عذابـك
ولو قسيتي يالحبيبه ما اشتكي لك مـن عذابـي
أقتطفتك وردةٍِ حمـراء وفـي زهـرة شبابـك
واعتقد إني عطيتـك بالوفـاء زهـرة شبابـي
جسمك الريـان عـوده تايـق ومالـي ثيابـك
وفي عيونـك ودي أبقـى دايـمٍِ مالـي ثيابـي
كان فكرك في بحوري يا نظـر عينـي غدابـك
اعلمي علـم اليقيـن إن الفكـر يمـك غدابـي
الهيام اللـي طـواك ويـم محبوبـك سرابـك
أشهد إنه قد طوى قلبـي ويمـك قـد سرابـي
هاجسي يا شوق قلبي في سمى فكري لفى بـك
وليت مهجوسك بذكري في سما فكرك لفى بـي
لو لفيتيني بارحب يا هـلا بـك يـا هـلا بـك
وليتني أسمع تراحيبك وقولـك يـا هـلا بـي
جيت لك باشواق قلبـي عانـي ودقيـت بابـك
وأنتظر شوقـك يجينـي عانـيٍ ويـدق بابـي
ودي أخذ كاس شهدك صافي وأشـرب شرابـك
ويا عساي أسقيك كاس الشهد من صافي شرابي
ألف مره لاجل عينك في الهوى احسب حسابـك
والله أعلم كانك أنتـي حاسبـه مثلـي حسابي
وسلامتكم