هذي قصيدة محاورة بين رجل يقال له الدليهي الخالدي وونيته الجمس القديم
الجمس :
الله واكـبر يـالـدلـيهي تـكـبــرت * * * * خـلـيـتني شـفـقن بـركب السيادين
ما هو بحق اليوم عـني تـنـكرت * * * * تلعبي الورعان وســـط الــبلاديــن
الدليهي :
جــار الزمن ياجمس فيك وتعثرت * * * * ولانـسـيـتـك يــوم جــمـع الـمـحـبـين
واليوم روح كنك اليوم مـا صرت * * * * لا صار وقتك يجـمع الـزيـن والشين
الجمس :
اذكــر زمـان فـات كـانـك تذكـرت * * * * حكمك علي حكم الرجال السـلاطـيـن
اسرفت فيني يالدليهي واسرفت * * * * اسرفت بي سـرف اليـهـود بفلـسطين
الدليهي :
فكرت في ما فات يا جمس فكرت * * * * عديت نـفسي مــن حســاب الـخبالين
كـم مـرة ضيقت صـدري وبنشرت * * * * والناس ماتاقف على الـدرب ماشيـن
الجمس :
كـم مرة فيـهـا زعـلـت وتكـدرت * * * * وسريت بي فالـلـيل والناس مـمسين
في مطلبك يالخالدي ماتــعذرت * * * * رفيق صافي لك على العسر واللـيــن
الدليهي :
هيهات كم مره علينا تبـعثرت * * * * وكم ورشة فيها مضالـك اسـبوعين
هذي طبوعـك كـلها ماتغـيرت * * * * غربلتني وذهبتني ديـــــن في ديــــن
الجمس :
يعني خـلاص تـقول يالـخالدي برت * * * * يوم انزلوا بالــمدن كــل البــداوين
يا ما وردت العـد و امــرار صـدرت * * * * عـلى الـوعر تعشيق مـن ثالث اثنين
وسـط الغماره مـع ولـيـفك تـخـدرت * * * * وبدر الغريب يجاوب الصوت صوتين
الدليهي :
يالعنبوك اسـكـت تراني تفجرت * * * * وكل العلوم الماضيه جبـتهــا منــيـن
خلاص انا قررت شاريك قررت * * * * وكل الـسـوالف خلها فيك بــعــديــــن
بذبــح بدل حلفي كرامه وكفرت * * * * والناس لو تزعل انـا وانــت راضــين
تمشي بي الدنيا وانا ماتطورت * * * * ابـيـع واشـري جـمـس خـلـفـه قزوزييي
وسلامتكم جميعا
" منقول "
الرد علي اخو شاهة
والله شاعر هالجمس؟؟!!!! 
العرض العادي
