***مذكرات العمدة: ( أنا والعذاب وأبويه ) ***

[العمدة الإجباري]

يا مساء الأنوار،،،

هذا الموضوع،،، باكورة إنتاجي في سلسلة مذكرات العمدة،،،

وسبق إني نزلت مواقف كثيرة حصلتلي في موضوع (الفارس) (مواقف مضحكة) (إضغط هنا للمشاهدة)


لكن قللي عقلي أنزل المواقف الطويلة في مواضيع مستقلة،،، والمواقف القصيرة،، أنزلها عند حبيبنا فارس اللي مصمم يوصلها لخمسمية موقف.

وهذي البداية.




احكيلكم على موقف حصل معايا أمس،،،

أنا ساكن في شقة منفصلة عن أهلي،،، لكن في نفس العمارة،،،

أمس خرجت مشوار سريع عشان أخلص شوية أشغال،،،

،،، أثناء غيابي،،،

طلع أبويه لشقتي،،، عشان يرسل فاكس من تيلفوني.

على فكرة،،،

أبويه أعتبره المستقبل العمدة المظلم،،،

عشان يشبهني كثير،،،، ( حلوة يشبهني،،، مين اللي خلف مين؟؟؟).

يعني العمدة على كبير،،، شوية شيب،،، على شوية مطبات في الوجه وأماكن أخرى لا يمكن ذكرها عشان الرقابة،،،، وحتى الصوت،، وطريقة الضحكه،،،

الفرق بيني وبينه،،، إنه راسب كفاءة،،، وأنا بشمهندس قد الدنيا.

،،، هو مشكلجي ويسكر من زبيبة،،، وأنا دبلوماسي،، وإبن أمه اللي يهز شعرة في جسمي،،،

هو يده تسبق كلامه،،، وانا سفير السلام والمحبة بين الشعوب،،، وفيه مشروع منتظر بصمة ( كوفي عنان)،، عشان يحطوني سفير الأمم المتحدة للنوايا الحسنة،،، (أموت وأعرف هذولا إيش مهمتهم).

خليني أوصفلكم شقتي،،،،

،،، اللي يشوفها،،، يقول ،، إيش الفوضى هذي؟؟؟

لكن بالنسبة لي،،، فوضى منظمة،،، مزاجي كده،،، أكوام في كل مكان،،، هدوم وملابس،،، على كتب بالأطنان،،، وهاذي أكثر حاجة أحبها،،، القراية واللبس،،، لو تجي عند مدخل الشقة تلاقي مليون شبشب على جزمة ( الله يكرمكم)،،، اللي يشوفها يقول فيه حفلة جوا.

ومع ذلك،،، ورغم الفوضى الظاهرية،،، أنا عارف مكان أي حاجة ابغاها،،،

وأكبر مصيبة تحصلي،،، يوم يطلعوا اهلي ينظفوا الشقة،،،، لاآآآآآآآآآآآآآآآآآآآآآ,
تتلخبط الدنيا علي.

المهم،،، نرجع للقصة.

دخل العمدة الكبير،، أبو العمدة الإجباري للشقة،،، الشقة مظلمة طبعاً ( ترشيد إنفاق في النور)،،، قعد يخبص يدور زر النور،،، ما لقاه،،،

توكل على الذاكرة،،، ودخل غرفتي،،، وطرااااااااااخ.

خبط في الشيشة اللي جنب الباب،،،

،،، طبعاً،، عرفت من الآثار لما رجعت،،، ومتخيل شكله وهو يسب ويلعن أبو اليوم اللي خلفني فيه،،، ويقول جملته الشهيرة،، " يا زين ما خلفتي يا وليَّة"،، قصده على أمي طبعاً،،، عشان لا تفتكروني لقيط ومسكنيني عندهم،،،

ولمزيد من التوضيح،،،
(الولية) هي التي تولول على زوجها لما تموت،،، سلامة أمي وأبويه وبهبهاتكم ومهمهاتكم كمان.

بعد فاصل من السبسبة والشتائم وندب الحظ،،، وبعد ما إستاجر سيارة 4×4،، عشان يعدي وسط التلال والكثبان في غرفتي،،،،، لمح من بعيييييييييييد،،، جهاز الفاكس.

إستخدم عدة تسلق الجبال،،، حتى وصل بعد ثلاثة أيام،،،

أنا عادة أستغرق نص ساعة بس عشان أعرف طريق مختصر.

أخيراً وصل،،، وصلى الفروض المتأخرة،،، وفوقهم ركعتين شكر،،، وطلع الورق اللي بيرسله،،، وبدأ المهمة.

بعد ما خلص،،، رن التيلفون،،،

وللحظ الأغبر،، كانت الخطيبة على الخط،،،

المشكلة إن أبويه ما عمره كلمها،،، وأول مرة يكلمها،، عشان مالنا أقل من ثلاثة شهور مخطوبين،،

المهم ،،حصل الآتي:

رفع السماعة،،، وقال:

- (أبويه) : مرحبا؟؟؟

- (المليحة) : سلام يا عمدة،، كيف حالك؟؟

- (أبويه) : (بدأ يعصب من بدري) مين معايا؟؟؟

- (المليحة) : (على بالها انا) يخص عليك يا عمدة ما مداك تعرف صوتي؟؟؟ وكمان ليش قافل جوالك؟؟

- (أبويه) : (إرتفع ضغطه،، على باله وحده صاحبتي) بقولك مين معايا؟؟؟

- (المليحة) : (وكأني بستخف دمي وكاشفتني) يا عمدة مني فايقة،، إحنا طالعين نتعشى،، تجي معانا؟؟؟

- (أبويه) : (خلااااااااص،،، وصل) يجي معاكي عزرائين ويجرجروكي كلاب الصين،، يا (فاجرة) يا (شر...ة) يا بنت (الكـ...) ،،، إنتي ماتستحي على وجهك،، ياللي أهلك ما عرفوا يربوكي،،، تتصلي على بيوت الناس عشان (تتمنـ...)،، لكن الحق مو عليكي،،، على إبن (الحـ...) اللي متصلة عليه ( جا دوري في السب)،، هذا الصايع الداشر الرمة كلب الشوارع اللي بيرمرم مع الزبالة اللي زيك،،، والله لو تتصلي مرة ثانية يا بنت (الكـ...) لا ألعن أبو اللي سنسفوكي،،، أنقلعي الله يلعن ماركتك.

وقفل السماعة.

وقفل قلبي معاه.

طبعاً،،،طول ما أبويه قاعد يغرد،،، كانت المليحة،،، فاتحة فمها،،، وبالعة لسانها،،، وبمجرد ما أبويه قفل السماعة،،، فرطت المسكينة بكا،،،

ولا راحت مع أهلها ولا حاجة واليوم ما راحت شغلها.

أنا طبعاً فايق ورايق،، رجعت البيت بسرعة،، عشان ألحق أشوف فارس إيش سوى في الموضوع اللي كتبناه سوا،،، يا دوب دخلت على المنتدى،،، إلا جوالي يدق،،، والمليحة على الخط.

طبعاً لها ثلاث ساعات تبكي،، وصوتها رايح،،، ومع ذلك كان فيها شدة تنزل غلها فوق رأسي،،،

،،، وأنا يا غافل لك الله،،، ماني فاهم إيش فيه،،،

كل اللي أعرفه قبل المكالمة،، إنه فيه أحد دخل غرفتي ،، من آثار الشيشة الطايحة.

واللي حصل معاها حصل معايا،،، بمجرد ما قلت آلو،،، أستلمتني،،، وأنا ساكت،،، ومن وسط الدموع والبكاء والشهقات والعويل،،، فهمت الموضوع.

طبعاً ما يحتاج أقولكم إنها رمت الدبلة في وجهي،،، قصدي في سماعتي.

قللي عقلي،، أكتب الموضوع في المنتدى،، عشان المليحة تدخل وتقراه،،

،،اللي محيرني،،، نفسي أعرف هي داخله بأي إسم للمنتدى.

عشان كده تشوفوني مؤدب.

وآآآآآآآآآآآآآآآه يا عمدة يا كتاكت،،، كم تعاني وإنت ساكت.

مظلوم يا نااااااس





إقرأ المزيد من المواقف للعمدة وفارس ويقية الأعضاء
بالضغط على هذا الرابط مواقف مضحكة

[الفـــــارس]

اووووووووووووف
ايش هذا كله يا عمده
وانا اقول ليه امس حاط غلك علي وتقول انا اكرهك وانا اقولك لا يا شيخ وانت تقول ما ابي اشوفك انتا وع
هههههه

المهم
والله وتستاهل مليون مررره اللي جالك
ليه تقفل جوالك وعارف اني باتصل عليك
يا نذل، كل هذا ما تبغى تسمع صوتي الرقيق الجذاب ( تراه كذا حححش ححححححش هذا صوتي )

لا وتعال هنا
وتبغى تزوجني بنت الحسن والجمال اختك
اويلاه والله ابي اعيش اذا ابوك كذا
الله يخلي البابا بتاعي ( ليه مشتريه من السوق )
بيدفع فاتورتي وانا على النت راز وجهي

ها تفركشت الخطبه والا لسى
ابي اباركلك اول واحد
وانت يا خطــــــــــــــــــــــيــــــــــــــــبــــــــ ـــــــــــــه حبيبي العمده ( جدوووووو سرحان )
قسما عظما لو ما ترجعين وتلبسين الدبله
لازوج جدووووو سرحان ببنت برطانيه ( الروم ميت بتاعتي )
<<< ما تلاحظن بتاعتي معلق عليها

يا عمده
انا اشك خطيبتك شرانيه
تعال انا وانت في دواعيس المنتدى ندور عليها
ما عندك نعال لها نقعد نتقيسها لك وحده هنا
( افرحي يا خطيبه وصرتي سيندريلا على غفله )

يا عمده بايخه اناديها بالخطيبه
خطيبتك ايش اسمها
خخخخخخخخ
( احرجته )

ما كاني كتبت موضوع كامل
لعيون جدوووووووو يا عالم

مع تحيات

الفارس

[بقايا جروح]

مظلووووووووووم ياعمدة

والايام انشا الله تكشف انك مظلوم

وربي يرجعها لك بالسلامة


تقبل تحياتي

[nada]

أحسسسسسسسسسسسسسسسسن ......








[mover]أحسسسسسسسسسسسسسسسن[/mover]








[moved]أحسسسسسسسسسسسسسسسسسسن [/moved]


يا عمده .... :p


ت
س
ت
ا
ه
ل

هذا من زعلي عليك .........

















بس مازلت مسكين ... ربي يعينك و تراضيها ....




:D

[ميــ قمر14ــشو]

عمدتنا الحبيب والله انك حبيب وعلى نياتك وما تستاهل



بس كمان هي لازم تكون متفهمة وانت حاول توضحلها الموقف وتشرحلها

وهي ان شاء الله بترجعلك





الله يردكم لبعض ويهنيكم ببعض قل اميييييييييين


وانتو بعد يا اعضاء قولو امييييييييين




اميييييييييييين

[العمدة الإجباري]

شكرا فرسون وبق بق وندا وميشو على الردود.

لكن أنا احب أطلق صرخة تحدي من هذا المنبر للمليحة.

لو إنت رجاله من ظهر رجال تدخلي وتردي وتكشفي نفسك أمام الملأ.

مو خلاص خربانه خربانه ورميت الطوبة في وجهي.

خسارة بوكيه الورد اللي إشتريته،،، واللي أكلت نصه من قهري وأنا راجع البيت اليوم.

قال إيه؟؟؟ نايمه،،،

خمده تخمد العدو إن شاء الله.

شوفي،،،،

ترى الحلوين ماليين البلد.

وكلهم على نغمة وحده،،، بالروح،، بالدم،،، نفديك يا عوووومداااااه

وقد زعبر من فنقر،، على وزن أعذر من أنذر

[ميــ قمر14ــشو]

افااااااااااا يا عمدتنا وراك خربتها مررة وحدة مالك داعي



ترا ما صار شي
اذا كنت تحبها مفروض ما تخلي خلافات بسيطة زي هذي تفرق بينكم





انا مو فاهم السالفة صح لكن اللي فهمته انها خطيبتك وتحبها يعني مفروض ما تبيعها بالسهل

[واحد وخمسين]

;) ;)

ياشيبة عرعر انت تراك غلطان يبه

عود دربك شكلك مضيع الطريق

ترى قسم يروى ان فالدور اللي تحت بآآآآآآآآآآخر السيب اييه جنب البراده الخربانه

اقولك انزل معاك واحد من البزوره يدلك ومنها عشان ماتطيح مع الدرج

























اش رايك بلأنتقام يافجل

[فــجل]

اولا وقبل كل شئ ... انا رحت وجبت عصير السن توب حقي والفصفص يوم شفت موضوعك ... وسكرت الانترنت وخليت موضوعك عشان افصفصه فصفصه وامخمخ عليه :D قسم بالله ولا حواديت حبابــــة اللي تجي في رمضان اول في اذاعة الكويت ... من جد توسع الصدر :D

ثانياً : انا ما شفت الموضوع من اول , توني شايفه والله عشان كذا تأخرت بالرد .

ثالثا : انا الان وصلت نصف الموضوع واستصعبت علي كلمة يا ليت تشرحها لي ، الا وهي " لا ألعن أبو اللي سنسفوكي " ما هو السنسفوك ؟!! ما فهمتها صدز :D

رابعاً : كمـــلت الموضوع ، واقولك بكل صراحة انـــي رحمـــتك وارى اني ما اقــدر اكمل واخدعك ... وخلاص بعـــترف لــــــــــــك !!! خلاص ما عاد اقدر !!! ياربي لا ... لا لا ... خلوني ما عاد اقدر ... خلوني اطلع اللي بقلبي !! .... اتركونــــي يا عالـــم اعترفـــله ....

اعترف لك واقول انوه انا ... خطيبتك يا بعد تسبدي :D ...يالله عاد تعال حبنـــي وعطني بوســــة مع خـــديدي يالله :D
















العمدة ... احييك على قدرتك الابداعية وقوة اسلوبك ... احيي فيك اسلوب في الحياة المنظم ( واضح من غرفتك :D ) ... احييك على تنظيمك لمواضيع وروايـــــاتك ... احييك واحييك من هنا لبـــكرا ... بس اقوك ايضاً ...


بـــــــاب منـــــتدى الروايات والاحـــزان فوق على اليمين زي ما قال اخوي وحبيــــب قـــــلبي خمسين + 1 :D فـــشل عفــــشك و طس الله لا يهينك ولا عـــاد نشوفك هنا يالله !!! يا هالدب !! :D


وحدة بوحدة والبادي اظلــــم ... والدنيـــا دوارة ... دوارة يا دنيا دوارة :D


كخخخخخخخخخخخخخخخخخخخخ

[العمدة الإجباري]

<------------ ولا كأنه في أحد رد عليه.