هذي قصيده للشاعر :ناصر العتيبي
قالت أبغى قصيدة كلها شوق وغزل
إكتب أجمل قصيدة ونظم أجمل حروف
إكتب عن الغرام وقلبك ماحمل
أدري إنك تحب وعاكستك الظروف
كان خِلك يحبك لايموت الأمل
كان فِعلاً يحبك لازم إنه يروف
قلت أبكتب قصيدة ماحصل قد حصل
ليت يبكي لشعري كل قلب عطوف
ماعلي إخلاف لو دمعي من أسبابه همل
مِسرفاً في حياتي أعذبي الوصوف
ذاك خِلي يوم أنا وياه سمن وعسل
أرتوي من شهد ريقه ولمس الكفوف
ذاك أنا وياه للعشاق مضرب مثل
بالمحبه ربينا لين جاما نعوف
كان دايم لقانا ريح مسك ونفل
كنت أشوفه بقلبي مثل عيني تشوف
يمكن إني أحبه من قديم الأزل
يوم شفته أسرني برموش الوقوف
قالت اللي قريته في قصيدك جلل
كن جرحك بقلبك من مضارب سيوف
وإنت خِلك هجرك وفي وصاله بخل
وإنت حبك تلاحق حب قيس ويطوف
يعني إنك تحبه حب فوق الهبل
قلت أحبه وغيره لاحشى ماأشوف
لو يجن العذارى بالسحر والدجل
مالهن عند ناصر غير صد وعزوف
وكان مِت وحبيبي بالهوى ماعدل
إكتبوا فوق قبري مات من حب نوف
وسلامتكم
اتمنى تنال اعجابكم