بسم الله الرحمن الرحيم
قبـل إتصـالـك تـجـي (موبايـلـي) حـالـة
يهـتـز لــو مـيــزة الـهــزّاز ملـغـيّـة
يتنـهّـد مــن الـفـرح ويـسـوق مـوالـه
وتظـهـر عـلـى شاشـتـه ألـعـاب نـاريّـة
وإن جـات للـجـد .. أنــا متفـهّـم أحـوالـه
نبـرات صوتـك تــرى مـاهـي طبيعـيّـة !
أنـسـى الـزمـان وثـقـل دمّــه وغربـالـه
إن قلـتـي : (محـمـد) بـنـبـرة سـحـاويّـة
أقــول : لبـيـة ياعـمّـة ويـــا خـالــة
يــا كــل نـاسـي و يا نـعـمـة سـمـاويّـة
يا اطهـر كــلام الـغـرام وأصــدق أقـوالـه
يـا بـاشـة الغـيـد .. يــا أم الرومانسـيّـة
مـن يعرفـك لـو يصـد .. يشوفـك قبـالـه
وأنــا أشـوفـك تجـيـن بـكــل عـفـويّـة
في غرفتي .. في العمل .. في السوق .. في الصالة
أعــوذ بالله لـــك مـيــزات جـنـيّـة
(موبايلـي) مـن عرفـتـك ضـابـط إرسـالـه
أنـا أشـهـد إن شـركـة الهـاتـف شقـرديّـة
غلطـان مــن يعـرفـك ويـصـك جـوالـه
مفـروض تحسـب علـيـه رســوم إضافـيّـة
للشاعر :- محمد عويضة |
العرض العادي
