[poet font="Simplified Arabic,4,white,normal,normal" bkcolor="transparent" bkimage="backgrounds/8.gif" border="inset,8,darkred" type=0 line=200% align=center use=ex length=0 char="" num="0,black" filter=" glow(color=darkred,strength=8)"]
الله الخالق و هـو للخـلق غــــفار الخـطية
=المجيب لدعوة الإنسان في وقت انكساره
بكلمةٍ وحده أفاض الأرض في نصرة نبيه
= نوح يوم انه دعا بالنصر أعطاه انتصاره
تكبر الدنيا فعين اللي حوى نفس ٍ رديه
= والا أنا نفسي عزيزه ما توطيني غراره
ثابت بعزمي وجزمي والعطايا الحاتميه
= وافي وطبع الوفي كف البلا عن عرض جاره
جيت لك ياوردةٍ قد ساقها الله لي هديه
= ضاقت الأيام بغيابك وصار الصدر ناره
حرَقت مافي ضلوعي والصبر عيا عليَه
= كيف ابصبر ياعذابي وانت ماعنك اصطباره
خوف قلبي خوف خايف من موافاة المنيه
=انقضى عمره ولابه حد يتولى صغاره
دمعة العين استهلت بعد ماكانت عصيه
= وانطفى شمع الشموخ المهتدي بالاستناره
ذاك ذل العاشق اللي ذلـله بعدك و ذيَه
= لوعة المحزون بغيابه على فرقى دياره
رغم إن الدار داري لكن الغربة عتيه
= تاره اصبر واتجمل واتحرى الموت تاره
زالت هموم البريه وزادت الأوهام فيه
= واهني منهو قدر يسـلك طريقه باختياره
سنة الله في عباده والقدر ماعنه تيه
= والعرب قالوا قديم ان اللهب يبدا شراره
شين حظي والظروف المحكمه والواقعيه
= ماتـــغير في غلاي لســــيدة كل العذارى
صدقيني ياعيوني يابعد كل البقيه
=خافقي اللي ماتعدى في مدى حبك مساره
ضاق من وجد المعنى لين ضاقت به فضيه
= يجرع من الهون كاس ٍ ممتلي ذل ومراره
طالت اعمار الليالي ولابدى للصبح ضيه
= كن هالليل الأناني ماخــــلـق ربي نهـاره
ظاهر الحال السلامة وماخفى أقسى شويه
= من حياة البائس اللي نست الشهم اعتباره
عزة الله واقتداره ودام في روحي بقيه
= مــايـدوم الا غرامــك بـــعزة الله واقتداره
غيرك من البيض تحرم لاحلال ولا بغيه
= مانويت أقطف من البستان الا اطيب ثماره
في حياتك اسمعي لي كلمتين ٍ في وصيه
= من فدى قلبك بروحه لا تحيدي عن مساره
قدمي له من حنانك بلسم جروح ٍ نديه
= واقبلي عذر ٍ بدا به يــــوم قدم اعتذاره
كانك انتي ماغفرتي زلَته باوقات غيه
= اشهد انه مــاجنى والله يـــاكود الخساره
لانك انتي في حياته زهرة العمر الشذيه
= ولانك انتي تستحقي تلبسي تاج الطهاره
ماجده ماشفت مثلك راعية نفسٍ أبيه
= عزها من عز ابـــوها وقدرها من اقتداره
نافلة رب العباد وزود بري لوالديه
= وخمسة فروضٍ كتبها خالقي والاستخاره
هي رصيدي في حياتي بالاضافة للحمَيه
= والمنى يوم التلاقي صــابرٍ في انــتظاره
والقصيد اللي بديته بالحروف الأبجديه
= ينتهي بآخر حروفه ... ينتهي بآخر عباره
ياإلهي ياعظيم ويا غفورٍ للخطيه
= تستجيب لدعوة المحزون في وقت انكساره
[/poet]