السلام عليكم
شلونكم
مواقف مضحكه للبنات ليلة الخطوبه والله بلاوي
انواع الاحراجات ....... تلاقي الوجه صاير طماطه
تعالوا نشوف
1- وحده ياب لها زوجها تمر وقعد يوكلها حبة حبة ... طبعا ً البنت استحت منه تطلع نواة التمر جدامه قامت تبلع وهو يعطيها واختنا في الله
تبلع لين انتهى فيها الموضوع بالمستشفى..!
(يا حرااام والله مسكينه مايسوى عليها هلزوج ) :D
2- وحده يه خطيبها يشوفها وطبعا هي خجولة حييل.. وفيها حيا كثييير!
المهم دخلت عليه وابوها كان موجود فجأة دخل خالها وبعدين عمها وشوي يدخلون خوانها كلهم _يا حبيبي _ صار المجلس متروس ناس وكلهم عيونهم عليها ومن يوم شافتهم المسيكينة متجمعين اغمى عليها...!!
(شدعوووه عليج... وشنو يعني مو شايفه أهلج من قبل..؟؟) :D
3- وحده يات بتخطب صديقتها لاخوها عزمتها في بيتهم وقالت لاخوها طل عليها من الشباك وشوفها اذا عجبتك نخطبها لك .. وافق اخونا ما كذب خبر ولما يات البنت عطتها شوكولاته والبنت رفضت تاخذها وهذي تلزم عليها والبنت مصرة ما تاخذ .ولما طلعت تسأل اخوها عن رايه في البنت .. الاخ شاف البنت وهي تخش الشوكولاتة في شنطتها ..ولما سألته اخته شرايك؟ قال موافق على طول وتم الزواج ..!
وفي ليلة العرس يسأل الزوج البنت : وين الشوكولاتة اللي خذيتيها من بيتنا؟؟؟ " ترضين واحد ياخذ من بيتكم شي وما يستأذن؟؟"..!!
(خخخخخ.. والله انه مطفوووق.. خو ليش الاحراج خو..؟!) :D
4-وحده اول مرة بتشوف الي خطبها ويوم قالها ابوها يالله دخلي المجلس دخلت ومن كثر الحيا دخلت وسلمت على اخوها
(خخخخخ..أي شي وشنو خطيبج ماله رب؟؟) :D
5-واحد وده يتزوج وقال لامه دوري لي وحده دلوعه وشكلها بيبي فيس وجسمها صغيير وشعرها طويل واهم شي مو دبة
وكل مرة يروح ويشوف البنات ما يعجبه الشكل ,
وفي يوم لقت الام وحده وقالت له روح وشوفها يوم راح ودخل المجلس قعد على الكنب وقال ابوها لبنته يالله ادخلي يوم دخلت وقعدت على الكنبه الي جنبه وشافها
من قوة الفرحه وان طلعت مثل مايتمنى اخونا ماقصر قام وباس البنت جدام
ابوها
(اعذروه مسكين..مابغى يحصل الي يبيها..مستانس):D
الله لا يقطنا بجذي مواقف..
تحيااااتي:
الآنسه عبوووطه
العرض العادي
