[poet font="Simplified Arabic,4,orange,normal,normal" bkcolor="transparent" bkimage="backgrounds/22.gif" border="double,8,darkred" type=0 line=200% align=center use=ex length=0 char="" num="0,black" filter=" shadow(color=indigo,direction=135)"]
دموعي مالت لحبري وخطت بالورق اهات=
وقالت رغم كثرتها حبيبي ليه تشقيني
حبيبي ليه تجرحني وتطعن بالخفا طعنات=
وانا اللي واثق بحبك حسبت انك تحبيني
حبيبي من علمك هالغدر وخلا فيك حب الذات=
بعد ماكان لك احساس حاله دوم يرويني
بعد ماكنت لوصالي تحن وتوقفي الوقفات =
نظرت بداخل عيونك عرفت انك توديني
حلمت اني ملك عشقه تعدى بالعشق مرات =
عرفت اني بعدك اليوم مابه شي يغريني
وفيتي والوفا طبعك على دربك رسم وقفات=
ثبتي يوم تشتيتي ورجعتي الامل فيني
هويتيني باحساسك وشفتيني من الذات =
ربيع وموطنن اخظر بوسط العين شفتيني
حجزتيني من العالم تركتي كل هالموضات=
وجنون الحب خطواته مثل مانتي هويتيني
وطيبة قلبك وصدقك طبيعه ماهي بالعادات=
وحنا وسيعة الخاطر وبال مايخليني
وانا ماخطيت في حقك ولا عايشت انا الزلات=
ولافكرت في ظلمك ولا فكرت في شيني
طموحي كنتي احلامه وكنتي اول النسمات =
وكانت خطوتي يمك غصب عني توديني
وكنتي شي في روحي مكانه عالي النجمات =
وكنتي اسمي ورمزي ودربي في عناوييني
وكنتي مملكة فلبي وشعري واحسن الكلمات =
ومذلة نفسي لحبك حشا مايوم تعنيني
وجودك زينة الدنيا فرح مع اجمل اللحظات =
وغيابك يذبح شعوري ويقتل كل شي فيني
شكوكي ماعرفت بعدك ولو ياراحتي ساعات =
ولوبعدك يزعزعني شكوكي ماتناديني
صحيح اني فقير الحال ماحقق لك الفرحات =
وصحيح انك بعد قلتي اللي منك يرضيني
عطيتك شي ماجابوه قبلك كل هالسادات =
وعطيتك شي يسوى كل اللي عطيتيني
عطيتك قلبي الصادق عطيتك عيني والدمعات=
وخذيتي كل تفكيري وشوق ما نوجد حيني
وعزة نفسي وهمي وصبري وضيقة العبرات =
تحملت الضروف وجيت وكل الحب يسقيني
وجيت وليتني ماجيت ولا جابتني الخطوات =
بعد ماشفت بعيوني تبعيني وتدنيني
غرستي سهمك الغادر بقلب صادق النيات =
وطعنتي ماترفقتي جروحي مع شراييني
الا ياظالمه خلك نسيتي كل شي فات =
حرقتي كل هالذكرى وماسرع مانسيتيني
الا ياظالمه خلك ضميرك مات وهمه مات=
وذا دمعي وذا حبري ولا ادري من يعزيني
حبيبي والزمن باقي وباقي للزمن صدفات=
تشوف اكثر بعد واكثر مثل ماشافته عيني
الا يامن حبه احساسي كفايه ما ابي ماسات=
خلاص ابعد وانا ببعد وماجاني يكفيني
[/poet]
الشاعر / حسين بن علي الذبالي العقيلي
العرض العادي
