[c]قبل لا يدخل الدش في بيتنا كان هذا نظامناَ :
تذكرون كانت قناة السعوديه القناة الاولى ما تفتح الا وقت الضحى ( 10,5 )
وبعد ما تفتح بسلام الملكي ….. وبعده أيات عطره من المصحف الكريم ،،
بعده استعراض برامج
جيرانا مركبين دش يالله يا كثر القنوات اللي في تلفزيونهم …
وحنا ما غير نطلع الحوش نتسمع الاغاني انا وخواني وخواتي
المهم صار اخواني وخواتي الصغار كل شوي وهم جايين لأمي
… يمه ……… يمه ….. ما تبين نجيب لك شي من بيت ام دحيم ،،
بصل ،،،، ثو م ،،،، قرع ،،،، طماط ،،،، صابون ،،،،، أي شي
صرت انا وخواتي نتلصق بنات ام دحيم صرنا نتصل عليهم ونقول لهم :
حنا مشتاقين لكم واجد بعد العصر بنجيب شاهينا ونجي عندكم عسى ما عندكم طلعة
واذا عندكم طلعة عادي نجي ننظف البيت عنكم …. ت
قول لنا حصصصصة بنت جيرانا لا عادي واذا رحنا عندهم ما غير باقين عيونا انا وخواتي
عند التلفزيون وطايره عيونا في رانيا باعوض لا وحطت لنا مسلسل
يا ربي والله غير كل اللي فيه حلوووات حتى الرجال كل واحد ازين من الثاني
مو مثل المسلسلات المصريه اللي ما فيهم زين الا يونس شلبي!!!!
استغربتا على هذا المسلسل ادق اختي اقول لها
ليش اثم(فـم) البطله ينفك قبل لا تتكلم ويتسكر قبل لا تقضي متكلمة ؟؟
قوووة الملاحظة ما شاء الله علي ،،،
دقتني اختي قالت يمكن تتدلع.. قلنا لحصة وش هذي التمثلية قالت :
هذا مسلسل مكسيكي اسمه ( قواد لبييييي)
يؤ ….. يؤ …… يؤ …….. الله من القراووووه!!!
قلنا يعني ايش ؟؟؟؟؟؟
قلت : وش قصتهم ؟؟؟؟؟؟؟؟
قالت : يووووووه تبين احكي لك مسلسل الحين يمشي في الحقلقة 250 !
اصبري لما يقضي الخص لك قصته
امي تعبت من كثر ما تتصل علينا تعالوا تعالووووووا ….
وحنا بعد شوي بعد شووووووي !!!
ما طلعنا من بيتهم الا بعد ما جانا ابوووي بالعصا
بدينا نصايح عند امي نبي دش مثل بيت ابو دحيم ليه هم ازين منا في ايش ؟؟؟
يعني يعجبك بناتك يصيرون قرويات عند بنات ام د حيم
ونصير مثل الدبش (الغنم ) ما ندري عن امور الموضه شي
ولا عن اخر الطبخات ولا عن امور الحياة بس عايشين على رحمة القناة الاولى
واذا كان في مباراةةةةةةة عليك العوضي في مسلسل الساعة 10 م
اللي بعد الاخبار ولا تبين لازززم نسهر الى الساعة 3 الفجر ننتظر مسلسل
اللي بعد اخبار الساعة 12 صباحا الله من زين الحجة !!!!!
قالت امي : ابوكم والله هذاه عندكم انا مالي شغل .....ايه ماهي مهتووويه ؟؟
فكرنا كيف نجي لبوي وكيف نقنعه !!!!!!!
قالت اختي مزنة : ايه مالنا الا ططططريقة المصارعة !!! (( سر المهنه ))
طرنا (اي ذهبنا ) لبوووووووي
يبه ….. يبــــــــه
وحطبـــــــــــــــــه <======== ( البابا )....
(( الله من زين النفس معصب معطي اليوم رواتب للعمال ))
يبـــه في مصارعة شفناها عند بيت ابو دحيم تهبل هوق هوقن مع الديزل ،،،،،،،،
يالله يبـــــــه تصدق حاطينهم بشبك ومقفلين عليهم ويقولين الا يطلع قبل الثاني
من الشبك هو الفايززز ،،،، يالله يبه الحلبه امتلت دمممممممممممان اسلوب نصب وتشويق !!!
تصدق حتى الكراسي يجدعونها عليهمم الجماهير وتصدق مافي حكم طارت عيون ابوي .......
ابوي : هــــــاه ,,,, شلوووون ؟؟ وين تجي في شريط فيديو خليهم يكزونه لنا نشوفه !!!
قلنا : لا يبه في دششششششهم !!!
قال : وش دش ؟؟؟؟؟ دش الحمام وانتم بكرامه ,,,,,,, ؟؟؟!!!!
قلت : لا يبه …… هذا دش يحط لك كل اخبار العالم وكل القنوات اللي في الكون
<==== الله من النصب …….
لا وكل ما تغير قناة تلاقي مصارعه في خشتك !!!
ازين من مصارعة القناة الاولى اللي ما تجي الا بالاسبوع مره ولا يجبونها الا اخر السهره ….
وخلون صلاة الفجر تفوتك !!!!!
ابوي : لا عاد من زينها كلهم معاداتتتتتتتتتتتتتت !!!
اقتنع ابوي بشراء دش ،،،،،،،،،
واخيرا ركبنا دش
يوووووووه دخل الدش بيتنا ومعاه الرسيفر
المهم بدات عيوناااا ما تثبت على شي بس القنوات في تفرفر مستمر الكل يبي شي
ابوووووووي …… يبي اخبار الجزيزةةةةةةة
امي ….. مسلسل ( ام ، بي ، سي )
اختي الكبير رولا على الهواء
اخواتي …. سبيس تون
جدتي ….. تتابع المكسيكي اللي في المستقبل
صارت في بيتنا معارك ضرواس هوشات وراء هوشات ….
وصار شعار في بيتنا ( من يربح الرموت )
اللي يمسك الرموت هو اللي يحط على مزاجه عاد يالله اذا امسكته
القعره<====( حشره تشبه النمله بس اكبر منها شوي روح القصيم واسال عنها )
اختي الصغيره عيارتها القعره عاد هذي من عشاق المسلسلات الكويتيه
المعيوده على وجه الخصوص وها اليومين تتابع مسلسل جرررررح الزمن
يالله تحط على نفس القناة قبل المسلسل بساعه بحجة انها ما تبي الأغنية تفوتها
تصدقوووووووووووووووووووووووووووووووون …..
اول اريح قبل لا نحط الدش !!!!
لا تفرفر ولا رموت محجوز ولا قهر ولا هوووشات
منقول[/c]
العرض العادي
