فـي يـوم مـن الليــالي قــررت اهـاجـر واتــرك الـديــره .... حسيــت ان العــالم كلــه ضــدي (( اخـس ياتــايســـون )) ... وكنــت اصبــر نفســي واقــول ان كــل العبــاقــره والمفكــرين كـانــوا منـبــوذين من المجتمــع ... (( بالله لحظـه يالحبيـب ... انت وش دخلك في العباقره ... انت حـدك حـديقـة حيــوانات .. وكثيره عليك بعد !!!)) ...... وفيــه سبـب ثـانــي .. اللـي هــو .. ان ابــوي انصـدم فينــي ... لأنــه كان يتمنــى يشــوفنـي دكتــــــور ... وانصــدم يــوم شــافنــي ثــــــــور .... وكــان يتمنــى يـشــوفنــي طـيـــــــار ... وانصــدم يـــوم شـــافنـــي حـمــــــــار ....
(( بتـحـــط نـفـســـك فـي مــواقـف بـايـخــاااااااااااااااااااه )) ...
المهــم ... شــريــت لـي قــارب وقــررت انــي اســافــر فــي البحـــار اللــين القــــى مــكان فيــه نــاس يقــدرونــي ويحتــرمــوني ... (( مـن اللحين ريح نفسك ... لان مافيه احـد في هالكـون يحتــرمك )) .. وركبــت البحــر .. وجلســت اجــدف وانــا اتــأمــل البحــر والأسمــاك مـن حــولــي مجتمعــه تنظــر الي .. وكأن هـذه الأسمــاك عــرفت ان الشخــص المــاثل امـــامها .. (( اخـوي .. تـأكــد .. انـت كنــت في البحــر ولا في المحكمــــه )) .. .. اقــول شكلهــا حســت انــي عبقــري مع ان الناس مــاعــرفــوا هــذا الشــي ....
؟(( تبينـي اقــولك ليـش السمـك يطــالعك ..... لانهــم مستغـربيــن .. هم عــارفيـن ان فيــه كلب البحـر وفــرس البحــر .. لكــن اول مــره يشــوفــون حـمــــار البحـــر )) ؟
وفجــــأه .... هبـــت عــاصفــه قــــويــه اكلــت الأخضـــر واليــابس .. (( الحمد لله على العقل ... ياخوي انت جالس في البـــر ... اذا بغيت تنصــب انصـب زي النــاس .. ولا اسكـــت .. )) .. وصــار البحــر هــايج .. والامـــواج تـتــلاطمنـــــي ... (( اييييه اكيد .. انـت ويــن مــاتــروح لازم تلقــى لك من يلطمــك .. يالدجــاجه )) .. وضعـت في عــرض البحــر .. وجلســت احــاول اعــرف وين انا لكـن مــاقــدرت .... وصـرت امشـي بغيــر هــدى _ _ هـدى هـذي بنـت جيـرانـنـا , والله ياهـي شينـه بقـوه , ودايـم تـتـميلـح قـدامـي , لكـن انـا مـا اعطيهـا وجـه , وكنـت اشـوفهـا مثـل اي معجبـه ثـانيـه ... اخــوكم ثقيـل _ _ المهـم .. ان الــوقت كان ليــل ... فقلــت يــاولد خلنــي انام والصبــاح ربـــاح .. يمكـن اذا صحيت اللقـى امـــل _ _ امـل هـذي بنـت جيـرانـنـا الثـانيـه , والله يـاهـي ملكـة جمـال , ودايم انا اتميلـح قـدامهـا , لكـن ماتعطينـي وجـه , وكانت تشـوفنـي مثـل اي عـامل نظـافـه في الشـارع ... البنـت ثقيـلـه _ _ المهـم .. وغطيـــت في نـــوم عميـق وانا اغنــي ... لو انــي اعلـم ان البحــر عميــق جـــدا كان ما سويت نفسـي رجــال وابحــرت .. لو اني اعلـم خــاتمتــي كان جلست في البيــت اقلها حمــار في الارض ولا حمــار في البحــر وضايع بعــد من زين الطبــايع ...
وقمـــت مــن النــوم علــى صيــاح وازعــاج ... ويـوم فتحــت عيــونــي .. لقيـت انــي مــربــوط من ايــدينــي ورجلينــي في عمــود وبنتيــن كل وحــده ماسكــه طـرف من العمــود وشـايلينــي .. _ مثل افــلام كــرتون _ ... ووراهــم جيــش كبيــر مــن البنـــات ... وكـــل اللــي في الجــزيره بنـــات مــافيـــه ولا رجـــــال _ الا انــا طبعـــا !! _ ... المهـــم ... ودونــــي لمجلــس رئيستهـــم .. وكانت عجـــوز تطــرح الذبــاب مــن السمــا مـن شينهـــا واسمهـــا عمشـــــــــــــا .. طــويلـه ودبـــه .. شكلهــا كانـت بــاص مــدرســه قبل ماتجــي للجــزيره ..... وأول مـــاشــافتنـــي صــار لـونهــا اخضــر وانتفـخ وطلــع لهــا قـــرون .... وقــالت للبنــات فكـــوه خلــونــي اتفـــاهــم معــــاه ..... وفكــونــي ...
قــالت لي والشـرر يتطــاير مـن عينيهـا اللي كنهـا طفـاية سجاير : وش جابـك هنــا ؟؟؟؟
قـلـت : ابـد والله .. كنـت رايـح اجيـب اخـواني من المـدرسـه وضيعـت الطـريق ..
(( مايعـرف يصـرف ابـد )) ..
قـالت : هـذا انتـم يالرجـاجيل .. ماتخلـون البنـات في حالهـم .. تطتاردونهـم حتـى لو راحـوا المـريخ ..
انا على بالي باستخـف دمي قـدام البنـات وقـلـت : وين الرجاجيل اللي تتكلمين عنهـم ما شوف احـد غيرك .. بعـدين لا يكون تقـصدين انك من البنات انتي مـدرســة بنـات ..
وانتفخـت عمشـا زياده .. وقربـت ورفستنـي ذيك الرفسـه علـى ...... ظهـري .. (( واحد يصرف )) .. .. وقـالت : انتم يالرجاجيل نـاكرين للمعـروف .. يعنـي الحـرمـه لـو تبيـع عيـونهـا عشـان واحـد منكـم ما يعجبكـم وتـدورون وحـده ثانيـه غيـرها .. لانكـم تعتبـرون الحـرمه وسيلـة تسليـه لكـم مثلها مثل البـلاي ستيشن والكوره ..
قـلـت : بالعكـس حنـا نقـدر الحـرمـه كثيـر .. والدليل ان الشبـاب اذا شـافـوا بنـت يجتمعـون عليهـا وكـل واحـد فيهـم يحـاول يعطيهـا رقمـه عشـان اذا احتـاجت شي يسـاعـدها ...
(( واحد على نياتــه ))..
قـالـت لـي : اسمـع حنـا متفقيـن ان اي رجـال يـدخل الجـزيره هــذي راح نعــدمــه ونقطـع راسـه .. ونخليـه عبـره .. لكـن انـا باعطيـك يــوم تـتـمـشــى في الجـزيره .. علشـان تشـوف بعيـونـك انـنــا عـايشيـن بـدون الـرجـاجيل احسـن عيشـه ....... وطلبـت عمشــا مــن وحـده مـن البنـات اسمهــا نــوير انهـا تـاخـذ فينـي جــوله علـى الجــزيره ....
نـــويـر هــذي كـانــت آيـــه مـن الجمــال شعـرهـا اســود ويـوصل الليــن ركبتهــا , وعيـونهـا واسعـه , وخشمهـا دلـة قهــوه .. (( واحـد علـى بـالـه حـق وصـف ... يارجال انت اوصف كلب ولا عنـز .. لكـن مالك ومال وصف الحريم ..)) المهــم ... تجـولنـا في الجـزيره .. وكانت كلهـا بنـات .. ومليـانــه اســواق ومحــلات .. وكلهــا محـــلات ادوات تجميـل ومكيـاج واكسـسوارات ومـلابـس جاهـزه ومطــاعم _ _ اللي قـاهرني ليـش المطـاعم مع ان كلهم حـريم .. يعنـي عجـزانات يطبخـون _ _ ..... واللــي يبيعــون في المحــلات كلهــم انــدنـوسيــات _ _ صـدق ان الحـريم ما يقـدرون يستغنــون عـن الانــدنوسيــات _ _ ....... وعملتهــم في الجـزيره .. هــي ادوات المكيــاج ... يعنــي الفستــان الايطــالي بخمسـه ارواج وكـريم اســاس ... والفستـان الفـرنسـي بثـلاثـه ارواج ومسكـره واحمـر خـدود ....... يعنــي بــدل الــوحـده ماتشيــل بــوك ولا محفظـة فلــوس تحصلهــا شايله علبـة مكيــاج في جيبهــا ....
المهـم .. ســألـت نـــوير ... وقلـت لهـا : انتـي وش اللي جابك هنــا حــرام تسجنيـن نفســك في هالجــزيره .. وين اهلـك ..؟؟؟ قـالت : شفـت البنــات اللـي هنــا كلهــم ... كلنــا اخــذتنــا عمشـــــا وحنـــا صغـــار وجــابتنــا للجــزيره هـــذي .. ووفــرت لنـا كل اللـي تحتـاجــه البنــات .. وصـرحـه كل البنـات اللـي تشـوفهـم عايشين احسـن عيشـه .. ... قـلــت : لكــن ليـش تكــرهــون الــرجــاجيـل ؟؟؟؟ .... قـالـت : شـف .. لا انــا ولا وحــده مــن البنــات قــد شفنــا رجـال .. وانـت اول رجـال نشـوفــه .. (( اكيــد غلطــانـــه .. ولا يمكن انهـا انخـدعــت فيــك المسيكينــه )) .. .... وكل اللـي نعــرفه ان عمشـــا تعــرف الـرجاجيـل زيـن .. وتقــول ان الرجــاجيـل انـذال يتسلـون في الحـريم ويـضـربونهـم .. لا وتقـول انهــم يـآكلــون لحــوم البنــات بعــد ... مـع انـي اشــوف انـك غيـر اللي تقـول عنهـم شكلك رقيـق وحنــون عــاد انا انحــرجت وصــارت خــدودي صفــرا وقلــت : شكـرا دا مـن زوئــك ... (( اخــس ياحسيـن فهمـي .. يـاخـوي هــي تقـصــد بكـلامهـا .. انك مانــت رجـــال ... وصـراحـه هي ما قالت شي غلــط .. )) المهـم سـألتهــا : طيـب مـن يحميكـم في الجـزيره .. يعنـي لـو صـادفتـوا مشكلـه ولا قـراصنه مـن اللي يــدافــع عنكــم ؟؟؟ .. ... وهنـا تنهــدت نــوير .. وقــالت : هــذي المشكلــه اللــي نــواجهـهــا .. لأن فيــه دينــاصــور كبـييييير مــرررره كل لحظــه والثــانيه يهجـم علـى الجــزيره ويخــرب كل شي تصــدق انـه اكــل ثنتيــن مــن الانـدنـوسيــات .... قلــت في نفسـي .. اكيـد بياكـل الانـدنوسيات لأنهــم ضعيفـات .. لكن انتـم من يقـدر عليكـم .. وبعـدين لحمكـم مــررررر .... المهــم .. قلـــت لهـــا خـــلاص رجعينـــي لعمشـــــا ... ابيهــا ضــروري ....
ورجعنــا لعمشــا .... وقــالت : وش رجعــك .. اكيــد انك يوم شفــت عيشتنــا بـدونكم فضلــت انـك تمــوت من القهـــر ... قلــت : اسمعــي انــا سمعــت ان فيــه دينــاصــور كبيــر دايم يهــاجمكــم .. وانــا ابــي اعقــد معــاك صفقـــه ...
قـالت : والله انت اللـي يبيلــك صفقــه .. مســوي نفسـك رامبــو ... قلـت : مالك دخــل رامبــو ولا محمــد عبــده .. المهــم اذا ذبحــــت الدينــاصــور وش لـــي ؟؟؟؟
قــالت : اذا ذبحتـــه بنعفــي عنـــك وبنخليــك تــرجــع لــديرتـــك ...
قلـت : لا لا .. انــا ما ابــي ارجــع لــديرتــي .. والله لأبيعهــم كلهــم .. انا في ذيك الســاعــه لما اعيـش في جـزيره كلهــا بنــات .. ومافيه رجال الا انــا .. يعنــي مافيــه احــد ينشــب لــي .. وكل البنــات ماقــدامهــم الا حــل واحــد اذا بغــوا يحبــون ... انـــا وبـــــس يأيأيأيأيأيأيأ _ ضحكــة الشــر _ ...
(( يارجال على كــذا ماراح يحبــون ابــد .. لانهــم لــو حبـــو شجــره في الجــزيره والله انهــا اصــرف مــن وجهــــك .. ))
قــالت : لكــن قــانون الجـزيره يمنــع اي رجال يـدخل .. اجل كيف اللي بيعيـش بينـنــا ... لكــن خلنــي اجمـــع البنــات وأســألهـــم .... (( اكيــد بيــرفضــون .. لانهــم يقــدرون يتحملــون الدينــاصور ... لكــن مايقــدرون يتحملــونك )) .. المهــم جمعـــت البنـــات وســـألتهــــم .. وكلهـــم وافقــــوا بالاجمــاع انــي اذا ذبـحت الديناصــور اعيـش عنــدهم .. (( قال وش اللـي جابـرك علـى المــر .. قال اللـي امـــر منــه ... ورئصنــي ياقـــدع )) ؟..
المهــــــم ..... جهـــزت نفســـي لقتـــل الدينـــاصــور .. وعــرفــت انــه يطلـــع فـــي الليــــل ..... وجلســت احتــريــه بيــدي العــاريتيـن .. فإما حياة تسـر الصــديق واما مـمــات يغيــض محمــــاس وبــرجس ....... المهــــم ... فجــــأه طلــع الـدينــاصـــور .... والله يــاهو كبيييير ... لــه عيــن وحــده في راســه واذانيــه كبـااار _ _ طلع حمار ذا موب ديناصور _ _ ... وذيلــه طـويل مثل المسـافه بيـن فـرنسـا وبــاريس
؟(( الحمد لله على العقل .. مسوي نفسه فاهم )) ... وأول ما شـافني نظـر اللـي نظــرة احتقــار ولا عبــرني على طــول دخل الجــزيره ... وانا اللــي الحقـــه .. وقلــت لــه .... هيييه انـت يالحبيـب وش دعــوه ؟؟ مامليــت عينــك ؟؟!! ........... وهـــو ولا كن احـــد يكلمــه تقــول اللــي قــدامــه قــوطي مووو آدمـــي ...... ويــوم طفــح الكيـــل ... وانــا اللــي اجـــره مــع ذيلـــــه وامحــط بــه في الجـــدار ... (( ياخـوي تأكـد هـو ديناصور .. ولا قــطــــو )) .. والتفــت علــي وقام يــطلع نار من فمـــه يبــي يشــويني ... وان اللــي اطلــع طفــايــة حـــريق وابخـــها في وجهــــه (( لاتـســألــونـي من وين جت طفـاية الحــريق مشــوها لي ولا تصيـرون قلـق .. حي الرجال اللي يمشــي كــذبــة خــويه .... بعــدين المخــرج عـاوز كـــده .. )) المهــــم .... وهــو اللــي يضــربنــي بــذيلــه .. وانا اللــي اطيــر ولا وقعــت الا عنـــد نـــوير ... وهي اللــي تضمنــي وتقــول : لا تموت الله يخليك .. انا ما أقــدر اعيــش بــدونــك .. انا احبــك .. لا تخلينــي ........ وانــا اللــي انــط كنــي مقــروص .. وقلــت : وش قلتــي صـدق انتــي تحبينــي ؟؟؟ ....... وضحكـــت من الخجــل وقامت تــركض بعيـد عنــي مستحيــه .. وشوي الا اسمع صــوت .. أثــرها صـدمت في جــدار ما انتبهـت لــه ...... المهـــم .... واستجمــع قــواي وارجــع للـــدينــاصــور ... واكفخــه على راســه بمــاصــوره .. وهــو اللـــي يطلـــع سكيــــن يبـــي يــذبحنـــي (( يالربــع ... شفتـــوا الصــاروخ اللــي مــر من هنــا قبــل شــوي ... ولا انا غلطــاااان ))
.. وانـــا اللــي امســك يــد الديناصور االلي فيهــا السكيــن ... وهــو يقــربهـــا مـــن وجهـــي .. وانا ابعــدها .. وهــو يقــربهـــا ... اللــين وصلــــت عنــــد عينـــــي ...... وفـــجـــــأه مــادريــت الا ذيــك الضــربــه بالنعــال علــى راســي _ وانتم كرامــه _ .. واسمــع صـــوت ابـــوي يقـــول ... قــم لابارك الله فيــك مــن ولـــد قـــم رح للغنــم وجـب لهــا علـف معــك .. انا وش اللـي الله بلانــي فيـــك يالداشــر ....
وقمــت مــن النــوم ولبســت مــلابســي ورحــت للغنـــم ... وانـــا مقهـــور ... آآآآآآآه لــو انـــه تـــركنــي شـــوي بــــس ... والله كــان ذبحـــت الدينــاصور وقطعـــت لحمــــه وفــرقتــه علــى البنــات عشــان يعــرفــون قــدر شجـــاعتـــي .....
؟ (( يــارجال احمــد ربــك ان ابــوك صحـــاك مــن النـــوم .. ولا كان تلقــى هاللحين الدينــاصور ما سكــك مــع
شــوشتــك ويمســح فيــك الجــزيره طول وعـرض يالمكنســـــه ))؟
=====================================
ياووووو ...يمه...هق هق هق.(حاط يدينه على بطنه)....و هق هق
وش رااااااايكم.....حلو ...مو....
العرض العادي
