ياوجـــــــــــــد قــــــلبي

[ذيب العتيبى]

C ياوجــــــــــد قـــــــلبى
ياوجد قلبى كل ماهبت الريح
غرب الديار وشرق واطراف شاما
وجد الشجيع الى من الامه يصيح
صابه رماح وجرهدى الحساما
خلوه ربعه والركايب مشاويح
ودرورات بقا وردته الحياما
على الذى بالزين ساد المماليح
عشر وثمان ولا كمل بالتماما
راع العيون الناعسات الذوابيح
لاسلهمت غنج ودلع وابتساما
يكشف عن الغره نجوم ومصابيح
ومن الحيا يرخى عليه الثاما
والشعر يلعب مع ذعاع الصحاصيح
لاهبه الغبى تراما ترامــــــا
لامرنى خطر ن على قلبى يسيح
كنه بنظراته طرق لى سلاما
انا اشهد انه جرح القلب تجريح
لو ماحصل بينى وبينه كلاما
انا من الشيمه كبحت الجواميح
وهوه من العفه يزيد احتشاما
فى موقف ن فيه النواظر مشابيح
ما غير انا وياه والصمت داما
فى وقتها جانى عن الهرج تشويح
ومن سالنى مدرى علامى علاما
فى نجلتينه وضح العلم توضيح
وراح وتركنى للولع والهياما
امسى على لماه واصبح على ميح
ومجاذب الونات ياما ويامـــا
اركاب شوقى كل ليله مدابيح
والنوم للمشتاق اصبح حراما
ولعبت بى الايام لعب المسابيح
من عقب عرفك يالطيف القواما
ياعل دارك للمزون المراويح
الى من القبله مطرررها تكاما

وسلامتكم

[محمد المتحمي]

ذيب العتيبي

سلمت وصح لسانك ياذيب

احساس جميل وعذوبة شاعر مستهام يسكن الحب والحنين والشوق

في كل جوارحه

اتمنى لك مزيد من الأ بداع0

اخوك0 نقرة حضوضى

[عذب الوصــايف]

صح لساااااااااااااااااااااااااانك
والله يعطيك العافيه

تسلم تسلم

تقبل خالص التحيه
اخووووووووك
عذب الوصايف

[الــوليــف]

السلام عليكم

عيني عليك بارده اخوي ذيب
اشهد أنه خوش قصيده يالغالي
وصح السانك ويسلم راسك
مشكوررررررر


تحياتي لك

[ذيب العتيبى]

السلام عليكم
صحدت ابدانكم ياربع وماقصرتم واشكركم على الاطراء الجميل
اخوووووووكم ذيب

[الحرالاشقر]

ذيب صح السااانك أخوي ولاهنت
كلمات رائعه من روعة صاحبها
لك تقديري واحترامي
أخوك/ الحرالاشقر (مهنا العتيبي)

[صافيه القلم]

السلام عليكم ورحمه الله وبركاته

تحيه طيبه اخي الفاضل ذيب العتيبي

يتحدث حرفك فينصت الجميع

يبهرهم منطقه

وعذوبه همسه وتناغم معانيه

وفيض احساسك

اقرؤلك واعود لقراء

واقول الله يعطيك العافيه

وصح الساااااااااانك مليون

تقبل خالص ودي واحترامي

واهلا بك دائما بين همس القوافي

[آخرة العنقود]

سلمت يمينك اخي ذيب العتيبي
على الكلمات الجميله

تدل على احساس صادق

ومشاعر مرهفه
ننتظر جديدك

[عـبيد السبيعي]

صح السانك

ولاهنت يالذيب

وبيض اله وجهك

تحياتي

اخووووك

عبيد السبيعي

[بندر العجمي]

ذيب العتيبى


صح لساااااانك 0 على ها الجزله التي أمامي0

عز الله أنها قصيده طيبه من وجهٍ طيب 0

معاني00 وصف00 توجد 0 أبدعت في صياغتها 0

بيض الله وجهك وما قصرت 0 وتسلم روحك واحساسك 0

سجل اعجابي 0

وتمنياتي لك بالتوفيق 0

وتقبل فائق تحياتي 0
0
0
بنــــــــدر