[poet font="Simplified Arabic,5,burlywood,normal,normal" bkcolor="transparent" bkimage="backgrounds/21.gif" border="none,4,gray" type=2 line=200% align=center use=ex length=0 char="" num="0,black" filter=""]
قلبي عليل(ن) ظامـه الحـب والشـوق = يبغـى الديـار اللـي عليل(ن) هواهـا
وليا نصحته عن هـوا كـل مخلـوق = قـال المشاعـر تهتني بمهتـواهـا
ماتدري اني صاحب الـراي والـذوق = لي كلمـة(ن) يصعـب عـلاك اتعصاهـا
قلت امر ولالـك مشاريـه واحقـوق = ياقلـب ياللـي زدت روحـي عناهـا
امرك عسى فيـه التياسيـر وارفـوق = واحذر من العسـرات مقـدر علاهـا
قال اترك اهل الدار وانحش عن السوق = امـا امـش يـم الشـام والا وراهـا
وفزيت ابنخى عزوتي من ولـد روق = هـداج تكفـى لا تخـيب رجاهـا
اركب على اللي قيل ماهوب مسبوق= كـم ديـرة(ن) قـرّب علـيـّه مـداها
هو قيمة اللـي بعتهنـه مـن النوق = سيـارة(ن) مـا كـل واحـد شـراهـا
سواقهـا ماهـوب ربشـه ومطفوق = دليـلـة(ن) يـعـرف دروب نـواهــا
واللي يخاوونـه تـرى مابهـم عوق = مـن روس قـوم عالـي(ن) مستـواهـا
مع تحيات ابومسلط
[/poet]
العرض العادي
