هذا فعلته بي بنات افكاري في احدى قاعات الجامعة
الحوار النفسي بين عبدالله الخارجي وعبدالله الداخلي
الاحد:16/1/1425هـ بعد المغرب محاضرة احياء حيوان
الوضع:جالس على الكرسي اكتب هذه الورقة
ما يدور الآن في الرأس:والله قلقان على شان كثرة غيابي عند الدكتور*1 لأسباب عدم القبض على المرشد الذي للتو أستلم إرشادي بدلاً عن الدكتور ****** ا لله يشفيه .
وزيادة على ذلك أتيت للبيت لكي ارتاح قليلا مع الوالدة قبل الساعة السادسة قبل هذه المحاضرة وأردت أن انزل و اطفي السيارة وحدثت الفاجعة ظهور دقمة السيارة مع المفتاح "يا لله وش هالبلشه"*2 وقمت افسفس بالونيت لحد ما شغل بالسكروب*8 وجيت للمحاضرة وطاح وجهي *1 وشلون اقنع الدكتور بالعذر الصحيح.. ولكنه بنفس الوقت مضحك *8 ..ومن حسن حضي هناك أثار زيوت الدقمة على يداي*8 ... وصدقني ولكن بعد ضحك بعض الطلاب... وهذا اللي عكر مزاجي *1 وكدت أن انتحر لولا المكافئة التي في أخر كل شهرين أو ثلاثة بعد الله.
ماذا يدور بالقلب:والله ودي أعرس بس وشلون اقنع الشايب .
الأمنية : والله الأمنيات كثيرة يصعب حصرها .
طيب نبغى أربعة منها :الأولى رضا الله ووالدي والناس علي.
الثانية: الستر علي بالدنيا والغفران في بالاخره .
الثالثة : اني اكون مشرف أد الدنيا في منتديات الود*6 .
س:طيب ليه ماتشارك مشاركات مميزه لكي يتم تعيينك مشرف: والله شغال بالمشاركات التي اتمنى ان تكون مميزه لكن المشكلة أن الأوضاع المادية*a لا تساعد أن أتواصل على النت لكي تكثر مشاركاتي.. بعض الأحيان تصادفني مشكله الوالده تقول للشايب والله ولدك غير ينعمي من كثر ماهو مقابل هالملوي*q (الحاسب).
الرابعه: وودي اني اتخرج من الجامعة وأتخلص من غثا هالدكاتره .
خلني اقول الخامسه.... قلها ......
ودي 89مازده للديره مع الشباب والسفر الى العمره والسياحة الداخليه.
وودي جيب شاص(ابو شنب) 93 او 94 نظيف للبر مع الخوي الطيب او اثنين مثله يعني ثلاثة برحله واحده للبر. خلاص ....جبهن وش تريد نختم هالقاء به.
ودي ما تمر ليليه ألا بعض المشاركات المميزه في منتدى الود مثل مشاركات العضو المميز تويكس مايع وومشاركات الأخت تناهيد ومشاركات ران وقراءة بعض الخواطر مثل خواطر الهنوف ورعد الجنوب ومثل هالاشخاص المميزين.
الدكتور جااااااااك يابو عابد ابلشششش (بتعمل ايه ياعم عبدالله ايه اللي شاغلك بتكتب ايه الله الله ... بتحب )واخذ الورقة هاذي وقراها على الشباب وماتو من الضحك وانقلبت المحاظره كلها على راااسي .
عبدالله الخارجي . عبدالله الداخلي
.
-------------------------------------------- ---
المرشد// هذا اللي يسوي الجدول لك في الجامعه ويسنعك ((الله لايتسلني عليه)).
دقمة السيارة// هي السوتش او هي المكاان اللي يوضع فيه مفتاح السيارة للتشغيل.
افسفس// الفسفسه هي محاولة تصليح شي لاتفهم فيه.
الاعضاء الذين ذكرت // هؤلاء الذين انا معجب بمشاركاتهم واعلم انهم لسوا
الوحيدين في التميز لكن لقلة دخولي على النت لااعرف غيرهم . ولانهمل البقية الذين لايحضرين اسمائهم.
صورة المازدا الامنية
الجيب الامنية
صورة الونيت ابو دقمة
العرض العادي
