كـــــــــــــــــــــــارثة صالح الغالب

[صالح الغالب]

سلام عليكم ...... صراحه اشتقت لكم ..... وعندي قصيده ... مسميها الكارثه ... الله لا يخلينا نمر في الموقف هذا :




[poet font="Simplified Arabic,5,white,bold,normal" bkcolor="transparent" bkimage="backgrounds/21.gif" border="ridge,5,indigo" type=2 line=350% align=center use=ex length=0 char="" num="0,black" filter=""]
لعنبوا جد الزمـن والحـظ يـوم ان عاندونـي
احرموني من منـى عينـي وخلونـي امغبـون
جرّحوني لين سالـت دمعـةٍ داخـل عيونـي
علموني اشلون اشوف الدمع يجـرح العيـون
بيحوا كل المواجـع واستباحـوا واوجعونـي
واتركوني في مهـب الريـح انازعهـا بهـون
زوجوها غصب عني واحرموها واحرمونـي
واجرحوني حسبي الله يـوم نـوو يجرحـون
عذبـوا قلـبٍ شقـاوي وجرحـوه وعذبونـي
واظلموني لين صارت ضحكتي من دون "لون"
آه (ياخلي) فديتـك مابقـي لـي الا طعونـي
كل يوم اجلس معاهـا ليـن ملتنـي" الطعـون"
صرت اعيش الكون كذبه في عيونٍ ماارحموني
لاجل : اني كنت "صادق" يوم كانـوا يكذبـون
والله اني من سمعت" العلم" ضيعنـي جنونـي
عاقلٍ يجمـع شتاتـه بـس (طيّحـه الجنـون)
ذقت من مر "الغبينه" ليـن صحانـي سكونـي
( ياالغالب) منت الضعيف اللي بيرضيه" السكون"
ثرت ولكن فات وقتي قفـت" امالـي" بدونـي
اتحسر وش يفيد؟؟ ان صرت انا غصب امغبون
المهم :اني خسرت وطحت" من قمـة ظنونـي"
كنت اظن انه حلالي ليـن غرتنـي "الظنـون"
آه (ياقلبي) تعالي واحظنـي باقـي شجونـي
وازرعيني في خفوقك لين تحيا بي" الشجـون"
لملميني مـن بقايـا" كارثـه" هـدت ركونـي
طيحتني وطاح عزمي وانتهى بالكـون" كـون"
جبّري عظمي الكسير وهيجني داخل جفونـي
واطلقينـي للسعـاده دام لـي صـدرٍ حنـون
غردي داخل خفوقي وارقصي في وسط كوني
وانصفيني من عنا وقتي ومن ظلـم" الحـزون"
وقبـل انـك تتركينـي علميهـم يصلبـونـي
في جدار" الحلم" دامي صرت بعيونك اهـون
ويـوم ماتدمـع عيونـك علميهـم يغسلونـي
ومن جديلك اصنعي لي اللحد واخيوط الكفون
واحملي نعشي معاهم وقـت ماهـم يحملونـي
بس "تكفيـن" الوصيـه قبـل ماهـم يدفنـون
خلي( قبري) وسط صدرك يحفرون ويدفنونـي
واركزي بيدك" النصايب" عقب ماهم يقبـرون
[/poet]



ارجو ان تعذروني على الاطاله .................... وسلامتكم

[انا]

مشكور

[بندر العجمي]

صالح الغالب

أهلاااااااا بك بعد غيبه 0

صح لسااااااااااانك0


من طول الغيبات جاب الغنايم 0

وعز الله انك كفيت ووفيت في القصيده الجزله 0

أهنيك عليها 0 وأسجل اعجابي 0

وليس لك عذر على الغياب سوى هذة الرائعه الشامخه التي امامي 0

يعطيك الف عافيه 0

وتمنياتي لك بدوام التألق والتوفيق0

وتقبل تحياتي 0
0
0
بنـــــــــــدر

[سعد العصيمي]

الاخ صالح الغالب
ياهلا وغلا فيك وتشتاق لك العافية
صح لساااانك اخوي الكريم على
هذه القصيدة المعبرة والحزينه
اسجل اعجابي بحضورك وابداعك
لك مني اطيب تحيااااااااااااتي
اخوك متأمل خير

[صالح الغالب]

هلا اخوي متامل خير ................... وحياك الله وحيا ردك على موضوعي .............
وهذا اللي ابيه التعليق على القصيده .................. ولك جزيل الشكر

[الغبه]

صح لسانك اخوي صالح الغالب ولا هنت على هذه القصيده الجميله
.... جرّحوني ليـن سالـت دمعـةٍ داخـل iiعيونـي
ابداع في ابداع


لك تحياتي

[صقر الصياد]

اخي صالح....

صح لسانك على الابيات الجميله .....

لكن لي ملاحظه بسيطه ارجوا ان تتقبلها بصدر رحب الا وهي لعن الزمن في اول بيت و هذا لايجوز....فمن منكرات الألفاظ عند بعض الناس أنه يلعن الساعة أو اليوم الذي حدث فيه الشيء الفلاني ( مما يكرهه ) ونحو ذلك من ألفاظ السّباب فهو يأثم على اللعن والكلام القبيح وثانيا يأثم على لعن ما لا يستحقّ اللعن فما ذنب اليوم والسّاعة ؟ إنْ هي إلا ظروف تقع فيها الحوادث وهي مخلوقة ليس لها تدبير ولا ذنب ، وكذلك فإنّ سبّ الزمن يعود على خالق الزّمن ، فينبغي على المسلم أن ينزّه لسانه عن هذا الفحش والمنكر . والله المستعان

جزاك الله خير....

واتمنى لك التوفيق في مشوارك.....

تحياتي و تقديري....

صقر

[محمد المتحمي]

استاذ نا الكبير وشاعرنا القدير 0صالح الغالب

السلام عليكم ورحمة الله وبركاته

رائعه تتحدث عن عمق هذا الاحساس الصادق الذي تجلى فيها شاعرنا الكبير

وقدم معزوفه راقيه من الكلمات الجزله تجبر الجميع على احترام الغالب

والله اني من سمعت العلم ضيعني جنوني
عاقل يجمع شتاته بس طيحه الجنون

تقبل تقديري واحترامي0 نقرة حضوضى

[صالح الغالب]

اخوي الغبه انا فهمت قصدك واعتذر لك اذا كنت زعلت ... وعلى ما يقولون ما ينسينا الخطا حب الخشومي ..... فلك كامل تقديري ,,,,,,,,,,,,,,,,,,,,,,,,,,,,


اما الاخ صقر .... فاهلا بك ومشكور على المرور على كل حال ...... انت كلامك صح وما اقدر اقول لك الا جزاك الله خير .... لكن اظن انه فيه مقوله لا يمكن تنكرها .... وهي تقول يجوز للشاعر ما لا يجوز لغيره ...... والشعراء معروف انهم يبالغون ..


اما انت اخي الحبيب نقرة حضوضي ...... فـ لله درك على ردودك المذهله .... التي اخجلتني وجعلتني ... اغتر في نفسي ...... اعدك ان القادم سيليق بردودك ..... واوعدكم اني ما راح انقطع عنكم مره ثانيه ......

وللجميع الشكر .............................................. تشااااووو

[صالح الغالب]

اسف لعدم تعليقي على ردكم ....
الاخ انا ما الومك على ردك يمكن لانك تعبت وانت تقرى ؟؟؟؟؟؟ ....على العموم مشكور


اما الاخ بندر بن حثلين ..... فـ اعجز عن الرد عليه .... لعدة اسباب ولا اذكر منها الا انه يتحدر من اسره لها مجدها في الشعر وغيره ...... فـتقبل تحياتي ..


اخوك ................ صالح الغالب