السلام عليكم ورحمة الله وبركاته
[poet font="Simplified Arabic,4,white,normal,normal" bkcolor="indigo" bkimage="" border="groove,4,deeppink" type=0 line=200% align=center use=ex length=0 char="" num="0,purple" filter=""]
كم جواب احتار في معنى سؤاله = وكم سؤال(ن) ضايعه فيه الإجابه
السؤال اللي سأل فيه انذهاله = تايه الفكره وشايب في شبابه
من يعرف ايجاوبه ما به خباله = نعرف اسلوبه وطبعه والعيابه
يطرد الصياد صيده لا صفاله = بس بعض الناس ما يحسب حسابه
وإن تعلى الصيد واصبح وسط هاله = ياقف بحده ولا يصعد هضابه
والشعر يذكر وله حد ومناله = وإن تعدى الحد صار بوسط غابه
ما يضيع الحق لو تطلب زواله = كل من له حق يسعى بإكتسابه
لا تقول الشعر ما تعرف مآله = حدده يمكن على اشعارك رقابه
لا نظرت الطيف بالوانه صقاله = حتى لون الليل يصبح كالسحابه
والجروح إلها دوا ما هي محاله = كل جرح اتعالجه قبل التهابه
كم ضعيف يعتقد وصل الكماله = والردى راعيه ما واحد يهابه
لو يشوف إنه وصل هذا استحاله = والخبال اعجاب والموت العجابه
لا تعجل بالحكم هذا جهاله = ولا يغرك كل كاهن في حجابه
ارفق بنفسك من علوم الرفاله = لا تضيع مع الجهل تلحق سرابه
لا تعذر بالهوى تحسب مياله = والعذر يقبل قبل ينصك بابه
شعركم مرفوض لو زاد اشتعاله = والمحبه تنتهي قبل النشابه
والقلوب القاسيه فيها عياله = والنفوس اكبار ما تقبل عيابه
[/poet]
العرض العادي
