أحــــــــــــلام شـــــــــايـــب

[نايف الشريف]

أحلام=شايب

البارحه ياحسين مع طلة النور=عقب الأذان وقبل لا أبدى صلاتي
مرّن ثلاث وكِنِهِن طلة الحور=من شفتهن رحت آتِمَنَى نجاتي
صرت آتوكى عند ممشاي ع .السور=غصّبن عليّ ياحسين طاحت عصاتي
امشي وفيهن صرت مبلي ومسحور=من شوق أهز الراس واقرط شفاتي
القلب كِنه بندق ام خمس بتثور=والريق جف وقمت اغص بلهاتي
وقفت ادير الفكر والراي والشور=عود(ن) كبير وهن حِسبت بناتي
ياويل قلب(ن) كِنّه إبنجر منجور=سِبت ثلاث(ن)مِثِرات إب.حياتي
ياليتها الايام والوقت بيدور=ارجع شباب(ن) زين حلوه صفاتي
إليا نويت امشي تطيبت بعطور=والبس شماغ وثوب اصفر نباتي
وأبدع من الانغام واللحن مجرور=والعب مع الشعّار وانفض عباتي
واسهر معى أحلام وإلهام وبدور=واعرف في تالي الليل وينه مباتي
افكار جوف الراس والنشر محذور=ياكيف تال العُمر احقق مناتي
احلام عود(ن) فاق من حلم مقهور=ياحسبي الله كيف ضيّع صلاتي

[العسجديھ]

^




























^








عزف بالكلمات عذبه لا يضاهى
موغل بالحس حد ملامسة العظام !
و أتسعت بكَ مدارات الهوى يا نآآآيفَ !






صحَ لسآنككك ،

[خالد السنحاني]

صح لسانك يانايف

واعتلا شانك

تقبل مروري

[شمس القوايل]

نايف الشريف

صح اللسانك على هذه الرائعه التي اتحفتنا بها

دمت ودام نزف قلمك الراقي

ننتظر المزيد من هالابداع لاهنت

شمس القوايل

[نايف الشريف]

اقتباس المشاركة الأصلية كتبت بواسطة ثَرْثَرَة غَ ـيْمَه~ ^ ^ عزف بالكلمات عذبه لا يضاهى موغل بالحس حد ( ملامسة العظام ) ! و أتسعت بكَ مدارات الهوى يا نآآآيفَ ! صحَ لسآنككك ،

إحلفي أيمان إنّي . يعجِبِك يابنت فنّي=وإن كتبت الشِعر كنّي . ألمس إبقاف العِظام
سمعيني ياالغمامه . صوت تغريد الحمامه=شاعِرِك دس إفكلامه . حب واشواق وهيام
شاعِرِك من صغر سِنك . مايطيق البُعدِ عنك=لا يجي في يوم ظنك . كل أحاسيسه كلام
ياسلام(ن)مرسلينه . قبِلِه من فوق عينه=دون ماتنسى يدينه . وإرجع إب رد السلام

اختي الفاضلة الكريمة
ثرثرة غيمة
السلام عليكم ورحمة الله وبركاته
زيارتك وزيارة الاخوة والاخوات هي ماتدفعني للكتابة
فلا تحرميني زياراتك كي تستمر كتاباتي
اخيك في الله
نايف الشريف

ملاحظة : كلما اكتبه لايعبر عن إحساس حقيقي بقدر ماهو لوحية
فنيَه احاول رسمها ( إعتذاري إن اخطأت التقدير )
فالمقامات محفوظة للجميع

[نايف الشريف]

اقتباس المشاركة الأصلية كتبت بواسطة خالد السنحاني صح لسانك يانايف واعتلا شانك تقبل مروري

مرحبا والفين حيّه . زدت فوق العد ميّه=وإن بغى ازيده شويّه . أذبح إثنين وسمان
ياهلا باللي لفاني . دام شدته المعاني=جا وشرّف لي مكاني . زان فيه الدار زان
لا تروّح وين ماشي . اقعِد وشرّف فراشي=والعشى ذا الليل حاشي . ماذبحت اليوم ضان
دوم لِك منزال عالي . قَدرُكُم فالقلب غالي=ياهلا من يوم جالي . زوّد إف قدر المكان

[نايف الشريف]

اقتباس المشاركة الأصلية كتبت بواسطة شمس القوايل نايف الشريف صح اللسانك على هذه الرائعه التي اتحفتنا بها دمت ودام نزف قلمك الراقي ننتظر المزيد من هالابداع لاهنت شمس القوايل

مرحبا شمس القوايل . ياهلا بنت القبايل=بالحكي ماني بقايل . خوف من عين الحسود
انتي بنت العز كلّه . عز محد(ن) يستقلّه=والكرم دربه تدلّه . ورث من عهد الجدود
فالعرب وإلكم مهابه . فالكرم إنتوا السحابه=مجد كملتوا نصابه . ما تحدِده الحدود
يوم جيتي اليوم ليّه . إنتخيت الشاذليّه=إلكي في قلبي حميّه . ما أقابِلك إب برود
جيت لك بالقول حامي . رجل شالتني عظامي=فالطريق امشي نظامي . ما اخالف يوم اقود
صِدق انا فالعُمرِ شايب . لا تقول العود عايب=الشباب اليوم خايب . افرحي لا جاك عود
قولي إسكت يامعنّا . عود فالشِعر إمتحنّا=ليت ما يوم(ن) تهنّا . دام بيّح فالسدود
الكلام إن زاد حدّه . الهوى ينباح سدّه=العرب تِفرح بعدّه . كل شي(ن) فيه زود
خلّني ساكت عساني . ما فضحت اليوم شاني = الغلا كانه يباني . كود في يوم(ن) يعود
انتظره وماعلينا . دام فالقول إبتدينا=الهوى ماهو فدينا . قلب وفجوفه رعود

[عــاشـق الهلال]

احلام عـود(ن) فـاق مـن حلـم مقهـور
ياحـسـبـي الله كـيــف ضــيّــع صــلاتــي
قصيده مميزه

تقبل ودي

[خالد السنحاني]

اقتباس المشاركة الأصلية كتبت بواسطة نايف الشريف مرحبا والفين حيّه . زدت فوق العد ميّه=وإن بغى ازيده شويّه . أذبح إثنين وسمان ياهلا باللي لفاني . دام شدته المعاني=جا وشرّف لي مكاني . زان فيه الدار زان لا تروّح وين ماشي . اقعِد وشرّف فراشي=والعشى ذا الليل حاشي . ماذبحت اليوم ضان دوم لِك منزال عالي . قَدرُكُم فالقلب غالي=ياهلا من يوم جالي . زوّد إف قدر المكان

المعذره توني اشوف القاف يا نايف

البقا تسلم عددها . غيمة دندن رعدها= غيثها لاحا بردها . ما تدور ترجمان
جعل تسلم يالشريف . من عنا اليوم الكليف = وافي وقولك منيف. للشعر عندك بيان
عادتك فعل الجميل . وصوغت القاف الجميل= فدوتك راس الذليل . لابدا للشان شان
جاك رد البيت بيت .صار لك بالجوف بيت = لو تنادي ماغبيت . الوفاء سلم اقحطان

[نديم القصيد]

نجمنا وشاعرنا المميزنايف الشريف
قصيدة رائعة من شاعر رائع
تقبل تحياتي وسلامي