من يدك كل الطعون الله يحييها.....!!!!
لو كل غلطه تجينا مانمشيها
يشيب وجه الزمان معقّد حجاجه
انداري الناس ونحاول نراضيها
وغير المشاريه ماخذنا ولاحاجه
لكنّ هالسالفه وش جاب طاريها
غير أنت ياشمعة الخفاق وسراجه
ياتحفةٍ ماوجد تحفه توازيها
ياملح شعري ويارمزه وياتاجه
تعال شوف الحنايا وش يجي فيها
من لحظة فراقنا لاوقت نتواجه
تحصل به اشياء مدري ويش اسميها
خلت رجول الهجوس الغبر دواجه
اي والله اهواك لكن ويش تاليها
مادام كل الدروب اليك منعاجه
من يدك كل الطعون الله يحييها
الا طعون الفراق المرّ وازعاجه
سنين عمري قطفت احلى لياليها
واخذت قلبي لأني كنت محتاجه
اتسهّر النوم والضحكه تبكيها
والناس قالوا يعد الشخص ماواجه
سويت لك كل حاجه كنت تبغيها
وانت ايش سويت..؟ ماسويت لي حاجه..!
من يدك كل الطعون الله يحييها.....!!!!
العرض العادي
