ايه ياحزن من خفوقي وانتشر
ماترك في جسمي الناحل خلايا او عروق
كنها الدنيا بما فيها على هذا الظهر
مانحنى ظهري..اقاومها وما بالقلب طوق
الفرح طفل وديع شاف حزني وانتحر
ينزف ودمه دموعي جرحت خد وموق
الله ياحزن الليالي مابقى فيني صبر
لا امل احيا عشانه ولا زمن وده يروق
فرقة العالي صعيبة كيف لا صارت عمر
خافقي يائس رجوعه ويحتريه بكل شوق
لا غدى موعد لقانا في محطاته قبر
احتري للموت موعد واطلبه بقلب صدوق
فارق الغالي عيوني هدها طول السهر
ياحسافة شمس حبي اعلنت موت الشروق