غاسل ايدي من شحمه ابتايد=والله اني ما اعيش ابدونه

[المشكى على الله]

السلام عليكم ورحمة الله

اول موضوع وأول قصيدة وأن شاء الله ماتكوون الأخيرة

وأن شاء الله البداية تبيض الوجه


لكن اتمنى عدم المجاملة (لأن المجاملة روتين قاتل)


مالكم في الطويله


يقول:

حال دوني والغضي اعوايد=لعن ابوها عادة(ن)ملعونه
كل واحد فـ الغرام ايزايد=من محبـة صاحبه واشجونه
نشتري من دون كسب وفايد=روح(ن)اضحت للشقا مرهونه
وقصة العشق القديم اجدايد=والجدايد..ذكريات اجنونه
واحد(ن)عن خلق ربي زايد=وسط قلبي والغلا ماعونه
لو طلب روحي مانيب امحايد=كن روحي في يده بالونه
اتحرى العيد لجل اعايـد=روحي الي حايره بسجونه
واتوسد للشدايد بالشدايد=لان روحه في حشاي اتخونه
وان بغيت العلم يابو رايد=شف عيوني والتفت لعيونه
غاسل ايدي من شحمه ابتايد=والله اني ما بعيش ابدونه

وسلامتكم

لكم ودي

[مــــــدى]

وعليكم السلام ورحمة الله وبركاته

اخي / المشكى على الله

صح لسانك , والله يعطيك العافيه

وباالنسبة للنقد تاركته لاهله ,, المهم ان قصيدتك راق لي مضمونها ..

حيّاك الله بينا ,, وننتظر المزيد

دمت بخير

[جنون شاعر]

صح لسانك مليارات يالغالي

وكفو والله وهذه هي روح الشاعر

ويبقى الانسان يتعلم طوال الحياة

ولم يخلق احد متعلم

بداية موافقة ورائعة

واتوسد للشدايـد بالشدايـد

بس ماتعتقد معي انه تغير اللحن في هذا الشطر ؟

صح لسانك وبيض الله وجهك


تقبل مروري ولك خالص تحياتي وتقديري

عمرو الغالبي

[المشكى على الله]

مدى الله يحييك

اكيد المنتدى مو للنقد ،لكن لكل شاعر وشاعره رأيي

نورتي

لك ودي

[العـ راعي ـليا]

صح الساانك ولا هنت


وأنا مع جنون شاعر فيما اشار اليه ..

نشتري من دون كسب وفايد


آرى لو أن هذا الشطر هكذا أفضل ..

نشتري من دون أدنى عايد ..

// لان الكسب هو نفسه الفايد ..

وبالتالي اصبح هُنا تكرار لا لزوم له من وجهة نظري المتواضعه .


تقبل تحيّتي وتواضع مروري ولو لم تقل ما قلت لما كتبت ما كتبت .

دمت بحفظ الله ‘‘

[المشكى على الله]

جنوون شاعر
راعي العليا
شعراء ولكم ثقل في المنتدى،وسعدت بصراحتكم

بالنسبة للكسـر !!

مدري بس اعتقد اني تجاوزت هذا المطب والبيت واضح يعني نطقه زي ماهو مكتوب !!

لكن ننتظر الأخوان،وأن كنت اول مره انظم على هذا اللحن،وما ادري اذا صحيح او لا

بالنسبة لملاحظة راعي العليا الثانيـة صحيحة 100%

الله لايحرمنا من ارائكم وانتقاداتكم

لكم ودي واجل تقديري