دن ّ قاف الحزن واصدح بالف صيحه
يوم ضاق الصدر .... / ...
والكون الفسيح
يوم فاضت من ( قشر حظي )
القريحه !
ليت مافاضت ..
وانا خلقه ! ..../ .. جريح !
البلا إني جيت ... / بعروق ٍ .. صحيحه !
ورحت مافيني ..... / ولاعرق ٍ ..
صحيح !
وصرت عاشق ..
شايل ٍ بيده ! ضريحه ..!
غلطته . :
( لاحب .. باحساسه .. صريح ) !!
لاتحرى من ورى ( عاشقك ) طيحه !
ينكسر ! يمكن ! ... ولكن /
...... مايطيح !!
وش اخبارك ؟
عسى بعدي الهوى زارك !؟
عسى بس حافظ اسراري مثل ماأحفظ اسرارك !؟
عسى مشتاق لعيوني
عسى مرتاح من دوني ..!؟
عسى لو بالخطا مره أمرّ وأشغل أفكارك !؟
عساك تحنّ
لااشواقي !؟
عساك تون ّ
لافراقي !؟
عسى للحين أنا باقي من أجمل وألطف
اقدارك !؟
وابي تسمع !
آهات صدري ..
وتنهيدي .. وموالي !!
مكسور خاطر وعيني لحالها تدمع !
وانا لحالي أفكر فيك ....
مع حالي !!
جتني من اقرب ناس ..
ياأظلم الناس
مع ذا أنا مالان راسي
...... ولا لنت
ماهي غريبه تشوفني
قاسي إحساس !
كلن وقف ضدي مع الوقت
حتى انت !!
وين ياملح السنين !؟
لي سنه !
لا والله أكثر ... أنثر احساسي .. حنين !
واكتم انفاسي أخاف الشوق يطلع !
في رجا .. ( إنّك تجين ) !
في رجا .. إنّك تعيدين الحياه ..
للي بعدك قام يصرخ :
آه ٍ وآه ٍ وآآآآآآآآآآه !
للي بعدك .. ضاع بعضه !
وبعضه الباقي
نساه !
شوفي حالي !
منطوي وحدي .. ولا لي !
غير اقلّب ذكرياتي .. ! وانتظر طيفك يبين !
ياااه .. ياهالذكريات !
تذكرين !؟
كم سهر " طرفي " على " طرف ٍ " يبات !
وكم جرح ٍ مات ! ... حي !
وكم فرح ٍ حي ..
مات ..!
تذكرين !؟
كنت أنا لاغبت اجي واسأل :
بكيتي !؟
تسكتين ..!
وأسمع أشواقك تقول :
إيه ياحيي وميتي !
وكنت أشّر يم قلبك .. واسألك :
هو .. هذا بيتي !؟
كنت أسمع .. دمعتين !!
تذكرين !؟
كيف اسابق لهفتي
لاجيت يمك !؟
وكيف كنت اجمع حنيني وانثره ...
من شان المك !؟
تذكرين !؟
يوم أنا ( أول ) ... أهمك !؟
ماسألتي .. كيف حاله !؟
طفلك .. النايم بصدري !؟
وكيف لامنّه تشوّق ..!
قمت احس النار .. حدري !؟
وكيف اجاوب لاسألني .. ( ياترى بالحال تدري ) !؟
كيف ابهرب عنه .. قولي لي أمانه !؟
وين أودي وجه صبري ..
لابكى فيني .. حنانه !؟
وكيف اسليه ب غيابك !؟
وأنا احس إنه بصدري .. مل ّ حتى من مكانه !
يالله عاد !
انفضي غبار الرحيل .. وأطعني
" صدر البعاد " !
ياهو .. لاعبّي الحنين ..
هه ! شوفيني حزين ..
لا الهوى هذا هواي ... ولا بلادي هي بلاد !
ماسألتي ليه اموت الفين مره ..
لاطريتك !
وليه احس القلب يطلع !
بس .. لامنّي بكيتك !؟
وليه أنا .. أفنيت عمري .. فدوة لعيونك !
وجيتك !؟
ماسألتي .. ليه يعني !؟
وكل طاري هم ْ من بعد تبعني ..!؟
يمكن إن قلبك .. نساني ..!
أو يمكن ... ماسمعني !
إييييييه والخالق .. " أحبك " ..!
حتى أوجاعي ..
تحبك !
حتى أسمك لابغيت أنطقه !
يطلع لي " أحبك " !
يا " أحبك " !
الجرح خلّه .. لاجل الايام ...
ذكرى !
بس لاتجي في يوم ...
وتقول ... نادم
خابرك تفهم بالأحاسيس ..
وادرى
يوم ٍ أخلّي القلب ..
لرضاك .... خادم !
يوم ٍ أجي ملهوف ..
وتقول بكرى !
وبكرى أخاف الموت ....
يابن الأوادم !!
أسولف للمطر .. عنّك !
ولكنّك !
ولااعبرت أشواقي !
أنتي الأمان بروعته ....
والتباشير
أنتي الحنان ...
ب لذته .... واحتدامة
يالله تعالي جف ّ في روحي البير !
وشلون ليلي ... لارحلتي ........
أنامه !؟
ماني امعيّن ..
من ورى غيبتك خير !
لاغاب صوتك ...
قلت : ياللّه . السلامة !
تدرين لاغبتي ورحتي ..
وش يصير !؟
أموت وتبكي فوق قبري ...
حمامة ...!!
لـ شاعر بركات الشمري Mms + Sms ~
العرض العادي
