انـــا نـفـسـي بـداهــا مـــا بــداهــا
سـبـايـب بـنــت مالـكـنـي هـواهــا
خذاني العشـق فيهـا غصـب عنـي
وروحـــي تـنـتـظـر حــــزة لـقـاهــا
وهـي مثلـي .. تبادلنـي شـعـوري
وهيـام العـشـق غطـاهـا وكسـاهـا
ولكـن !! .. سافـرت عنـي وسجـت
ولادري ويــن اراضـيـهـا و سـمـاهـا
وتعبت ابحث فـي كـل الكـون عنهـا
تعـبـت ومــا قــدرت آصــل حمـاهـا
وتعب قلبي وسـط شوقـي ينـادي
غـلاتــي .. مـــا يجـاوبـنـي نـداهــا
وتعـب كلـي عـلـى حـالـي يعـاتـب
ويسأل ليـه ؟ وش سبـة جفاهـا ؟!
وتعبت امشي وأمشي وسـط دنيـا
بـهـا الاحــزان اكـثــر مـــن هـنـاهـا
كوتني بجمر عشقي .. لين شابـت
جـروح القلـب مـن ضيـم ٍ سطـاهـا
وشكيت اهل الهـوى .. قالـوا تصبـر
وبــإذن الله .. تشـفـى مــن بـلاهـا
ونويـت اصبـر.. وأصبـر كـود صـبـري
يــــزول آلام ذابـحــنــي قـســاهــا
وصبر صبري على صبري .. ولكن !!
لفـا صبـري علـى حالـي و شكاهـا
ويـقـول .. إن المحـبـه بــك تـمـادت
بــروح الـيـوم واتـــرك لـــك غـثـاهـا
طلبـتـه قـلـت لــه ارجــوك تكـفـى
الى مـن رحـت نفسـي مـن دواهـا
ترجيـتـه وغــادر مــا ستـمـع لـــي
وزاد الـحــال فـيـهــا مــــا دهــاهــا
خــلاص .. الصـبـر ياعـالـم تركـنـي
علـى دروب ٍ تـعـذب مــن مشـاهـا
وآه العـشـق .. صـــارت حاويـتـنـي
ودمـعـي دايــم ٍ يـمـشـي مـعـاهـا
نصيبـي .. وكـل مــا جـانـي قبلـتـه
ولـــو نـــاري تـــزوّد بـــي لـظـاهــا
انـا راضـي علـى حالـي و نفـسـي
دوام الــدوم سـاكـن بــي رضـاهــا
وحمـدي .. واصــل ٍ لـلـي خلقـنـي
وروحـــي برحـمـتـه زادت رجــاهــا
ومهـمـا صــار فيـنـي مــن حـزايـن
تـــزود الـنـفـس للـخـالـق دعــاهــا
عساه اف يـوم يفـرج لـي همومـي
وعيـنـي بشوفـهـا تــروي ظـمـاهـا
أو انــه يــوم يمـسـح لــي فــؤادي
واسالـي عشقهـا واسـلـى غـلاهـا
العرض العادي
